سرح ماقال با يرجع ولاندري متى مضواه

[الغوربي]

ثمان أيام لي مرت ولاجاني من الغائب رسالة=ترى هل عاد يذكرنا أوحد غيرنا ساكن بباله
ما ظنه تجاهل = أو لاهي وغافل
كل غائب معه حجه وندعي ربنا يرعاه =
سرح ماقال با يرجع ولا ندري متى مضواه=
زمان الحب مازلنا على ذكرى لياليه الجميله=يحن القلب والحنة إلى الماضي لها قصة طويلة
محبة بالتواصل= بلا حاجز وفاصل
كذا عشنا الهوى مره ودندنا على مغناه=
سرح ماقال با يرجع ولاندري متى مضواه=
متى ياخل باترجع غيابك موت والفرقة أليمة=ومابقي معي منك سوا حرفين في صفحة قديمة
تخلينا نواصل =على رغم المشاغل
مساهن يوم ترجع لي ويا خذ كل شي مجراه =
سرح ماقال با يرجع ولاندري متى مضواه=