02-13-2009, 10:18 PM
|
#21 |
|
مشرف سقيفة الأدب والفن
|
شكرأ اردوغان
يقــول بـــو طــارق عمـــر ياللعجــب=مــن عمــرها ومعمــورها وعمـــارها الشاعر:عمر سالم الذيب
لـي جاملـوا دافــوس بغـــزه والنـقـب=وعــانـقــوا بــيريــز يـــوم احوارهـــا الاّ الأبــيّ الحــــر مســلـمنــا انتــــدب=حـامـل لـواء غــزه ومـعلـي شعارهـا إبـــن الحضــاره والثــقافــــه والأدب =ياممثــل الأمــــه عميـــد احــرارهــــا لاهنــت يااردوغــان ياطيــب رجـــــب=يارمـــزنــا الأول وخـــيـر اخيــارهــا سجَّــل لــك التـاريخ موقـف وانكتــب = باحرف ذهب خالـص ثقيل اعيارهـا هذي الـرجـال اللـي حسَبـها والنسَــب=يُنسـب لمـــن انــزل عليــه ابغـارهــا مثـلــك وأمثـالــك مـــرادي والطـلــــب=يالفــــارس المــقــــدام يــامغــوارها يامــن تحمـلــت المشــقـــه والتـــعـــب=فـي نصـرغزتـنا وكسـر احصارهــا واشعلــت فـي وجه العـدو نـارالغضـب=ومـن يدعـي الأسـلام من حضّارهـا باقــي املنـــا فيــك يالــرقـم الصــعـب=ياســيفنــا المســنـــون يــابــتارهـــا ويلعـــن ابــو مــن خــان لو أكبر شنب=مــادامــه اتــواطأ مـــع كفــــارهـــا وبعــــد بســـأل مـــن قــــرأ والا كتـــب=وجـوابي المطلــوب مــن شعّـــارها هل قــزم اردوغـــان ســادات العـــرب=يــوم التقى الجمعان حول اسوارهـا ماشفت حــد منـهم مـن الساحـه قــرب=لاعقــيدها تقـــدم ولا ثـــرثــارهـــــا واكبر شنب فيهم على استحياء شجب= هل شـجــب اسرائيــل واستنـكارهــــا با يـحــرر القــدس الأسيــــر المغتصـب=او بايرد غــزه ودم اطــهارهـــــا ياأمتـي هـل عـاد شـي ساعــة غضـب=ننــصر بـهـا غـــزه ونـاخـذ ثـارهـــا |
|
التعديل الأخير تم بواسطة عمر الذيب ; 12-18-2010 الساعة 07:44 PM |
|
|
|
02-13-2009, 10:26 PM
|
#22 |
|
مشرف سقيفة الأدب والفن
|
يقول الذيب
يقول الذيب بو طارق صحابـه خيبـو ظنـه =وقفـو باستغاثاتـه ولا واحـد سـال عـنـه تركهم وكل اكريمان في الظاهر وبـا طنهـا=ترى الشكـوى لغيـر الله مذلـه مانواطنهـا نصيحه قولها من قلب صادق يـردف الونـه=ترى قوم الوسع لاطاح صاحـب جنبـو منـه لعد تشكي عرب حكت لك الازمـه معادنهـا=ترى الشكـوى لغيـر الله مذلـه مانواطنهـا ترى قوم الوسع ماشي لهـم حنـه ولا رنـه=ولا هي بيدهـم بايحرمونـك قاطـر الشنـه لهم لاتنثر اسـرارك وقلهـا جهـار واعلنهـا=ترى الشكـوى لغيـر الله مذلـه مانواطنهـا صبر عا لحمل وتصبر ومهما ثقلـة الوزنـه=ترى كمن جمل مثلك سرى بالحمل عا متنـه سرابـه والمسافـات البعيـده مشتكـى منهـا=ترى الشكوى لغيـر الله مذلـه مـا نواطنهـا وليهم في الوسع قالو الجمل ما فيه شي عطنـه=ويوم طاح الجمل كل من معه سكين هب سنه ومهما نشتكـي عالموبقـات السبـع ثامنهـا=ترى الشكـوى لغيـر الله مذلـه مانواطنهـا بما قد شافـت اعيونـي ومـا الاذان سمعنـه=وما تاملت بـه منهـم ومـا الافعـال يحكنـه معد بانشتكي العربـان فيمـا قالـت السنهـا=ترى الشكـوى لغيـر الله مذلـه مانواطنهـا من اصحاب الوسع واهله معد في خاطري حنه=الى هم شوكت الميزان بيـن النـار والجنـه معد بانشتكي لـو يحرمونـي مـن جناينهـا=ترى الشكوى لغيـر الله مذلـه مـا نواطنهـا واخر قول بو طارق يناطـح منكسـر قرنـه=ثلاثه وعول ماقـدرن علـى راسـه يوطنـه ولا با يشتكي بالسن شكـت منهـا مطاحنهـا=ترى الشكـوى لغيـر الله مذلـه مانواطنهـا |
