جوهرة حضرموت

[سبع الليل]

[poet font="Simplified Arabic,4,black,normal,normal" bkcolor="burlywood" bkimage="http://www.alshibami.net/saqifa//backgrounds/4.gif" border="none,2,gray" type=0 line=200% align=center use=sp char="" num="0,black"]
ناديت ياالصفراء شبام العاليه=ياجوهره في بطن وادي حضرموت
معيانها سابر موارد حاليه=واشجار في البستان ترويها القلوت
عطوش قدرش عززوش الوافيه=اهلش وحلانش وزوار الخبوت
اهل المروه والقلوب الصافيه=ونفوسهم رقت نسيج العنكبوت
الناس فيها كلهم متساويه=ماخابت النيه ولابارت سنوت
من حيث ماتسرح وتضوي راضيه=باالي قسمه الله من كسوه وقوت
الله يدوم بالود واكرام العافيه=بدعي لهم بالخير ساعات القنوت
علم البخاري منتشر في الزاويه=في مسجد الجامع شواهدها ثبوت
الشيخ بايفسر حديث الراويه=والاجواد باتسمع محدثها سكوت
ولي هم القبه ولي في الضاحيه=معهم حضرت الحزب مابغيته يفوت
اه على ذيك الليالي الماضيه=لاذكرتها طولي قصر خمسين فوت
مااليوم بانعيش السنين الخاويه=احزابها كل حوت بايوكله حوت
يهوين ضيعنا قيمنا الساميه=كله من اصحاب الكراسي والبشوت
سدوا بواب العلم من كل ناحيه=وتوجهوا للرسم وفنون النحوت
الاعلام رذله والبرامج فاضيه=ودشوش عالموضاء لقوهافي البيوت
واجهزت دجتل صورها عاريه=افلام وسخه شاهدوهابالكروت
باطل ومنكر مالبوهم تاليه=خبوا قفاء دنيا الندامه والشتوت
سهرات عالكورنيش واادم عاصيه=الما شروق الشمس باوراق البلوت
استغفروا يأهل القلوب القاسيه=يذكر الانسان بأنه بايموت
يتوب قبل الموت توبه كافيه=يابخت كل من تاب والتوبه بخوت
[/poet]
;baw

[الشبامي]

صح لسانك اخي السبع
والله انه كلام واقع فهل من مستمع؟؟؟

[ابن سيؤن]

الله يعطيك العافيه اخي سبع الليل على هذه القصيده الجميله وشكرا