ســـــــــــــلام للصــفــــراء

[سبع الليل]

[poet font="Simplified Arabic,4,teal,normal,normal" bkcolor="teal" bkimage="http://www.alshibami.net/saqifa//backgrounds/47.gif" border="none,2,gray" type=0 line=200% align=center use=sp char="" num="0,black"]
ياالله يارباه خفف ماعلينا من ثقل=نسالك بسمك ياعظيم الشأن تخفف كل ثقيل
ياغافر الزلات تغفر لي ذنوبي والزلل=وكشف علينا كل غم والهم لي فينا يزيل
صلوا على الهادي محمد من طلع والا نزل=وكلكم صلوا على الهادي مواطن اونزيل
سلام للصفراء بلادي والسلاء فيها رقل=اهل القلوب الساليه دوب السلاء يرقل رقيل
برقت في القبله وجانا سيل في الموزع نفل=كسر سوام الساقيه قيزان ينفلها نفيل
الموزع المسكين يشكي زاد كسره والخلل=وين المجوره منفع صاحب ولاينفع خليل
كلين يتباها بنفسه ان ان كثر ماله او قل=حتى الحسد فيهم يحسدونك على المال القليل
الكذب واجد ياجماعه من معه زقله زقل=يعرف يسايسهم متعلم تفانين الزقيل
الذيب يرعى والغنم مااليوم قدفيها علل=والراعي الطماع يتمتع في الجو العليل
وان شاف حجه في طرف اكياسه وشل=بايفرح الخاطر اذا شفته على القاري شليل
الوقت بيوطيه وكم من ذيب قد خرف وذل=قدها مقاله من زمن قالوا شف السارق ذليل
ياكم وكم صيحت وسط السوق مثنات الدلل=حبحب على السكين ضيعنا الدلاله والدليل
خيره في الدلال ياصاحب فسحنا في المحل=برزح برجلي عالقويه شف معي صيغه وحيل
وان شفت بقعه ريضه بحسن كلامي والعمل=ماانا كما بعض العرب للطاغيه يصبح عميل
ريت المجوره عندكم يالي تغزلون الفتل=باعيش في داري وانا مبصوت عاضوءالفتيل
البسط في التنار يوقد والعشاء شربه وخل=والتمر في المجراف يكفينا ملاء مروض وخيل
الصدق مامثله سلم كل من صدق والا عدل=الناس تفرح له وانا باكون صهره والعديل
ياسامعين الصوت سبع الليل عل مردم غسل=شاف الحمامه لي تفرفر عاثيابه والغسيل
[/poet]