بدع وجواب بين سالم البدوي بلحمر وعمر العكبري بالجوال

[سيف بوزيد]

قال سالم البدوي

يالعكبري لاتشتق =لاجاك باطل وزيف
ماحد يحب الحنق=يوم الحنق دل عيف
بارق عليهم برق=والرعد حن عاجريف
ومن سبقهم لبق =يسبق بمعنى وكيف
لادحقت درب الزلق=ماباتعدي طهيف
سوق الدلل والسرق=قد له عيال السقيف

جواب العكبري عليه

قل له يسوّي ولق =ذي مالقى برجنيف
لاالعيش والملح عق=عنده من الوضع خيف
شفني قريت الفلق=ياحاسب الخرف صيف
كل من ظهر له شفق=بين السحب والجفيف
من راحته لا شعق=يرقع قرب باجخيف
عد عاطريقي عذق=ورصاص حامي وسيف
كل من يجيب السوق= شل الفضائح غديف
ما نام وقت الغسق=كل من فراشه حضيف