(((((الدان)))))

[البكري]

العين ماتعلى على الحاجب مع ان الكرم فيها### بها النظر ننظر والحاجب في رفعته بان
ذا لذة القول ياعرب وانتم تدبّروا في معانيها### هم للامثال لنا ضربوا كامله بلا نقصان
ومن آتــــاه ربّه الحكمه بين الناس يقضيـــها### حاز الخير كلـــه بتحقيـــــق قول المنّان


البكري

[عامر باتيس]

ياليافعي خلك قد الناس ومساويها =وخلك من الكبره وغرور النفس والطغيان
هذه طريق ماقد حد سار اومشى فيها=نمشي على درب الوفا والعز والاحسان
لا فرق بين العبد والسيد سواعادات نحكيها =و في الدين مايفرق سوى في كفة الميزان

[البكري]

لا رفعه ولاكبره ولونا في معاليها ### قليل الاصل بادهربـه وهو ياعرب خسران
هو كل ماشعل ناره انا لي نطّفيها ### عاده الا تكبر علي بقوله حسبنا من الضعفان
ولولا اللوم باجينا ذكّرناه مساويها### حياته كلها قزّه ونا بالجــود معــه تعبـــــان


البكري

[أبونمر]

[QUOTE=معبد]هذا فصل على صوت الى يقول بانوبى فيه
[صحابى قسموا اليل السود واعطونى الاخر = وساروا كلهم وابقيت فكر في سواد الليل]

سعادة لادمي لحظه في الدنياء يقظيها = ومن بعد السعاده لامحاله تكثر الاحزان
وهذا حالها الدنيا محال يدوم صافيها = تنكد دوب عا التاجر وما الفقري قده تعبان
ونا لذكرت ودياني تذرف من مآقيها = عيونى دمعها سايل سببه الشوق للوديان
وعلل نفس مشتاقه وبالآمال سليها = عسى من بعد غيبه باتقع عوده الى الاوطان

[/poem

سنين العمر تمضي وانت ماتفكر لماضيها =شغلت البال بالدنيا وشغل البيت والدكان
وعادك لاذكرت الله وفروضك تأديها =على اوقاتها نعمه خلاف النوم والنسيان
وإن سيبتها وشغلت نفسك في مآسيها =وقلبك بات متولع بربح اليوم والخسران
تكون الطامه الكبرى وحسره يوم يأتيها =الملك ويقول ماذلحين وقتك شفه حان
ودارك ماهي دارك والبلد ذه ذي نته فيها =معد باتعود لالاها وسنة من عليها فان
عسى يالله بحسن الخاتمه ساعة نوطيها =وساعة نندرح في اللحدبالقطنه و بالأكفان

[/poem][/poem]

[عامر باتيس]

نحنا خوه في دار خلو الطيب يحليها =والعز والناموس يرفع قدرنا والشان
وزيد الكرم والجود مثل الغيث يسقيها=وحسن القول ياصاحب وخل ذا خاطرك ميدان
والنوب في المرعى هي طابت مجانيها=ولاهب له قبلي تخرب جنوة الخيلان

[البكري]

مرحيب ياعامربابياتك اولها وتاليها ### والمخيره شغلي ولانغلط على الانسان
حيوا السقيفه وحيوا من سكن فيها ### واصل رفيقك اذا قد كـان لــك عنــــوان
عندي الدريكه اذا قد صاح عاويـها ### معنا الذخيره واجده من صنعة الالمــان
خلك مع الجاويد لا تتبع لشانيـــها ### في السوق شانك مرتفع يا قرش حننان


البكري

[سبع الليل]

ايش من مغاني ذا الهبل ذي هو يغنيها= كلام ما له شي في القاموس تبيان
زعلان من نفسه كذا من غير ماذيها= ويقول انا البادي عليه والقيت قصران
وانقلت كلمه في سلاء فسر معانيها=ويقول سبع الليل يقصدنا ويرمينا بكلمان
وانا ماقصد حد يارفقي قط ولا اعنيها=كل الذي هم في السقيفه شاهدين اعيان
كل ما صفت الاجواء زخاء بالطين فيها=اكبر على الموذي قليل الخير فرحان
جاء الى السقيفه بايخالف في مجاريها=ان بايتمي هكذا باجيب له قيد ورصان

[البكري]

ديل الكلب لارتفعت ايش بايوطيها ### القاصر عمره قاصر ولو معه خاتم سليمان
لايفرح ولايحلم بعد اليوم بحاليها ### له المر والعلقم و عالارض باتاكله الديدان
ماباكيل من عندي ولاهونا كاليها ### الامرله وحده وبتصريفه ماهو كائن وماكان


البكري

[مجمل]

سلامي قال شاعر عالسقيفه والذي فيها = تحيه خاصه لبن الوزيري ذي سجع بالدان
واخرى للذي ثبت وحكم في قوافيــــــها = من الشعار من شارك وزن في كفة الميزان

[البكري]

رد السلام واجب ذي شروط للاسلام نوفّيها ### وتحيّه من الرحمن خاصّه لمن حلواالجنان
ورد ثاني للثبات والصبر علــى مآ سيـــــها ### صبرنا في صبرنا لجل الجود والاحســـان
لولا شبام الام ومن حلوا فــي ضواحيــــها ### والمعزه لمن في السقيفه ماسعفت للثعبــان


البكري