من مساجلات العمودي وباتيس

[طالب النعماني]

هذه المساجله بين الشعار
الشاعر احمد عبود بن بدوي العمودي
والشاعر طالب بن حسن باتيس ابوراضي
مساجله قديمه في الرياض

احمد بن بدوي

قال بن بدوي سلام الفين عالجيش المدرع=قائد الفرقه دخل به لا ميادين القتال
لاتخلوا قائد الجيش القوي ياقوم تبع=للذياب العاويه توكله مابين الجبال

طالب باتيس

قائد الفرقه نهار الضيق والشدات فرع=ماحسب للتاليه ضيع يمينه والشمال
ماحسب للكنش والباروت مصروف المظلع=ذي دخل برقه وقابس ارض بوزيد الهلال
ناصح المهتوف قله ياحمد بالله يرجع=قبل مابوزيد في الدنياء يكلل به كلال

احمد بن بدوي

قل لبوراضي توقع قبل ماتسقط وتوقع=باتجي عالراس لو مسقطك من عشره حبال
وانته عندي مثل عشره تشلع الحمل المسبع=ساعة الشدات عدك من صماصيم الرجال

طالب باتيس

قال بوراضي سعوفك ياحمد بنزل وبطلع=ياجمل هدار شف ماشي مثيلك في الجمال
من معه سكين قلوا له على كل فصل يقطع=ليطعن في الظهر شوا ماشي كما طعن القبال
يومني عاشق على كل صوت شوفوني تبرع=من يباء مثلي يجي في الشمس لايجي في الظلال

احمد بن بدوي

في المظارب يابني عبسي وفي شمال المربع=قد تكمل كل شي ياناس للاه الكمال
ربناء يعلم بسر الشمس ذي تغيب وتطلع=والخلائق من كسوف الشمس يدعوا للزوال
من يودع امس هذا اليوم لازم بايودع=والمخيله ثائره شفني تخايلها خيال

طالب باتيس

الحقيقه واضحه والفجر كل للشيخ شوع=والسماء باتنجلي من بعد ماحط السبال
بايجيكم سيل مروس ذا السنه من رؤس ميفع=حولوا بالسيل لارقلت شناطيب الجبال

احمد بن بدوي

من يخايل رعدها والبرق ذي في الغيث يلمع=يحسب احسابه يخايل في تقاديم الرسال
وان تباء إلا الصرمعه والكذب مالعرف لصرمع=لانطرح غيث البرد يجهل وكل شنطوب سال

طالب باتيس

ياعمر باجهل هذا خيرك تسجد وتركع=لابغيت الخير والخيرات من رب الجلال
من شعق بيده يقولون العرب بالجنب يرقع=ذه مقاله ياحمد شفها من الناس الدوال

احمد بن بدوي

هكذا الدنياء ترويك العجب يابن ربيع=لاسقتك القار باتسقيك من صافي زلال
مايجي شي زين دايم من عيال البومشيع=لاضووا لاشعب حلانه يشدون الرحال

طالب باتيس

صاحب السمبوك والمركب في الغبه مضيع=مامعه مكسب في الدنياء ولاشي راس مال
قنعوا اصحابه ولاقنعوا صحابه بيتقنع=من قريب النوف بيرجع صحابه والعيال
قال بوراضي حذر ياشيخ لاتفرق وتجمع= بينناء لاونبي ماباتحصل لك مجال

احمد بن بدوي

يشهد الرحمن لافرق ولاغري وشجع=يشهدون المحنيه من قبل كثبان الرمال
دوب بوراضي على بوشيخ ايجوب ويبدع=والزبيدي في حياته مايحب الارتجال
ليش ينكرني واناء انسان شوفوني مطوع=والمطوع دايما يوزن بميزان القفال

طالب باتيس

يالمطوع خاف ربك ليش في عيشتي تطمع=راجع احسابك ولاتخلط حرامك والحلال
والطريق المستقيمه ماتباء مخلوق يتبع=وانت سد عينك تشوف الغش هو والاحتيال

احمد بن بدوي

من عمالك قل لبوراضي تراء قلبي موجع=ماتخاف الله رب العرش عزه والجلال
كل ما ناصحت طالب نار من عينه تولع=مايبانا نصطلح قصده يفلل بي فلال
كنني واقف وملقي له ذخيره هي ومدفع=ناصحوا طالب الا ياعيال عمه والخوال

طالب باتيس

اناء ولد عاقل ولي اذنين للمنصوح تسمع=ناصحوا مولى حرض ذي هو عيونه عالطوال
ميحسب للميج والميراج ذي تهبط وتقلع=كل من عنده منيبه للخفيفه والثقال

احمد بن بدوي

لامتى طالب انا واياه في مصرع بمصرع=كل ما صارعت طالب زاد طالب لنفعال
لايخلي كل شي مابيننا يبقى مشرع=يافصل وإلا فصلنا حان وقت الانفصال

[عاشق الوادي]

الاخ ابو راضي سلام من الله عليك اخي العزيز مهما قلنا فيك لن نوفيك حقك بصراحه شعر راقي وفيه من المعاني الشئ الكثير واشكر لك النقل المميز وتقبل تحياتي

[ابورائد النعماني]

بدع وجواب رايعين
وصح لسان شعرائنا وسلمت يمناك ابوراضي

[طالب النعماني]

اقتباس : المشاركة الأصلية كتبت بواسطة عاشق الوادي

الاخ ابو راضي سلام من الله عليك اخي العزيز مهما قلنا فيك لن نوفيك حقك بصراحه شعر راقي وفيه من المعاني الشئ الكثير واشكر لك النقل المميز وتقبل تحياتي

اخي عاشق الوادي
اشكرك على مرورك وثقتك بي
وان شاله اننا سوف نكون عند حسن ضنك

[علي فدعق الهاشمي]

تسلم يابو راضي ويسلم راسك وراس العمـــــودي

مساجلة رااااائعه وفكر راااااقي

صح الله لسان الجميع

دمتم بخير

[خالد بن مهنا]

صح لسانك يابو راضي وصح
لسان بن بدوي
كلام ملان وله اهداف ومغازي

لك مني كل التقدير ولا حترام

اخيك خالد بن مهناء

[الموت الاحمر]

تسلم اخي طالب على نقل هذه الروائع
والتي تكتب بماء الذهب

يعطيك الف عافية

[النحوي]

مساجلة رائعه بين شاعرين كبيرين
يجب ان تثبت لما تحويه من معاني راقيه

[الوزيري]

مساجله شيقه وممتعه صح لسانك ياطالب
وصح لسان العمودي
نتمنى ان نرى لكم كل جديد

[علي بن طالب الحامد]

صح لسانك يابو راضي وصح لسان بن بدوي دمتم بخير ياحمران العيون