مساجلات الزامــــل الشعبي

**طالب النعماني** · 10-31-2005, 03:06 PM

ماكنت متوقع كذا ياخوان=ان عادك بالليل باتسرون
وديت معكم سافر الاوطان=لكن شردتوا دون ماتحكون

بن عوبث · 11-01-2005, 02:39 AM

يابن حسن ماشي على العدان=والناس خلوالشرع والقانون
والنوحي طاغي علىسيبــــان=ولادريناكيف بايلــــــــــــــقون
يبغاالبنيةغصب ياشــــــــــبان=مندون مايعقدلة المـــــــاذون
شاجع وبن شاجع كماحسـان=من فعلتة كمن ضواءمدفــون

ابومنذر النعماني · 11-01-2005, 05:56 AM

سلام مني عالسقيفه وعلى الحلان = وسلام لبن عوبث من عندنا مليون
يقول بومنذر بالدعي الرحمان = عساه يجمع العرب مع البشتون
لبغى الصف واحد ألا يالاخوان = من شان نقضي على الحاسد الملعون
ومنهو وقف ضدنا في الميدان = بايذوق الذايبي مع المرشون

**طالب النعماني** · 11-01-2005, 05:00 PM

اهلا وسهلا بكم جميعا
وحمدلله على سلامتك يابومنذر بعد العوده

ياخو علي في ذا الزمن وحلان=لاتقول لي عاقل وانا مجنون
ذي هو يباء نفسه كما هامان=قله على هامان يافرعون
يوم البنيه دونها شبان=شف سرهم دايم وهو مكنون
كم من ولد بالمسكره سكران=يوخذ ويعطي وقت مايعطون

**سعيد محمد علي عبود باوزير** · 11-06-2005, 08:33 AM

الساس ماكن ماكن البنيان = ريت العرب عا ساسهم يبنون
بلقي ميه لي كلهم رميان = من فوق حيفا خلهم يرمون

**طالب النعماني** · 11-07-2005, 01:11 PM

بارك الله فيك يالوزيري
احسنت وكل عام وانته بخير

اميرالامير · 11-11-2005, 09:14 PM

وين الجديد وين الزامل

**مجمل** · 11-14-2005, 01:41 PM

سلام من عندي على الحلان = اهل السقيفه خصهم مليــــــــون
قمنا بجوله لاقدا لوطــــــان = زرنا المكلا هويا ســــــــــــيون
نهظه كبيره خاص فالعمران = والامن متوفر لعد تشكــــــــــون

**سبع الليل** · 11-14-2005, 09:26 PM

أظاهر انك ياالفتى غلطان=ماشفت حال الناس لي يبكون
والله ماحد منهم فرحان=ولعاد حد عاقل ولا مجنون
زاد الغلاء وتغير الميزان=وكير الفتن مابينهم مرشون
حتى المكلاء خورها كحيان=اليوم قده الا وسخ معكون

اميرالامير · 11-14-2005, 10:15 PM

كلام الاخير صحيح

مساجلات الزامــــل الشعبي

سقيفة عذب القوافي