الديوان الملكي لشعراء الشِعر الشعبي .

[عيبون]

اقتباس : المشاركة الأصلية كتبت بواسطة سبع الليل [ مشاهدة المشاركة ]

ماعليش اسمحوا لي بالفصل ولوتطاولنا اظاهر الملك مشغول وبن احمد ماهو راضي يفصل والخيره لكم بغينا الأمن يتثبت لزوماً حق تثبيته=كفى من سُخر واستهزاء وذا ماباه وذا بغيته انا الماضي تجاهلته بكل مافيه ونسيته=نسيت ايام سوداء ادبرت وأذلال قاسيته

رحب بكلام من شاعر في الديوان له صيته=وانا من حين ماشفته دعيت الهجس وسقيته
من القهوه لشان اترد حسّه حيت ماحيته=لانه جابلي كلمه وقال الوضع عانيته
وامّا الوقت لي عدا انا ماقلت حبّيته=لانه ذُل وكم مخلوق مسا مطرود من بيته

[سبع الليل]

اقتباس : المشاركة الأصلية كتبت بواسطة عيبون [ مشاهدة المشاركة ]

رحب بكلام من شاعر في الديوان له صيته=وانا من حين ماشفته دعيت الهجس وسقيته من القهوه لشان اترد حسّه حيت ماحيته=لانه جابلي كلمه وقال الوضع عانيته وامّا الوقت لي عدا انا ماقلت حبّيته=لانه ذُل وكم مخلوق مسا مطرود من بيته

هلاء والله بذي لبى الندى ذا يوم ناديته=هلاء والله بعيبون الذي نادى ولبيته
عكينا في وطن مُبهم عطاني جم وأعطيته=وفي شانه كبير القوم عاداني وعاديته

[ملك اليمن]

فصل

خرج ذا فصل والثاني فتحنا باب للعشقه = ظهر قولوا لبو صالح ودندن عا صوات الدان
وخل عيبون يتكلم بأمر العشق والرقه = وأما بن حمد والسبع في العشقه ترى ثيران

[عيبون]

اقتباس : المشاركة الأصلية كتبت بواسطة ملك اليمن [ مشاهدة المشاركة ]

فصل خرج ذا فصل والثاني فتحنا باب للعشقه = ظهر قولوا لبو صالح ودندن عا صوات الدان وخل عيبون يتكلم بأمر العشق والرقه = وأما بن حمد والسبع في العشقه ترى ثيران

ولجل العشق والعشقه تراني العظم بادقّه=ومن شان المحب يالكنج دحّقنا على الحنشان
ولكن الزمن كسّر قبابيسي معا الفرقه=وفي هذا الزمن ماحد يحن عالعاشق الحبّان

[عيبون]

رجيلي من مشاويري حنت من كثرت الدحقه=اذا نادى المحب جيته ولو هو في غبب سيلان
وحقّه دوب بالزايد ابد مانهضمه حقّه=محبّه صادقه لجله جرت فالدم والشريان
وفي مدحه شكاني الحبر والكرّاس والورقه=وملقيله محل وسط السويدا شامخ البنيان

[ملك اليمن]

اقتباس : المشاركة الأصلية كتبت بواسطة عيبون [ مشاهدة المشاركة ]

رجيلي من مشاويري حنت من كثرت الدحقه=اذا نادى المحب جيته ولو هو في غبب سيلان وحقّه دوب بالزايد ابد مانهضمه حقّه=محبّه صادقه لجله جرت فالدم والشريان وفي مدحه شكاني الحبر والكرّاس والورقه=وملقيله محل وسط السويدا شامخ البنيان

أنا راثي لحالك شف محبك ما معه شفقه = غزالك لا نفر منك لقط غيره من الغزلان
ويعيبون شف بعض المهاء تنفر من الفرقه = ومن فارق محبه ما نعده فئ الهواء إنسان

[عيبون]

اقتباس : المشاركة الأصلية كتبت بواسطة ملك اليمن [ مشاهدة المشاركة ]

أنا راثي لحالك شف محبك ما معه شفقه = غزالك لا نفر منك لقط غيره من الغزلان ويعيبون شف بعض المهاء تنفر من الفرقه = ومن فارق محبه ما نعده فئ الهواء إنسان

ظروف الوقت لي خلّت ولد هلبان في غبقه=وخلتني نفارق غصب عني ياملك لوطان
وفارقنا على شان السقل يبغو لهم نفقه= مثيل الطير عاللقمه يضلّي فارد الجنحان

[ملك اليمن]

اقتباس : المشاركة الأصلية كتبت بواسطة عيبون [ مشاهدة المشاركة ]

ولجل العشق والعشقه تراني العظم بادقّه=ومن شان المحب يالكنج دحّقنا على الحنشان ولكن الزمن كسّر قبابيسي معا الفرقه=وفي هذا الزمن ماحد يحن عالعاشق الحبّان

وسط سيئون قالوا لي ظباء ترقص على الدقه = وفي الغناء رهيف القد يهز الشوق في الشيبان
وفي المشقاص شف عشق الملك باين كما البرقه = مهاء فيها ضياء سيقانها تشبه غصين البان

[عيبون]

اقتباس : المشاركة الأصلية كتبت بواسطة ملك اليمن [ مشاهدة المشاركة ]

وسط سيئون قالوا لي ظباء ترقص على الدقه = وفي الغناء رهيف القد يهز الشوق في الشيبان وفي المشقاص شف عشق الملك باين كما البرقه = مهاء فيها ضياء سيقانها تشبه غصين البان

لطف يالكنج مابين الهدب والنون والحدقه=تبصّر يالملك لجل المحب يطرحك في الاعيان
وكل منهو محب يمتاز عالمظنون بالرفقه=ويصبر عاقبيص النوب لي يبغا عسل جردان

[بوشاكر]

اقتباس : المشاركة الأصلية كتبت بواسطة ملك اليمن [ مشاهدة المشاركة ]

وسط سيئون قالوا لي ظباء ترقص على الدقه = وفي الغناء رهيف القد يهز الشوق في الشيبان وفي المشقاص شف عشق الملك باين كما البرقه = مهاء فيها ضياء سيقانها تشبه غصين البان

بغيتك تنسي الماضي وتقرأ ايش في الورقه = ولاتؤخذ و تستامن على ماهو في العنوان
وذي فوق السطور السود ماهو عينة الزرقه=وبالحبر السود كلما معك دوّنه في الديوان