مجلس الدان الحضرمي

[الواقعي]

وينك يا بوطارق

شفنا لمبتك والعه اليوم

[سبع الليل]

اقتباس : المشاركة الأصلية كتبت بواسطة الواقعي [ مشاهدة المشاركة ]

وينك يا بوطارق شفنا لمبتك والعه اليوم

زهم عالشيخ بوطارق عميد الدان ولحونه=وسر يالليل والسالي يدق عاقرصة البيبان
بغيت الصدق بوطارق نسي ربعه ومضنونه=تولع بالهواء قلبه وعشّق البيض والحمران

[الواقعي]

حد في المجلس

الفصل عاده يحمل ......... والاغيروه

[المفكر]

فصل

شهر وسنين عدت ماسمعنا صرت المدفع = ومن بعد المعارك هادية في الديس والبقرين
وماتصورت بأن القائد الظرغام بايخدع = ولابي هد ببوشبه ولا البرنو وبومقصين
ومن خلا مكانه بايقولون العرب يفزع = نصيحة لاتفرط في المحله والمكان الزين
عمر خل الكسل قم في الجبل هذا نزل وأطلع = وصح في الحالكه والعوبثاني لي بوادي العين

[الفحص]

اقتباس : المشاركة الأصلية كتبت بواسطة المفكر [ مشاهدة المشاركة ]

فصل شهر وسنين عدت ماسمعنا صرت المدفع = ومن بعد المعارك هادية في الديس والبقرين وماتصورت بأن القائد الظرغام بايخدع = ولابي هد ببوشبه ولا البرنو وبومقصين ومن خلا مكانه بايقولون العرب يفزع = نصيحة لاتفرط في المحله والمكان الزين عمر خل الكسل قم في الجبل هذا نزل وأطلع = وصح في الحالكه والعوبثاني لي بوادي العين

بتسمعها قريّب بس لتدخّل ولا تفرع=عليك الا صلح مابين ساكن ميخ والهجرين
مصيبه باتقع مابين اهل هينن وبن مرتع=وعادك باتشوف الكنش هو ورصاص بوسطرين
ومولى الحالكه والعوبثاني غصب يايخضع=وخصمه منه ماشي عذر بايقضي السلف والدين
ومهما طوّل اغيابك ضروري يوم باترجع=ماباتبقى محلك مختبي لا ياغراب البين

[محمد سعيد بن مخاشن]

اقتباس : المشاركة الأصلية كتبت بواسطة الفحص [ مشاهدة المشاركة ]

بتسمعها قريّب بس لتدخّل ولا تفرع=عليك الا صلح مابين ساكن ميخ والهجرين مصيبه باتقع مابين اهل هينن وبن مرتع=وعادك باتشوف الكنش هو ورصاص بوسطرين ومولى الحالكه والعوبثاني غصب يايخضع=وخصمه منه ماشي عذر بايقضي السلف والدين ومهما طوّل اغيابك ضروري يوم باترجع=ماباتبقى محلك مختبي لا ياغراب البين

مابا تبقى محلك مختبي لا ياغراب البين

سلام ألفين لك يا الفحص يا ريتك لنا تسمع=تفاقدها الكفف! شفني نراها مايله ... يهوين
وهي قدها مقاله (( مينَصِت لك تاجرن أصقع ))=تجارتكم قفا الدنيا ... وتجرة بن عمور الزين

[بن بريك]

اقتباس : المشاركة الأصلية كتبت بواسطة المفكر [ مشاهدة المشاركة ]

فصل شهر وسنين عدت ماسمعنا صرت المدفع = ومن بعد المعارك هادية في الديس والبقرين وماتصورت بأن القائد الظرغام بايخدع = ولابي هد ببوشبه ولا البرنو وبومقصين ومن خلا مكانه بايقولون العرب يفزع = نصيحة لاتفرط في المحله والمكان الزين عمر خل الكسل قم في الجبل هذا نزل وأطلع = وصح في الحالكه والعوبثاني لي بوادي العين

اسمع يا صاحبي وانصت ولا تقلّد لي الاصقع = تراها راشنه من سمح ماهي من قبل يومين
ولي مابعد تقنّع بايجي له يوم بايقنع = وفي الاخر يحط كل ما ثقل ويقولك يهوين
على ماضي عبر ماقدّره ريته لنا يرجع = ولكن الزمن لا قد عبر ميعود طبعه شين
وكل واحد لربعه في النهاية غصب بايرجع = تعلم يارفيقي من حكم بوشيخ خذ درسين

[الفحص]

اقتباس : المشاركة الأصلية كتبت بواسطة محمد سعيد بن مخاشن [ مشاهدة المشاركة ]

مابا تبقى محلك مختبي لا ياغراب البين سلام ألفين لك يا الفحص يا ريتك لنا تسمع=تفاقدها الكفف! شفني نراها مايله ... يهوين وهي قدها مقاله (( مينَصِت لك تاجرن أصقع ))=تجارتكم قفا الدنيا ... وتجرة بن عمور الزين

هلا يامرحبا بقوال من شاعر قور واقزع=محمد بن مخاشن لا قسمنا بايشل قسمين
اذا فزعزا معك ربعك انا يالمخشني بفزع=وبطرح فوق كل فن يالحمومي عادني فنين
ترى كل من خزق يالمخشني بصبعه بايرقع=براحة يده ولّا ماله الّا السيف بوحدين
فقه يابن مخاشن لاتصدق من وصل يفقع=بطبله وانته اصلا تعرفه دجّال بووجهين
فوادي يعتصر من جور مابي والمقل تدمع=اذا تذكرت لي سووه فينا شيعة البحرين

[محمد سعيد بن مخاشن]

اقتباس : المشاركة الأصلية كتبت بواسطة الفحص [ مشاهدة المشاركة ]

هلا يامرحبا بقوال من شاعر قور واقزع=محمد بن مخاشن لا قسمنا بايشل قسمين اذا فزعزا معك ربعك انا يالمخشني بفزع=وبطرح فوق كل فن يالحمومي عادني فنين ترى كل من خزق يالمخشني بصبعه بايرقع=براحة يده ولّا ماله الّا السيف بوحدين فقه يابن مخاشن لاتصدق من وصل يفقع=بطبله وانته اصلا تعرفه دجّال بووجهين فوادي يعتصر من جور مابي والمقل تدمع=اذا تذكرت لي سووه فينا شيعة البحرين

أنا نعرفْك يا صاحبي يا تُبَّع ويَهْمَيسَع=ملكت الشعر هو والجاه والدنيا ومعها الدين
بني العبّاس نعرفهم وتعرفهم قُبُل ميفع=ويعرفهم حجاز المجد والمصمك إلى النّهرين

[سنقاب]

أنا هاوي شعر وليس شاعر ولكن حسب أعتقادي أن المفكر يطلب من الذيب العوده لمكانه هذا وأنتم رحتوا في سياسة هههههههه