ظبية بخارى

[سقراط زمانه]

اقتباس : المشاركة الأصلية كتبت بواسطة محمد سعيد بن مخاشن [ مشاهدة المشاركة ]

ظبيـــة بخـــارى رأيتها ذات عصرية في شرم أبحر وحسبتها من عسل دوعن فإذا هي تطير بي إلى طشقند ثم تتنكر فارقتها! الوداع الصّعب يا ظبيه ... وشوفي لش مرافق=با تُرُك ما بيننا بلقع مسافة ألف ميل في هواكم ذقت مر الويل لي سنتين غابق=قلب غيري ينقطب لو هو كَبَر من قلب فيل كنت أظنّش شمس غبشِه دافيه والنور شارق=أو مثيلة شاطي أبحر والهواء يشفي العليل أو حمامة دوح بين إورود تنفح عطر عابق=في خَفَر بتنادي القمري ومهجتها تسيل قلت مش معقول هذه واحده من بوم هابق=أو طيور الصُّقْع ذي مسراحها ظهر المقيل ما تصورتش جهنم واللهب شاوي وحارق=ما وهمت السّوّنامي بين ضلعانش مهيل نا حسبتش شهد دوعن ...سِدْر ... جنوة علب وارق=قلت هذه بلسم إجروحي لذي ما له بديل وإكتشفتش سم حنش عاطب ... بلق من ناب غارق=والحدج طعمش ... وقتّاله ... وتبكين القتيل غرّني البدر المتمم يوم يلهو عا النّمارق=سحر بابل في عيونش يقلب الشاجع ذليل ذي عليش الزين كله والحلى والحسن ... لابق=عنق لش عنق الغزاله فوقه الخد الأسيل من قدا جنكيز جدّش قد ورثتي طول سامق=ما المودّه والمحبه عندكم كذبة بريل والعيون الناعسه يا زينها جت من مشارق=لرض ... من شَنْقاي ... من قوم الوفاء فيهم قليل ريمة الطّشقند ... طبعش ما يسيغ إمحب صادق=يعربي لُمّان آدم من شروعه ما يميل يا خساره يومها عشقتش خُلَّب مثل بارق=ما يجي منّه برد ناصع ولا ماء سلسبيل حد يناصح لي مهاة الحسن؟ يرجوها توافق=لو ترد لي رُبْع قلبي با تسوّي في جميل عشقها يا ناس لاعب بي ... مثيل الصّرف خارق=ما إشتفينا ... عادني ما دِل دحقي في السّبيل لجلها بيّعت مالي الزين وإرهنت المَرافق=قلت والله والنبي ما قد تجمّل حد بخيل خل أبوها ألاّ كْرِسْمَس وإمش عا كل الطرايق=وإتبع المزيون حتى للكناري والسّشيل ايش خلاّني ستامن عا بشر للقلب سارق=ايش خلاّني نظن زعتَرَه هيل وجنزبيل كيف أنا حسّبت ظلمة نصف ليلي نور صاعق=من دري بالسالفه بيقول عنّي ذا هبيل وش جرى لي دون ما فكّر دُخُل وسْط السّرادق=ايش سحبلني إلى وسْط آسيا ... ما لي دليل تاب بو مخشن حلف بالله ذي خالق ورازق=ما تعرّض للقناصه غير فاحباط السّفيل يا ظباء الأحقاف أنا أشهد ودّكن صادق ودافق=في بقاع الأرض جمله ما لكن شبه أو مثيل لا بشبوه أو بيافع أو بآراض العوالق=واليمن والشام كلّه أو مضيق الدّرْدَنيل ذاك يوم العشق فيكن لا تمكّن صار ساحق=والهوى في شرعكن غيّات ما هو بالصّميل ما نصوغ القاف للظّهْرات وألاّ للمحاذق=لجلكن نشدو ... ودندن لحن في الطّرف الكحيل لا نعِس ينسيك إسمك شاب وألا كنت حاذق=والمكارم وسْط جفنه ... حضرمي وافي أصيل ملاحظـــــــــــــــــــــــــــــــــــــــــــــ ـــــــــــــات البيت 11: جنكيـــز = القائد التاريخي للمغول الذي دوّخ العالم البيت 22: السّفيــل = منطقة في وادي العين ..................... البيت 24: الدّرْدَنيل = كناية عن تركيا .............................

صح لسانك ابيات في دقة الروعه

عشقة الخر بليه= من بلى بالعشق مانام الليالي= دوب وقته في اذيه=ليه كذا يالغيد بالعشاق تلقين