برك ومبارك .

[حنطبه]

الريق عاده ياصحابي مانشف = نؤخذ ونعطي في الزيب والعارك
والذابله كلمه عليها باحلف = يمين إن عزك وإن مقدارك
خطوط حمراء لك بهذا معترف = لقبلتها ماهمني حد غارك
ون بترفضها روح ع الوادي شرف = بتشوف داري إنها من دارك
اما الذي رده وفي المنطق عنف = تبدي برايك كيف له وافكارك
ماشي خلل في الوزن مابين الكفف = والقطع مقتاري كما مقتارك
الشعر له قانون حبره مايجف = يعرف تفاصيله برك ومبارك
ون مامعك حجه قويه لاتسعف = في الحق حكمي بايقص مسمارك
ون قدك ضاري ذي كلامه يختلف = دور على غيري يدق ع طارك
مصخيت بك وإلا من الهرج الجلف = باكيل لك حتى ملي معيارك
موقفي ثابت قبل ماغصنك يشف = بعض الغلط عند البوه يتدارك
حاسب حسابي قبل ماشي ينكشف = ماهمني فاسك ولامنشارك
شفني شبيه الركن في العلب الحتف = لاوقعت قدامي ربح من شارك
خذها نصيحه وانتبه لاتنكلف = وتلوم نفسك والغلط من جارك
وتجيبها وحده تغيبها الكتف = وأهل البلد يتناقلون اخبارك