|
|
|
02-13-2009, 10:33 PM
|
#23 |
|
مشرف سقيفة الأدب والفن
|
بعد الغياب
سـلام وتحيـات بـو طـارق عمـر=بودي كام الذيب مـن بعـد الغيـاب سلام وتحيـات عـد طـش المطـر=لهـل السقيفـه كلهـم شيبـه وشـاب واعداد موج البحـر واوراق الشجـر=واعداد مانوبه تحـن فـوق الشـذاب واعداد مايـدورون شمسـه والقمـر=واعداد برقانه ورعده فـي السحـاب ذا باب والثانـي لكـم عنـدي خبـر=واضح وضوح الشمس محجبه الضباب اخبار مـن رجـال هرجـه ماقصـر=لاقال شي كلين يحسـب لـه حسـاب وان عبـر الميـزان محكـوم العبـر=وزنته في الميزان طن ماهـي هبـاب حيفاء وما بعـدا عبـر فيهـا ومـر=هذه حقيقـه مـش حلـم والا سـراب رجـال متوكـل علـى رب البشـر=ماهو على كوندي ولا عيال الكـلاب صادق مـع ربـه ونفسـه واستمـر=عا نهج واضح مابـداء فيـه انقـلاب صمم علـى مبـداه قاتـل وانتصـر=وجاب حقـه مـن حلاقيـم الذيـاب ماهو كمـا شلـة مصافيـق الخـور=لي ورمة من صفق كوندي والعتـاب هادي بعيـد الشـوف وبعـد النظـر=ماهو من اصحاب التامـر والخـراب حتى العدو بالصدق لـه سلـم وقـر=وقال غيره فـي الجماعـه مانهـاب واخـر خبـر منـه يقشـب بالشعـر=خلا غشيم البيت يمسي جـاي هـاب انـذره ان عدتـو وقاربتـو المـقـر=بالموس بو تمسـاح بحلقهـا شنـاب |
|
|
|
02-14-2009, 03:02 AM
|
#24 |
|
مشرف سقيفة الأدب والفن
|
مذهه من المذهات قل الله يجير
اسرت قلبي بالعيون الناعسه=وامسى بنظرة عين في يدك اسير ومليت ذهني بالشفاه الهامسه=وسحبتني لا داخل البحر الخطير هيهات مابيني وبين اليابسه=عشقك ونظراتك واهات الضمير اعشق وحب لكن نفسي يائسه=يئست من ا شياء جم في الدنيا كثير الا تناويد الغصون المائسه =مازال في قلبي لها موقع كبير ومشية القامه الذي متجانسه=اؤحي انها تعصر على قلبى عصير عاشق وقلب العشق ماناباخسه=مادام له نظره في قماش الحرير اعطيتكم ماكنت مبطي حابسه=مذهه من المذهات قل الله يجير |
|
التعديل الأخير تم بواسطة خالد بن مهنا ; 02-14-2009 الساعة 03:07 AM |
|
|
|
|
02-14-2009, 03:13 AM
|
#25 |
|
مشرف سقيفة الأدب والفن
|
ودقت العبرات
يا من لك استسلمت واعلنت الولاء = واعطيتني عهد المحبه والامان نجمك وعشقك في سماء عشقي اعتلاء=واشرق على الدنيا ومن فيها وبان مغلاك وايضا زدت في عيني غلاء =ومحبتك في القلب زادت والمكان واكبر مساحه فيه ياريم الفلاء =بسمك ولك قلبي وعطفه والحنان وفي حجاب القلب بسمك ياهلاء=انستني ورحبت يابدر الزمان كامل مكمل في خصالك والحلاء=يابو العيون السود ياحلو اللسان ابطلتك قد زال همي وانجلاء =وضحكت الدنيا وباقي العمر زان ورسيت عا بيري زونها والدلاء =وشربت وتهنيت يا لقلب الضمان ونسيت ان البعد والغربه بلاء =ونسيت اني مغترب والوعد حان ودقت العبرات صدري ومتلاء=ودبرت من عنده ونا حالي ملان |
