رد ابن حيدره على ابن حيدره طارق ابن صالح

[ابن حيدره]

السلام عليكم ورحمة الله

هذي قصيدة رد على احدى قصائد الشاعر القدير واستاذي ومعلمي في الشعر الشاعر طارق بن صالح بن حيدره شفتها قبل امس ورديت عليها وبحثت عن القصيدة مرة ثانية لأجل انسخها وارفقها لكن للأسف ماحصلتها,,,,


وبدون البدع مايحلى الجواب لكن اللي يباها تحلى يدور لقصيدة طارق وينسخها في هذا الموضوع وبكون شاكر له واعذروني انا جديد عالموقع مااعرف غير الاضافة ,,,,

تحياتي للجميع

ياولد خالـــي لايهــزك ريـــح جــالك مـن بشــر=ومـــد حبلــــك للـــذي انشــاك رب العالميـــــــن
الناقصيــــن الحاسديــن وكل من شرعـه قصر=لاتستمـــع لأقوالهـــم مـــادام هـم الناقصيـــــــن
الآدمي دايــم يحس بالريـــح ويـن وهل تضـــر= واليعربــي وصــى بســـد الريـــح لي تاتي بشيـن
ارفـــع جبينـــك دام جـدك جـا من الحيـد الزور=لي دمـــر الرافضيـــة جنــب خيـــر المرسليــــن
بن حيـــــدره.من بني ظنـــة. نسلـــه...أنحـــدر= وتميـــم مرجعنـــا بقـــول اهــل العقـول الزاهدين
لاجـــاك ناقــــص مامعـــه تاريــخ من يفتخــر= ويمــس تاريـــخ بســـوء بيـــن القبايــل بايهيـــن
خلــــه يشـــوف اعصار عابر بر ماعمره عبر=منـــه مدمـر طاحــن ولامـــر ذي خلفــه عكيـــن
مايعرفـــه جاهــل ولا يتوقعــه كل من حضـــر= لكـــن بمافيـــه اعتصـــر يتعلمـــون الجاهليــــن
ولا غضـــب ليـــث بكل الصوت في الغابة زأر= من هيبته شفت كل من فالغــاب تحته خاضعيــن
وانت الشجاعـــة في دمك ياليث ياسبع البشـر=والسبـــع خالك لي تربع في وسط ذاك العريـــن
بالعـــز والنامـــوس جـــدي قبل خالي اشتهــر=متوارثيـــن العـــز مــن صفة لصفة يـــــــامعين
هـــذي دروســـك لي تعلمنـــا بـــه بالمختصـر =جينــا نذكــر بالــــدروس اللي تجي مــن عارفيـن
ياكــــاتب التاريـــخ سجـــل كــل قـــادم او عبر=واحفظ لنـــا ماقـــد ماتـــوارثنـا وزودنـــاه زييين
والختـــم صلـــوا عالنبـــي اعـداد ماهل المطر=المصطفـــى الهــادي المبشر خير من جانا بديـن

[سالم الدهبلي]

كلام ياأبن حيدره تحياتي والله يوفقك

[مبروك بن ماضي]

صح لسانك وجاد بيانك
قصيدة جزله من رأس جزل
سجل اعجابي وتقبل تحياتي ،

[طـارق صـالح بن حيـدرة]

صح لسانك يا لود العم


قصيدة جزززله ورااائعه


من شااعر مبدع


لاهان راسك يالنشمي


يحياتي لك

[ابن حيدره]

الاخ سالم الدهبلي ومبروك بن ماضي واخوي طارق,,,



اشكركم على المرور واعتذر عن قل مروري هالفترة على ابداعاتكم,,

يعلم الله اني بصعوبة احصل فرصة للنت لكن اوعدكم اني اكون معكم علطول وبشكل يومي في القرب


تحياتي لكم,,,

[صالح باعمران ابو زايد]

الاخ الشاعر ابن حيدرة صح لسااانك
كلام من العيار الثقيل .. اهنئك على هذا النص الشامخ
وانشاء الله يعجبك تنسيق القصيدة
تقبل مروري واعجابي
اخوك صالح باعمران

