يـمــر الـعـيـد وبــعــده عــيــد وانــــا وحــــدي بــــلا خــــلان

[وليد حمود]

السلام عليكم ورحمة الله وبركاته

كل عام وانتم بخير وعيدكم مبارك وتقبل الله طاعتكم

كيبوردية عاجلة اتمنى تنال اعجابكم

:://::

يمر العيد وبعده عيد وانا وحدي بلا خلان = وحيد في غربتي اعاني ودمعاتي على خدي
اواسي نفسي بنفسي وابات الليل انا سهران = عيوني قد جفاها النوم وبات الهم ضيف عندي
يمر يومي وانا جالس مابين الهم والاحزان = ومن زود الحزن فيني بكت جدراني من سهدي
غريبة يازمن تجرح رفيق الحسن والاحسان = وكل ظالم يعيش مرتاح وانا كل الظروف ضدي
مقيد في سلال نار وافراشي غدا بركان = واتقلب كما الملسوع من احروق (ن) طوت جسدي
اشوف الهم غدا سجني واشوف القهر لي سجان = وصار الحزن في زادي ومات الورد في يدي
واقول ياساجني اسمح ابي امشي انا تعبان = ابي اشتم لي نسمة هوا بالحوش واردي
ويرفض لا والفين لا ولاراحة بلا اوطان = بعيد الدار يعيش مكروب وانا مشتاق يابلدي
فقدت اللمة والجمعة فقدت الاهل والجيران = فقدت الكلمه الحلوة من امي لاغديت وحدي
كذا حال البعيد في العيد عن الاحباب والخلان = مثل حالي كم اتالم لان العيد مو عندي

وليد حمود
30/8/2011