|
|
|
02-14-2009, 03:15 AM
|
#26 |
|
مشرف سقيفة الأدب والفن
|
ياحضرموت المجد
ياحضرموت المجد يا اغلى بلد = يا عزنا والفخر في كل الوقوت انتي كنان الراس لا الراعد رعد = وعمت الشاره مدنها والخبوت انتي سندنا يوم نسال عا السند = جوابنا الدامغ انا من حضرموت كلمه ورثناها على ابا وجد = الفخر فيها والمعزه والثبوت وان حد سالني ايش عندك ياولد= قلت الكرم والجود عنوان البيوت والجود والناموس فيها معتمد = له كرت متمز على كل الكروت وانتاجها هلبا وما ورد وزبد = والما مكرر من كرع وسط القلوت واحلا عسل منها الى الدنيا ورد = والسمعه الزينه موكد بنك نوت وعشقها في القلب ساكن للابد = من يوم ما نخلق الى ساعة نموت مهما حصل مغليش يا اغلا بلد = دومش كمتراء والصبر عنبرو ت |
|
|
|
02-14-2009, 03:27 AM
|
#27 |
|
مشرف سقيفة الأدب والفن
|
عمر الذيب والتابعي والقدس وجنين والشعر
كتبت هذه القصيده ردا على قصيده وصلتني من الشاعر ابو ياسر التابعي من محافظة ابين من مدينة مكيراس وذالك اثناء احداث مخيم جنين اثناء الانتفاضه وللاسف انني فقدت قصيدته ولكن هذا جوابي عليها قل لبو ياسر الشاعر وصلني مترجم = خطك الزين لي فيه الخبر والعلامه حي ماقلت وكلامك على الجرح بلسم = كلف الذيب مستعجل يبري قلامه يوم بو طارق المهجوس بلحال يعلم = لا عبر ماه في حلقه ولا مر طعامه يمسي الليل عا فرشه مثيل المتيم = ما حصل حرمه قوته ولذت منامه بعد هذا وذا بلفايده با تكلم = من قطع عهد عا نفسه يوفي كلامه يترك الغطرسه والهنجمه قسم لعجم = لي تغيشم وسواله علينا غشامه قله الدين في طيبه وفي دار لرقم = عزه الله ومخلد ليوم القيامه دونه الموت لو نهلك جميعا ونعدم = قل لشارون واصحابه وزمرت صنامه يا عرب وينكم والقدس تحرق وتهدم = والف مسلم بري شارون كسر عظامه والف طفله قتل بوها وكم طفل يتم = والعرب يشبو من الاطلسي لاتهامه وانتهى كل شي والعاد واحد تحمحم= سلمو وانتهو يالله لنا با السلامه نسيو القدس واستهزو باهل المخيم = لي صمد فيه عشاق الشرف والكرامه الفدائي قسم والشعب ايده واقسم = بعد هذا القسم كلن يشمر كمامه من فلسطين يا كمن فدائي تحزم = حط روحه على كفه وجاهز حزامه جيش صهيون قابله الشباب الملثم= في جنين انتقم والله شديد انتقامه والزعيم التزم والشعب ما ظن يهزم =شعب مسلم وحر ما هو بسيط انهزامه شعب للقدس قد ضحى بلرواح والدم = رافع الراس والهامات عالي مقامه تركوه العرب والعاد واحد تقدم = وطؤ الروس دفنوها مثيل النعامه مابقي في العرب ضابط ولا جيش يحلم= الجيوش انتهت والشعب ماتت حلامه وانتهى الجيش لي قلتو عليه العرمرم = ترك القدس والاقصى نهار اقتحامه وترك المشكله والعاد يدخل وينظم = في جيوش اليمن وجيوش اهل الثمامه والبعير القوي والهيج لي ما تخطم = قد برك وانخطم والقو براسه فدامه ماكن القيد في يده ورجله ملحم = الف لحام ما قدرو يفكو لحامه وانتهى الدوسري لي كان يهدر ويقظم= ذل قلبه ورك والعاد تشله قدامه عاد شي منكم والا قنع قل