عمكم كريته وصل رحبوا به

[كريته]

السلام عليكم ياجماعه
قالوا لي انه فيه سقيفه وفيها محشاشه قلت اكيد مادام الشغله فيها محشاشه اكيد فيها حشوش وعمكم كريته يصم راسه صم ريحة الحشوش لن ذي شغلتي من يوم عرفت نفسي
ماعلينا المهم وصلناكم
وان معكم حش ولا محشاشه وفيها شي ماهو عاجبكم قولوا لعمكم كريته وهو بايشل مثمره وبايكنسه لكم
يالله بانشوف ترحيبكم بعمكم كريته
واللي مايرحب ياويله وسواد ليله
واللي يرحب بعمه كريته بانعطيه هديه زينه

[ابن الحامى]

اهلا وسهلا بالعم كريته وعلى العين والراس وعلى الرحب والسعة ولكن لا تكرّت علينا

ترى الحال الذى فيه يكفيه

ومتى نشوفك يا حلو نفرش لك الدار ....... دار الهوى دار

[سالم محمد بلفقيه ((الشرقاوي))]

ياحياااااا بك عم كريتيه اسفرت وانورت السقايف بوجودك0

[المدودي]

ليه بالتهديد عم كريته

الترحيب بك واجب علينا .. و لا يحتاج تهديد

و ارحبت بين الحلان




لا تنسلى الهديه .. أرسلها على العنوان التالي:
::

::

::

::

::
تحياتي المدوديه

[القبيلي]

اهلا و سهلا ً بك يا كر يته و كما قال المدودي لا يحتاج تهديد واهلا وسهلا بك في س قي فتنى




......

[ابن الحامى]

عمى العزيز //كريته فى سهون الابداع

[مردوف2]

اهلا بالعم كريته وتهديدك يخوف00 لانه موصوفه هدتك (يقولون كما هدت كريته)اهلا وسهلا بك ومرحبا

[حاتم الطائي]

وينك ياكريته ؟؟
غير مانت طحست في حش من الحشوش وترضملت ؟؟
المهم شفنا جيت كما لي جاوا .. ومن ساير الدجاج على قولك دخلن به الحشوش ؟؟
يالله مساهنين مثمرك .. ظهر والا بايقع لك رثمه

ياكريته ذهن تصدق ؟؟
ذلا حاتم يناخش .. وبغاك تجي ..
وعادك ماضويت ..
لاكذ ضويت عط نحن خبر منشان نستقبلك ونفرش لك السقيفة رماد

[فرتوت]

يامرحبا بكريته حيى الله بو عمر وين جماعتك فكس ومنقوش على كل حال حللت اهلا ونزلت سهلا ياحيى بك عسى مثمرك معك السقيفه مليانه وسخ بغت تنظيف ، وايش اتجاهك يمين ولايسار بغينا نشوف مشاركاتك وشوها كملت عسى العافيه كل شي با يبان .

ياحيى بكريته يا من راس ياوه
يوم يا عندنا با نعلمه السناوه

وهذه بيتين من الشعر ترحيب لقدومك

ماذا يقول الاشر000عنا وماذا يذكر
هل ما يزال في شتمنا000 وذمنا يبتكر
قولوا له لاتنطح الصخر 000فانا نسخر
فثب الى الرشد 000 وانت بالمثاب اجدر
لاتمجد انكلترا000 أن هذا منكر
اذكر دواما غدرها 000 فليس مما يغفر
كم صادرت كم شردت 000 كم ايتمت يا اشر
كم سرقت ارزاقنا 000 من دمنا تعتصر
قد قطعتنا ارباب 000 وهي بذا تفتخر
فرق تسد سياسة 000معروفة يا اشر

[كريته]

اول شي مشكورين ياعيالي على الترحوب الزين
ابن الحامي بارك فيك ياولدي عاالترحوب الحامي ياود الحامي
الشرقاوي فزعتنا ياولدي بالوجه العيف المشنتف ذا ولو انه ذكرنا بشبابي;baw
هديتك باتصلك يامدودي لمان داركم في مدوده ولا يهمك عمك كريته في الخدمه <شبط ملان حيتان من احسن حش من حشوش البلاد>
مردوف2 ياولدي ماقدرنا لمردوف1 حقنا حق البلاد باتجينا انت مذبّل مردوف مذبّل خلقه وشف عمك كريته جويّد ذلا عيال ابليس لي يتحرشون به
حاتم المثمر طارف وان كان بك عره قرب راسك ولا حصلت الا الرماد باتفرشه لعمك كريته ياخير كرم لي يقولون عنك والله حشا منته كريم ابد وشف المثمر طارف وبايقع لك رشخ ذهن لنفسك
فرتوت ياحيابك يافرتوت شفنا فرحت يوم شفتك ترحب بي جعيل كماي لكن وين باقي الجعلا لي في السقيفه ليه مارحبوا بعمهم كريته وين ود آل ودعان ووين بوربيع
وشفنا لايسار ولايمين عمك كريته باتلاقيه حيث يحط العول عياله
ومشكور ياولدي عاالبيتين الشعر لي قلتها ولو اننا كنت مساهنها من بوربيع يومه شاعر
وذحين مادام غلق الترحوب خلونا ندري على السقيفه ونشوف ايش فيها شي حشوش زينه لاننا معي مثمر عاده جديد