محاوله للتواصل { مغنى دآآآآن }>>>

[مبروك بن ماضي]

كل ظالـم تذيقـه لنهـزام

كانك بغيت النصر يامسلم لفرض الفجر قُم = دايم . وطع ربك وحافظ ع صلاتك والصيام
ترى الغنى والرقص واصوات الموسيقى والنغم = تبعدك عن ربك وتجعل في وسط دربك لغام
باسباب ذلك جاتنا من غضبة المولى نقم= نقمه وراء نقمه إلاهي عذت بك من الانتقام

[جمال العطاس]

السلام عليكم ورحمة الله وبركاته
تحية عطرة للجميع !!
وعود أحمد .. لكل عمالقة الشعر بلا إستثناء ..

إن طالت الغيبات .. قولي عن ثناكم ماإلتجم = بانمتطي صهوة حصان الشعر بافُك اللجام
ولكم تحية عاطرة .. تبلغ لعالين الهمم= وكل شاعر في السقيفة.. جوهرة في رأس هام
قُل للجعيدي ذه (سقيفتنا) بحق ياالمحترم = من عند بوهاني لكل واحد جزيل الإحترام

للجميع الحب والتقدير !!

[مبروك بن ماضي]

جزيـل الإحتـرااااااااام.

كل السقيفه نورت بقدوووم شاعرنا العلم = جمال جملها بشعـره رفرفي له ياعلام
جاء ولد بن هاشم صليب الرأس وبخطه رسم =لوحه من أشعاره عليها الجيد يستاهل وسام
به جيت آ بارحب ولاتوفي بقامته الكلم= تتقزم إحروفي مع العـطاس ويضيع الكلام

محبتي للجميع

[ثابت بن ماضي]

النور شع في هذه الصفحات لحظة ماقدم =الجيد ابن الجيد ذي هامتهه من فوق الدقام
وجود بن هاشم يحفزنا ويعطينا الهمم=وكل واحد ساير العطاس باينجز مهام
والان يامبروك نبغا فصل لان الفصل تم=هذا ونبغا فصل ثاني عل تمام

[مبروك بن ماضي]

ذا فصل والثاني قبض شقك ونا بقبض بشق= قد نختلف في الرأي لكن مابـغـيـنـا شي شقاق
عارفك يالباشق تقادي لاطلبك إنسان حق = ماتأخذ حقوقه ولكن قط ماحد فيك حاق
سلام من عندي لكم من هاهنا لما عـنق= يوصل لحلان السقيفه خاص من وسط العماق

فيض ودي وتقديري

[حاتم الطائي]

الغيث قد اقبل وذا لامعه في القبله برق=ما دام ( بوهاني ) حضر للدار عاظهر البراق
يامرحبا به عدّ ما هو النوب في جبحه فرق=واعداد ما سليت خواطر من بعد طول الفراق

ويقول حاتم وش دواء المسكين ذي صابه أرق=ذي حالته نكده ولا شي نوم يهنى له وراق
سهران طول الليل من تغرب الى وقت الغسق=يوم الهوى قتّال حمله جور عالمضنون شاق

[مبروك بن ماضي]

عالمضنون شـاااااااااااق

اصبر ولاتيأس ونام الليل ياحاتم وثِق= إنك على موعد مع المضنون مهما كان عاق
لابد مايرجع الى عندك ولك قلبه يرق= لان المحبه قال بن ماضي صـله واكـبـر وثاق

وارجع واقول الله يكون بْعـون من قلبه عشق= لو صاح مالومه وهو يصلى بنار الاشتياق
لان الهوى بلوى وبعض أحيان عالعاشق يشق= بالذات لا صـدوا محبينه وهـو للوصل تاق

احترامي وتقديري

[حاتم الطائي]

للوصـل تـاااااق

مايستوي ذي هو ( خلي البال ) باللي ( يحترق )=واللي لنار الشوق ياحسرته ما قد يوم ذاق
الاولي محروم من عيشته كنّه ما خلق=واما الذي محروق بايطفى لهيبه بالتلاق

خالص تحاياي

[ثابت بن ماضي]

حاشا علينا نختلف من حيث تدحق بادحق=واختلاف الراي وارد دائماً بين الرفاق
القول هذا زين رغم الفصل ذي جبته غلق=يزحف به الهيج القوي ولايسابق في السباق
وحاتم بلي بالعشق والعشقه وفي بحره غرق=وبالشان يطلع من غرق الامرعل عشاق شاق

[مبروك بن ماضي]

ان كان يالطائي ظهر لك ضو في وسط النفق = واصل خطا سيرك ولاتخرج ابد من ذا السياق
إنس التعـب لجل المحب ان كان قلبك له خفق= واتبعه ياحاتم و لو هو في بـلاد الواق واق