ليسلم =قبل الغيث والعاد شي مطر في جهامه في الحقيقه الم وانته عليها تاقلم = واخبر الحضر والبدوي الذي في دقامه واخبر البناس في شعبان والا محرم = من نواء الحج والعمره يغسل حرامه بعد ذاك الزمن زام الزعيم المكرم = لي دفناه وادفنا معاه الزعامه لي تصدى لعدوان الثلاث المنظم = واسقطه وانتصر وامست ترفرف علامه مامعي شي امل الا في الوعل لدهم =لي بقرنه نطح في الحيد طير ركامه قشعته اثرت في حيد ظبه وظلهم = واثرت في الشبامي يوم هزو شبامه والذكي بالاشاره يا المحبين يفهم = وافهمو واسبحو في بحر ستين قامه والزعيم الاهم معروف با الامر مهتم =بو حمد تاجنا واحنا جميعا وسامه قايد المجد والوحده له اليوم نقسم = با الوفاء والولاء ونسير خلفه وامامه لاطلق خيل قحطان اليماني الملجم = ضاع شارون وجنوده وضاعت حلامه والزعيم الذي لهله وامته قدم = حي ممساه وصباحه وحيا خيامه الزعيم الذي لا قال والا تكلم = تحترمه الدول تمسي تحلل كلامه عاش بو فيصل القايد وعاش المخضرم = والي العهد لي يفرض عليك احترامه ولد صقر الجزيره كم تعلم وعلم = واسس العدل في المعذر وقصر اليمامه باشهد له وبا يشهد معي كل مسلم =المواطن واصحاب السمو والفخامه والف صلي على الهادي محمد وسلم = خاتم الانبياء لي ظللته الغمامه |
|
|
|
02-14-2009, 03:30 AM
|
#28 |
|
مشرف سقيفة الأدب والفن
|
عمر الذيب والعشق
قال بو طارق السالي عمر في سؤاله = يوم شاف الغزاله والضباء امس يرعون مال من لي بلاء راعي وهامل لحاله = ونخل من لي بلاء شارح ومنه يبدون ذي السنه بيد والاصاحب المال ماله =مال با النشر ماهو ملك قاطع ومضمون ياعلي ضاق حالي يوم شفت الغزاله =بين ليهم يحطو والذي هم يشلون شفت فيديو كليب ان تذكرو البرتقاله = امس بالعين شفته والف مثلي يشوفون هب زمان الهواء والعشق واجمل خصاله= لي بنو ساسها العشاق ليلى ومجنون عشق فيه الشرف والعز ماهو هباله = لاغليت المحب باعك وبيعته بالدون وانكسر قلب وتحسر على ماجراله =من زمن عيف واهله عاالعيافه يغنون والمغني يغني عنده الا سهاله = والجماعه على لحنه يباتو يقصدون عشق تالي زمن واهله مميز بحاله= عشق ماله موانع او معاني وقانون عشق مقلوب ثاني يختلف في شكاله=عشق لارايحه لهله عرفها ولا لون حد بغاء العلب لاحرة يقعله ظلاله = وحد بغا العلب بينوشه كما لي ينوشون والذي بيده الدرهم وبيده رياله =يحسب الناس عا كيفه يهبو وبيجون وعادها عشقه اجديده بدز الرساله = سبرة تنتشر في كل شاشه وتلفون رب سالك بحسن الخاتمه والجماله = من عمال الزمن واهله عساء الزين مصيون |
|
|
|
02-14-2009, 03:34 AM
|
#29 |
|
مشرف سقيفة الأدب والفن
|
المعتصم
