11-19-2005, 01:38 PM | #1 | |||||||
حال قيادي
|
رسالة الى الاعضاء المشغولين بالاختبارات
الحمد لله رب العالمين، والصلاة والسلام على اشرف الانبياء والمرسلين .. وبعد السلام عليكم ورحمة الله وبركاته قبل كل شي احب في هذه العجاله ان ابعث كليمات الشكر والتقدير والعرفان لاخي وحبيبي وحشاشة جوفي الاستاذ الدردغانه المبجل / صلاح بن طميهر الخثعل نظير ماقدم من جهد ووقت ومال (ايه هين مال .. افلقني ان طلع الريال من مخباته) واقول له كفيت ووفيت وجزاك الله خيرا بما ان العالم لاهية بالاختبارات ودي أغتنم هالفرصه لكي اعرض على الاعضاء والعضوات عرض خاص واتمنى ان يحوز على رضاهم ومن ثم موافقتهم وعلى ماقال القايل:الفرص تراهن ماتجي الا مره ====> مره ولا حبه سودا يعني تمسكوا بهالفرصه اللي سنحت لكم من نبيل واستغلوها احسن استغلال اييييه سالتوني وشو العرض او ماسالتوني الى الحين اكيد انكم تبي تسالونني لكن مستحيين العرض الله يسلمكم ويباركم فيكم اني بشارككم في العضويه وراكم طيرتوا عيونكم وقعدتوا تناظرون بعض ؟!! ايه بشارككم ماعمركم سمعتوا عن ناس يتشاركون بتجاره .. بتقسيط مواتر .. بجمعيه .. باسهم .. باراضي .. بمحلات ... الخ اكيد ماعمركم سمعتوا لان كل واحدن اكمخ من الثاني مع احترامي العالم تاجرت واسترزقت واستغلت الفرص وانتم على رواتبكم المهم ما اطول عليكم .. مشاركتى معكم انكم تعطونني يوزراتكم والباسووورد وبما اني دايم متواجد بالمنتدى تقل مواجر واذا رجعتوا رجعت لكم يوزراتكم وكلمات السر منب ما كلهن لا تخافون طبعا المستفيد انتم بكل الحالات لان صورتكم امام المشرفين تبي تصيربالعلالي العلالي والا قوودي <<<< مهب وقته >>>> سم ابشر اقول صورتكم تبي تتحسن امام المشرفين ويبي يقولون ماشاء الله على هالاعضاء النشيطيين ماليين كراسيهم وماقصروا في شغلهم ومتواجدين باستمرار ليت كل الاعضاء مثلهم وتصدقون اتوقع يزيدون رواتبكم ويصرفون لكم بدل ضيقة صدر صدقون عرضي هذا لوجه الله لا اريد من وراءه جزاء او شكورا الا من الله سبحانه وتعالي والا وش اللي يخليني اعرض عليكم هالعرض المتعب بالنسبه لي واللي ربما يثقل كاهلي اللهم اجعل عملي خالصا لوجهه الكريم <<<ناوي اذا استلم يوزراتهم يحوس مرير المواضيع فكروا بالموضوع واذا جزمتوا دقوا علي بيجر كتبه المخلص لكما الحافظ لودكما المطيع لاوامركما / نبيل بن جردان الصيعاني / مدينة الصداقه والاخلاص |
|||||||
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
الفدرالية بين المطلوب والواجب" رسالة الى الثوار الشرفاء" | حد من الوادي | سقيفة الأخبار السياسيه | 0 | 09-07-2011 01:24 AM |
حضرموت"والجنوب العربي"واليمن: مأزق الاندماج ومفارقات الانفصال والوحدة | حد من الوادي | سقيفة الأخبار السياسيه | 1 | 07-13-2011 04:35 AM |
صنعاء الأشتراكي اليمني" يسعى لركوب موجة الحراك العربي الجنوبي | حد من الوادي | سقيفة الأخبار السياسيه | 0 | 02-10-2011 12:36 AM |
الحضارم السلفيون | ابوسعدالنشوندلي | سقيفة إسلاميات | 0 | 12-12-2010 02:24 PM |
رسالة وفاء الى الاوفياء , بقلم / أحمد عبدالله الحسني | عليان الكندي | سقيفة الحوار السياسي | 4 | 11-13-2010 02:54 AM |
|