<<هنا المدروف الغياضي والساحلي <<الدان >>

[مجمل]

البكري فصل الصوت هذا وحقه معه
والفصل الجديد عليك يابونمر
فصل للسمار بلحن شجي زييييييييييييييييييييييييييييييين جم

[البكري]

البكري متكدّرمن احواله حزين = دعوا الله يخرجه من احزانه
ماجا بيدّي لي حاط عليه العين = ماجات عيني زمن في اعيانه

البكري

[أبونمر]

إذا لك ظرف لظروفك ترانا مقدرين =والآدمي اسوته يالبكري بأقرانه
والأخ له واجب مع خويه يعين=ويكون في حاجته فاتح دوب اعيانه

خلاص خلوها بالسهاله طالما اقترحت يامجمل اني افصل باشوف شي صوت من صوات صالح باغطاء

[البكري]

فصل يابونمرحسي معي ذلحين = سمعنا صوت المدروف والحانه
الطيب من كلامه لك يبين = تفهمه من الاقوال وتفهم بيانه

البكري

[أبونمر]

على بندر عمر ياكم وكم من نفس محنونه =مجمل حن له قلبه ونا قلبي كما محنون
عشقنا برع السده لترتوبه وقانونه =لأن العشق له معنى وله يأهل الهوى قانون
ولانسى الشرج والمنقد ولا الرزميت وحصونه =ولا البقرين ذي فيه المباني قائمه وحصون
ولا غار الحمر باينتسي والعين من دونه =وخل باعبود والكوده في الزايد تشل والدون

[البكري]

مافارقوه بندر عمر ذي هم صدق يعشقونه = صبروا على حواله ليهم صدق له يعشقون
عاشواالعمر كلّه فيه غلب ما با يفارقونه = من كثرالمحبه له ماقدروايوم واحد يفارقون
مرت علينا مشقّات وحياتناعبرت في مهونه = ولجلش يا حضرموت كل شي عندي يهون

البكري

[أبونمر]

سكنا فيه اول قبلما انتم تحلونه = ورحنا منه لما يوم جيتوا فيه باتحلون
وقلنا خافكم لاقدسكنتوا فيه تحمونه=من الغازي وطامع فيه باتحمون

]

[البكري]

وجدنافيه يابونمر ولا ضنينا عرب يغزونه = ولاتوقعناكم تقعون دليل للي يغزون
حميناه منهم ولا توقعنا حد منكم بايخونه = نعدكم خوه ولا ظنينا الخوه بايخينون

البكري

[أبونمر]

ولا مخباط يالبكري سمعنا كم تضربونه =وانتم قبل عسكر كنتم تضربون
شجاعتكم على التخطيط وش ذي باتخطونه=وحتى المدرسه في الحي ماتخطون
ولكن الزمن بيعود والذي باتشوفونه =من أهل الأرض ياساتر ستر لوعدكم تشوفون
وكل دلال اوخاين لأرضه باتعرفونه = ولكن المصيبه في الذيهم ما بغوا للآن يعترفون

[أبونمر]

اقتباس : المشاركة الأصلية كتبت بواسطة أبونمر

على بندر عمر ياكم وكم من نفس محنونه =مجمل حن له قلبه ونا قلبي كما محنون عشقنا برع السده لترتوبه وقانونه =لأن العشق له معنى وله يأهل الهوى قانون ولانسى الشرج والمنقد ولا الرزميت وحصونه =ولا البقرين ذي فيه المباني قائمه وحصون ولا غار الحمر باينتسي والعين من دونه =وخل باعبود والكوده في الزايد تشل والدون

غمضت العين من نظره تصيب الوعل بقرونه =ولاتعنيت للمقناص ضوي حاني الأقرون
وباب العشق بانفتحه ذي هو كان كالونه =بلا مفتاح ولقينا ثنعشر قفل للكالون