وين العرب وين العروبه واهلها =وين الشرف والعز لي روح وغاب يوم انتخت حره على من ذلها = المعتصم لبا نداها واستجاب لبيك واختاه في حل حلها = حرك جيوش الحق ليهي ماتهاب ماقال هاتولي خبر من اصلها = من اي قبيله او من اي انتساب مادام عربيه وحره لجلها = سنو حدود السيف قطاع الرقاب مادام عموريه اهلي اهلها = الثار ثاري من بدع ياخذ جواب ورجع اللطمه بلطمه مثلها = وحط انف المعتدي وسط التراب وبانت الامه وبين عدلها = المعتصم انصفك يا الخد المصاب وش بدل الامه وبدل دلها = تمشي على ماراده الناس الجناب حره يهينوها وحره قتلها = مسموح به مادام قتلتها الكلاب غطت جرائم عصرنا ماقبلها = وكانت اخرها جريمة الاغتصاب ولا تحرك عرق في واحد لها = يوم انتخت وتصيح من فعل الذياب با الرغم من ان الجريمه ثقلها = اثقل من اللطمه ومن كشف النقاب بي بررو بكره بانه عقلها = ماهو سواء من شان يرضون الصحاب وانه وجب تعزيرها او عزلها = وان القضيه غامضه فيها ضباب فيما تقوله كندليزا واهلها = ماشي معانا غير تحريك الذناب] |
|
|
|
02-14-2009, 10:40 PM
|
#30 |
|
مشرف سقيفة الأدب والفن
|
البقره الضاحكه
ماتو لنا تسعه وقتلت عاشره=واحدعش وثنعشر وخامس عشرها وماتو لنا اطفال بعد امباشره=عشرين وثلاثين بثوصورها وماتو ميه من بعد قصف الطائره=في مجزره كلن بعينه نظرها وماتو ثلاث اميه بقطر الدائره=والجامعه تحضر لنا موتمرها واجتمعو الساده بدار الداشره=جلسه الا يا بخت لي ما حضرها قالو وقلنا باتثور الثائره=وبا تنتصر غزه على من قهرها وعلى اليهودي باتدور الدائره=وجيوش الاعداء من هنا بن دحرها مدريت ان كوندي عليم امره=وان بوش بالهاتف عليهم امرها وبدال نصر الاخ جات امؤامره=لانا ولا غيري بيوم انتظرها مات الضمير الحي وسط القاهره= ودفنتو النخوه وحسني قبرها وبنت العرب جابت بنيه قاصره=من عمر والا بوش لي قد قمرها بنت العرب يا بن مهنا فاجره= الله يلعنها ويقطع خبرها وزوجها عمله غريبه نادره=لا ليهو طلقها ولا لي سترها ميقول شي البائر مثيل البائره=بقره ويا كثر اللبن في بقرها حطوه لي بجنبي خلال الخاصره=كل ما دنت شجره برح عا ثمرها معروف بو صكه كبيره ناظره=لي باع لامريكا حجرها وبشرها ماهو من اجمال العصير العاصره=بقره تبوح ضاحكه في وصرها لا منها مكسب ولا هي قادره=تخرج من البيت السود لي حصرها لكنها تحا صر جمالي الهادره=باوغاد حاصرها وكلبة عقرها كلبه لعينه في طريقي ماكره=الله يعميها ويؤخذ بصرها ويذل من جاب الكلاب الغادره=ويسير لا سارت ويلحق اثرها من ارض دجله والفرات الاسره=لي عاتبوها يوم حلة شعرها حلته تستنخي السيوف الباتره=نمتو وسلمتو ولا حد نصرها |
|
|
 |
| مواقع النشر (المفضلة) |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| باشراحيل ورحلته الى 000 أشجان العشاق المحضاريه | محمد التميمي | سقيفة عذب القوافي | 19 | 07-06-2010 03:13 AM |
| قراءة في "عزاء الى ردفان" للواقعي..من الشعر السياسي الحضرمي | باشراحيل | سقيفة عذب القوافي | 24 | 02-20-2010 09:24 PM |
| كتاب إلكتروني في ديوان الشاعر اليمني يحي عمر اليافعي | قائد المحمدي | مكتبة السقيفه | 0 | 09-15-2009 03:35 PM |
| ديوان الشاعر اليمن عبد الله بن لجذم الجعيدي في كتاب إلكتروني | قائد المحمدي | مكتبة السقيفه | 1 | 08-11-2009 08:33 PM |
| ديوان الشاعر اليمن عبد الله بن لجذم الجعيدي في كتاب إلكتروني | قائد المحمدي | سقيفة عذب القوافي | 2 | 07-28-2009 03:00 AM |
|
|
العرض العادي