بخصوص نسخ قصيدة ابن عمك الشاعر طارق بن حيدرة الى هذه الصفحة بحثت عن كافة قصائده
لم اجد قصيدة للاخ طارق على نفس القافي .. مدري هل تقصد قصيدة الفلسفة او
قصيدة الخاطر المكسور او غيرها .....والله الموفق

[اابوداعر]

قصيده حميله يابن حيدره ونعم بكم جيران وصهور

[طالب النعماني]

وايش بايهز بن حيدره
حيد صم في وجه الاعداء
قصيده اعجبتني كثير واسجل اعجابي هنا حيث الابداع
تقبل تحياتي اخوك تبوراضي

[ابن حيدره]

الاخ صالح باعمران ونسيبي ابوراضي,,,,


مروركم يشرفني ويسعدني,,,

لكم مني كل الشكر والتقدير,,,


وبالنسبة لقصيدة طارق ,,

سألته عنها وقالي نزلها بموقع روح بني ظنة وانا ببحث عنها وبلصقها لكم كرد في هذا الموضوع,,,


تحياتي لكم تحية السيل

[ابن حيدره]

اخواني الشعراء ,,,,


هذي قصيدة طارق اللي رديت عليها,,,,


كانت بمنتدى وادي رخية وحضرتها لكم عسى ان تنال اعجابكم ,,,







يقول بن سالم بن احمـد .. بـت ليلـي فـي كـدر
سهران . متغثـي . وخلـق اللـللله باتـو راقديـن
بي جرح في قلبي .. من الجهال , غبران الصـور
ليهم ( بسمعة ) جدنـا . بيـن العـرب مستهتريـن
بعض العرب عقله صغير .. وبعضهم عذروب شـر
وبعضهـم نيتـه زينـه .. بـس يعجنهـا عجيـن
وبعضهم وافي طويل الشرع .. بس ماشـي بصـر
يبغى يعالج كل صـوب .. ولا درى يبـدى منيـن
وبعضهم حساد مـن خـارج .. يريـدون الضـرر
لكننـي بوقـف لهـم .. والـحـق لازم بايبـيـن
يبغون تشتيـت الصفـوف .. ولا يمـدون النظـر
ماشـي لهـم مبـدا .. ودايـم بينـنـا متلونـيـن
يلقون عثـره فـي طريقـي .. كننـي مابـا عثـر
باسيـر متقبـض بحبـل الواحـد الفـرد المعيـن
لني ترّفع عن ردي الفعـل .. لـي شرعـه قصـر
واحسب حساب اهل الشرف .. لي فعلهم وافي رزين
عيـال عمـي عزوتـي .. لادق ناقـوس الخطـر
عياااال غانم . بانيين الحصـن عالسـاس المتيـن
اهل المروه . كاسبيـن العـز . فـي بـردٍ وحـر
عزي وناموسي وفخري .. من شـرور الطامعيـن
وان حد شطح .. ولا تعنتر ع اخوته .. يبغى خبـر
عاد الليالي .. باتجيـب الحـق مـن طـه حسيـن
واللي خدع خلف العباايه .. مثل حرمه .. وانستـر
مابا يجيب الحـق .. ذي يتبـع دروب الخادعيـن
شل العبايه من على راسك . وفـي الساحـه ظهـر
لنته ولد بن حيـدرة .. يـا ذيلـة الكبـش السميـن
حاشا وكلا .. منت بن حيـدور .. ياعـود العشـر
انته حقودي .. غرك الشيطـان . وابليـس اللعيـن
ياذي تبـا تفتـن قبيلـه .. مجدهـا طـال القمـر
وش بايزحزح لك جبل شامخ .. على مر السنين .؟؟
ذا ساس بن حيدور .. مايزتـاع يـا وجـه البقـر
نسل التميمي .. جدنا .. لـي ضمهـا دنيـا وديـن
اهـل الشهامـه والحميـه . والشراسـه . والقـور
حلّو بعطفه عاصيـه .. تقصـف رقـاب الغازييـن
