مساجلات الزامــــل الشعبي

**خالد بن مهنا** · 02-28-2008, 03:01 AM

ذا فصل والثاني وراسي معتلي= والقلب قاسي كاالحجر لي مايلين
بحرقك في ناري ولنته لولي=احرقت من قبلك ثلاثه واربعين

**خالد بن مهنا** · 02-28-2008, 03:19 AM

وينك يالغازي سراء الليل عد شي في راسك

**أحمد العمودي أبوفيصل** · 02-28-2008, 04:44 AM

باقول يالشعار رفيقي مبتلي = وش كلفه قلي على لحم السمين
لاجيت باتنزح مالحقت الدلي = دايم قربكم يارفيقي فاضين
بسألك من الفقوز قلي ياعلي = شي حسب في القطعه وافطن يافطين
خل الميازر لاهلها عادات لي = ماهي لكم يأهل الحراثه والونين

**محمد سعيد بن مخاشن** · 02-28-2008, 12:43 PM

وِسْلام لك يا بن مهناء الكاملي=أقوال تنظمها تسر السامعين
والغرب من بيرك دوامًا ممتلي=نَشْلِه نقيه ما بها خُلْبَه وطين
وأما العمودي صاحبي الأولي=عالم ويقرأ في رياض الصالحين
وتزينكم لشعار والقول الجلي=فوق الشهامه يا القروم الفاعلين

محمد بن سعيــد بن مخــاشــن

**خالد بن مهنا** · 02-28-2008, 02:07 PM

ياالمخشني ياخوي يالقلب السلي=ماثمنك الا بكل غالي ثمين
اماالغبي لي هو حسب نفسه ولي=ماعذر ماينغق بصوت الغافلين
بذبحه واما انت بذبح لك طلي=لاجيتني بلقيك في الحصن الزبين.......

**أحمد العمودي أبوفيصل** · 02-28-2008, 04:03 PM

لاغاب بن كده جانا الباهلي = كلن بغى بقسمه من الكبش السمين
ماشي سوى الباروت توطي المعتلي = لي يخلي القاسي في الشده يلين
مابن مهنا اليوم قد جاب الحلي = للمخشني يبغاه يعمل كل حين
من امس مستنيك كن ماجيتلي = ماوعدك الااليوم بتحس بالونين

**خالد بن مهنا** · 02-28-2008, 04:40 PM

بحرث وسط بطنك وبعمل باالحلي=بلقي فعايل بين قلبك والريين
ظالم وانا اظلم عاد راسي ممتلي=باالقبوله ينذخ شرر في كل حين
سرّو ركابك سيب في الخبت الخلي =لي مايخافوا الله رب العالمين
ياجاهل التاريخ لنته جاهلي=اجهل وانحن ناس اجهل جاهلين
لاهو النبي جدك ولاجدك علي=منته عسر بكسرك يافيجان صين