طريقة عمل وطبخ الترمس بالصور

[باعود]

طريقة عمل وطبخ الترمس بالصور

اليوم جيبالكم مش اكلة ولا طبخة

هو شئ من المقبلات او المسليات او التسالي زي الب او الفصفص او الفول السوداني

هو الترمس


http://up.hawaaworld.com/up/sites/up...6671b7cf6.jpeg

بكسر التاء مش بضمها

يعني مش الترمس الخاص بالشاي والقهوة


واحنا عندنا بمصر الترمس من الاساسيات في الصيف والاعياد

ياسلام علي الترمس وانت بتتمشي علي كرنيش النيل ولا كورنيش اسكندرية

في الصيف باليمون والملح وفي الجنينة ياسلام روعة

المهم

اولا احنا بنشترية من عند العطار او من السوبر ماركت

يعني انا شرياه من كارفور بيكون معبأ في اكياس الكيس حوالي كيلو

بتلقية في منطقة التوابل

او اسألي علية البائع اللي بيبع التوابل في السوبر ماركت

وعلي فكرة في منه الحلو والمر

بس هنا انا لقيت الحلو وده بيتاكل على طول بعد السلق

اما المر لازم غيري علية يومين او تلاتة بعد السلق

والمر مفيد جدا لمرضي السكر

اولا بنجيب الترمس وننقية ونغسلة

وبعدين ننقعة ليلة كاملة يعني من بليل للصبح

ودي الصورة



http://up.hawaaworld.com/up/sites/up...420ac1df1.jpeg

وفي الصبح هتلقية زاد الضعف او اكتر

يعني لو كيلو هتلقيه حوالي 2 كيلو

ودي الصورة بعد ماتنقع ليلة كاملة


http://up.hawaaworld.com/up/sites/up...fe80a7dc9.jpeg

وعلي فكرة لازم لازم يتنقع ليلة

علشان ما يغبش في السلق يعني لو منقعتهوش ممكن يقعد طول اليوم يتسلق

وبعدين في الصبح بنغير المية وبعدين نحطة في حلة ونسلقه علي النار

حوالي ساعتين او ساعتين الا ربع وممكن اقل

يعني كل شوية شوفية وطلعي حبة واتفحصيها لو استوت يبقي خلاص

اطفي علية النار

ودي صورتة بعد ما استوي



http://up.hawaaworld.com/up/sites/up...b11bbf254.jpeg

وبعدين لما يبرد غيري علية المية

وعلي فكرة ماترميش ماية السلق حلوة قوي للشعر

اغسلي بها شعرك ممتاز

وحطي علية ماح وكمون وليمون


http://up.hawaaworld.com/up/sites/up...b8606a807.jpeg

وممكن تحطي علية ماية وملح وتحفظية في التلاجة بيقعد فترة كبيرة



وبالهنا والشفا

واتمني منكم دعوة حلوة بظهر الغيب

[الزين يفرض نفسه]

هذي نفس الطريقة اللي اسويها مع الترمس

لكن مابحط عليه كون ، ملح وبس

يسلمووو باعود يسعدك ربي دنيا واخرة وابشر بالدعوة الطيبة

[بنت شبامية]

اقتباس : المشاركة الأصلية كتبت بواسطة باعود [ مشاهدة المشاركة ]

طريقة عمل وطبخ الترمس بالصور واحنا عندنا بمصر الترمس من الاساسيات في الصيف والاعياد ياسلام علي الترمس وانت بتتمشي علي كرنيش النيل ولا كورنيش اسكندرية في الصيف باليمون والملح وفي الجنينة ياسلام روعة وبالهنا والشفا واتمني منكم دعوة حلوة بظهر الغيب

ياسلااااااام ..

تسلم اخي باعود .. ربي يسعدك ويخليك .. ما قصرت ..
نورت المطبخ ..

[الدمعه الحزينه]

ماقصرت يا باعود شكر الك شفتي ياشباميه نترجيكي ماشاء الله جا باعود ومعه من الذ وطاب من الاطباق الشهيه