سـالـم وغـانــم .. قـــال <SPAN class
highlight>طارق</SPAN> مثل سمعي والبصر=اثنينهم . في نون عيني . من زمن متربعين
تقديرهم من فوق راسي . دوب في حاالـي . ومـر
مابا سمع فيهم كـلام اهـل الحسـد .. والحاقديـن
اخوااان .. لاقد طاح واحد .. يسعفه عشـره نفـر
داايـم وهـم فـوق الثريـا .. للمعالـي . طالبيـن
ذا بلقصير .. معدن الناموس .. في صحـرا وبـر
وسعاد بن سالم .. كما .. بايخلـي القاسـي يليـن
ونسل بن قيران .. له في ساحة العـزززة .. مقـر
وبن طويل الجيد .. دايـم فـي صفـوف الاوليـن
وعاد بن مخدر معـي .. ملقيـه لاوقـات العسـر
لله دره .. دوب شـامـخ . فـالشـدايـد مايلـيـن
وهذا .. محمد ولد عبـدالله .. وفـي جنبـه عمـر
وعوض وسالم .. وسـط قلبـي كلهـم متساوييـن
وسعاد واحمد .. هو وناصر .. قولهـم عنـدي درر
وان جيت للقانص .. رفعتـه مثـل كـل الغالييـن
ذولا رجالي كلهم .. بغـزي بهـم .. بنـدر عمـر
افخر بهم في كل مجلس .. واشهـدو يـا سامعيـن
سالم وغانم .. هم كنان الراس . في اليـوم الحمـر
ياكمّ رجعو من معـارك .. سالميـن .. وغانميـن
في معركة ( جالوت ) يوم ازتر حبـل المـوت زر
وثبو على صوت الندا .. مثـل الاسـود الثايريـن
يدّاً بيد .. في صف واحـد .. منّهـم ماحـد قصـر
القفـز مطلـع كلهـم .. سـارو معـاً . متكاتفيـن
وتحركت لمقاص .. والبـاروت .. ثـوّر واعتكـر
كلـن بقسمـه .. حـي ابوكـم يالجنـود الباسليـن
تمو رجـال العـز والنامـوس . فـي كـرٍ وفـر
والقوم في وسط الحصـون العاليـه .. متحصنيـن
لما نهم حيد النشـم بالصـوت .. والحـق انتصـر
رجعو وقـد راياتهـم .. فـوق النجـوم الزاهريـن
واتزززملو .. يوم استوى الميزان .. والحال انجبـر
هاكو علـى راس النمـر .. يبغـون منّـه كلمتيـن
ماطاااع يقصد .. شاعر الشعار .. رغم انه حضـر
لن الثقل في شق واحد .. مـا انقسـم فـي كفتيـن
قال اعذروني .. من قصيدي .. شو حوالي في كدر
يهوين ريت الموت .. خلانـا سـوى .. متعادليـن
الللله يرحمهـم رجـال العـز .. ماااهـل المطـر
. ألقو لنا تاريخ .. نفخر به علـى طـول السنيـن
واحنا كما . مابانخالـف . شرعهـم طـول العمـر
سارو على درب النقـا .. واحنـا قفاهـم سايريـن
ايضا .. ولابنسى صحابي .. لي يـزرون العصـر
عيال شحبل .. قدرهم بين الكبد .. هـي والرييـن
اهل المروه .. ذايعيـن الصيـت .. ياكمـن نمـر
بافعالهم . قال ابن <SPAN class=highlight>صالح</SPAN> .. شيّبو راس الجنين
بهري بهم عند اللقا .. يوم الحجر يصقـب . حجـر
باقـول شـو ذولا صحابـي .. كالحيـود النايفيـن
والختم . يـارب السمـا .. طالبـك جنبنـي سقـر
واجعل حلالي جنة الفردوس .. سعـف الصالحيـن
وألفي صلاتي عالنبيّ . الهاشمـي . خيـر البشـر
الصادق . الحر . الابي . وآله وصحبـه اجمعيـن