عاشبام الاصيله ياعرب باتخبر

[سبع الليل]

عاشبام الاصيله ياعرب باتخبر

عاشبام الاصيله ياعرب باتخبر=عاد شي لي يسر خاطري ياهل المدينه
السنين أنطوت والحال مظني مكّدر=لا ذكرت العوالي زاد قلبي حنينه
بذكر أيام( لي) فيها معزز مقّدر=منتشم ما انطرح راسي ونفسي رزينه
بشّرونا بشي يفرح ويسعد مسّفر=من بلاد الهناء ياهل العقول الفطينه
عاد شي في الوصر والدار محباء ومسمر=عالعوائد ونسمع للبخاري رطينه
عاد شي بين كل مطراق مدخل ومندر=عاد شي في دكاكين التجر كل عينه
والضٌمر والسواقي والنخيل المخّبر=في السباعي وفي ذهبان مٌكنه حصينه
وين بزرق وبافردم ولصفر ولحمر=في الهجروالمديني تمر يامقلفينه
وين حسيان باعشره وجرب أل الدوسر=وين مجرى المسقي لي بكى عاطبينه
والشرب والمصّبغ والسليط المعّصر= والقوافل حمولتها بضائع ثمينه
والسرح والمرابد والحدور المحّفر=سرحت الحصن والجامع نعّفر بطينه
والسدد والمسالف والقوام المسّمر=والمجر والزوافر والقفول المكينه
عاد عقلي لها ذاكر ولا باتنكر=عادنا مشتهي نظره ونفسي حزينه
لا ذكرتش بكت عيني وحالي تسمسر=مانسيت الزمن لي كلكم ناسيينه

[عاشق رماله]

صح لسانك درر يابوجمعان
الله لا يحرمنا
منك ولا من ابداعاتك
سجلني من متابعينك على طول

[محمد سعيد بن مخاشن]

درر يا بو جمعان. صح لسانك.

نا مثيلك نفكّر دوب في العَرض لَزْور=من تناسى بلاده شفه فرّط بدينه
حب وطنّا من الإيمان واللهُ أكبر=عا الذي باع أرضه كلّنا كارهينه