قصيده بن عميره

[الروافد]

ساعه الحاجه
على الله يازمن بشكي جروحي والليالي طوال
عسى راعي العنى ينسى عناه وينشرح صدره
على الله يازمن بشكي همومي والهموم اجبال
تعدت عاصمه حزني حدود العالم باسره
خساره ياسنين اللي كتبتي سيره الرحال
فرحت امس..وحزنت..اليوم بس الخوف من بكره
لساني كم شكى صمته..والى منه حكى ماقال!
طغى طبع السكوت بسيره المحروم من صغره
سقى الله يوم كنت اضحك وبالي مستريح البال!
ضحوك ماعرفت الحزن وش معناه وش قدره؟
وكبرت وكبرت احلامي وصارت قصه الترحال
اماني في مهب الريح وحلم مااكتمل بدره
عزيزه ياالعيون اللى حضنتي دمعه الرجال
حبستي دمعته بين المحاجر يوم ضاع امره
عزيزه ياالحروف اللي سكتي والكلام يقال
حكيتي.. ماشكيتي الهم وهم القلب ياكبره
عزيزه يااليدين اللي ثنيتك باصعب الاحوال
اكفك ساعه الحاجه وامدك ساعه القدره
انا منهو حمل همه على راسه تقول اعقال
مجاديف الزمن دارت عليه ونسف الغتره
وانا منهو فقد صوته وبعض الصوت به مازال
دعيت الله يفرجها علي وبحت النبره
على الله ينجلي وقت قضيته هم وغربال
ويشع النور في قلب غشى ليل الظلم فجره

[طالب النعماني]

كلام جميل جدا
شكرا لك