~*¤®§(* بخير دامي عرفت انك بخيـر *)§®¤*~

[شاعر بني نهد]

المناسبة



شخص عزيز علي سألت عن أحواله فأجابني بخير وأعاد علي سؤالي فأجبته بهذه القصيده


القصيده

أنا بخير دامي عرفت انك بخيـر= والهمه تتورّد على قدوم الأخبـار
كانك مقدرني انا بالذات غيـر= أقعد على راحه نياشين الأفكـار
ياصاحب التقدير خذني بتقدير = أعرّفك قدرك وسط باقي الدار
قدرك علا فوق الثريا و انا اطير = و المجد في لقياك و مفارقك عار
لا تهمر الحساد سيء و شرير = و خل المحبه تايهه في علم الأقدار
قصرت في وصفك وسامح لتقصير = شاعر بدع لكن حسنك بالأنوار
و الله أدري لو أشبهك بالغير = كاني ظلمت الغير في داخل أعصار
لا تحسب الأشعار منطـق وتفكيـر= لا والله الأحساس نامـوس الأشعـار
وأنتى حروفك شعر مقري وتفسير= وانفاس من ريحك قصايد وأعطار
وأنتى على قوله هل الديّن والخير = طيب المخابر والمناظر والأذكار

وسلامتكم







شاعر بني نهد

[عاشق قهوة الرواعي]

صح الله لسانك يالنشمي سلمت عالقصيده رائع يالنهدي عساك عالقوه والله يديم المحبه

[شاعر بني نهد]

اقتباس : المشاركة الأصلية كتبت بواسطة عاشق قهوة الرواعي [ مشاهدة المشاركة ]

صح الله لسانك يالنشمي سلمت عالقصيده رائع يالنهدي عساك عالقوه والله يديم المحبه

صح ابدانك وعلا شانك يا عاشق ..

ومرورك بشرفني ويدعمني ...