الكعكعي صوته يهز المؤتمر

[باكعيكعوه]

الكعكعي صوتـه يهـز المؤتمـر =يخرس لسان اللي يريد الأنفصـال
والسيف هاتر سيف سيدنـا عمـر =كل من تقدم لاه بايـرده وصـال
واحد نفر صامد كما عشره نفـر =مايرتهب حل المعـارك والقتـال
واما النساء يجلسن من خلف الستر =مايقدرن حل المعـارك عالنـزال
نا الكعكعي دار الشهامـه والقـور =مانا كما اهـل الهبالـه والخبـال
ذي هرجهم خرطان مامنـه ثمـر =حل الـوزن مايوزنونـه بالقفـال
كل يوم في واحد لهم يظهر خبـر =والمتهم مسـرور والسيـد جمـال
والأن قالوا عـده معهـم بونمـر =والظن خاطي عده ذي معهم وزال
هرج المره فضله عابعض القشـر =ذي مايعرفون المحـرم والحـلال
والذي من الدرب المسمح قد شتـر =ميال في راسه وفي عقلـه ميـال
مايدري ان القذف في المسلم اشـر =والحكم باطل عالتكهـن والخيـال
يكفي كفت خرطانكم كل من حضر =عا هذه الصفحه بعد منهـا ومـال
مثل الدلل قدكم جلستوافي الوصـر =والناس سرحت في شناطيب الجبال
بايدورون الوعل ذي قرنه عجـر = ياهوين من بعض القبائل ذي يقال
عنهم ندت منـه جبيـن المعتبـر =هذ ه زواملهم وذه حسـن القـوال
لكننـي ذلحيـن بـازر العصـر =باعرف الغشمان معنـى الأقتتـال
بندقي بانصرفـه عالذيـب الغبـر =والثعل بالقي له شبك سالم بـلال
والكاذب الماكر قبض له بالنخـر =والمعتدي باللطم ميـل بـه ميـال
والنذل إبن النذل لاشـل الحجـر =باشلهـا منـه وباعطيـه العقـال
وبعضهـم ماطبهـم الا الحـمـر =والبعض طبه بالرهيفات النصـال
سمعـه ونكـره جابهـا ماتنتكـر =ذي بيهرج في الخلف مايهرج قبال
والحاصل ان الكاذب اليوم احتـزر =والناس عرفت كذبكـم لاياعيـال
والشمس قد شرقت واما الشهربـر =كلين شاف الشهر في القبله هـلال
وان كان هذا الشعر ماحد بيشعـر =مادام قدهالحم في وسـط التفـال

[زوم الزوم]

ابيات متناثره مخللخله من جميع النواحي لا ابداع ولاوزن ولا ترباه زينه ياجماعه اتقواالله يامشرفين هل هذا شعر تسمونه

[باكعيكعوه]

اقتباس : المشاركة الأصلية كتبت بواسطة زوم الزوم

ابيات متناثره مخللخله من جميع النواحي لا ابداع ولاوزن ولا ترباه زينه ياجماعه اتقواالله يامشرفين هل هذا شعر تسمونه

مرورك شرف يازوموانا عارفك تمامانك انت 000 ويكفيني اطلاعك عليها والتعلم من الترباه التي تربيتها بهذه الألفاظ انت والذي وصاك سيدك واعلموا انكم لن تنالوا مني وهذه عرضتها لأطلاع الملا عليها كونها حذفت من الزاملمن قبل المعني بها وهي لاتقل عن قصائده بل استمدت منها وهذا جواب عليه لما سبق منه