فيين القبوله وأنت لك ثلثين فيها = ثلث للأسم وثلث لأصلك والفصيله .

[بانصيب]

فيين القبوله وأنت لك ثلثين فيها = ثلث للأسم وثلث لأصلك والفصيله
وحل الصدق سدي ظهرها لاتخفيها = وعاوعدك حضر عالتقاليد الدويله
ولاماحضرت منك صفاتك بنخفيها = ولابحسبك من ذي يشلون الثقيله
وكل من شلها عاطرقنا ماجفيها = يوصلها ويخطي سقمهم والغليله
وخل من شب ناره بنفسه باطفيها = إذا هبت مهب عالشناطيب الطويله
غصون العلب بيدي من الخلفه لفيها = ولابي شي قهد من عيال البانبيله
وقصه حرفوها بحجه بانفيها = جليله مانسيها ومن ينسى جليله
وعهد الله أني بكلمه ماحفيها = رجاء من قلب صادق تحنوا عالأصيله
دخلنا باب ثاني .حصوني بابنيها = على عزه وحشمه دعائمها الفضيله
ولاشي قصد ثاني ولابوحده عنيها = ولاغايات عندي تبررها الوسيله
إذا جلبوب شمتر من ابياري سنيها = طياني غاليه في الصحاري والمسيله
كنان الرأس عزي بعزة قاطنيها = لها روحي ونفسي وكل حاجه جميله
ثماري من شجاري بيدي باجنيها = ومن وادي لوادي في اوقات المخيله
وفي الاحقاف حجه بخفيه دافنيها = تنبشها الهواجس في المسامر والحليله
عرفتوها وإلا لكم مابا حنيها = رقاب الاوفياء عندنا ماهي قليله

[بن احمد]

لله درك يابانصيب جزله من راس جزل
ولكن بيت تنبشها الهواجس في المسامر والحليله كأن فيه ثقل وزني
ارجز منك مراجعته يالغالي وتقبل احترامي لشخصك وماخط قلمك
ومشكور عالكلام الزين

[عيبون]

غصون العلب بيدي من الخلفه لفيهـا=ولابي شي قهد مـن عيـال البانبيلـه

وانا اشهد انك لفيت العلب وجبت لنا بغيه يابانصيب

غايه غايه فالروعه القصيده والذي اعجبني اكثر

الرمزيه الطاغيه على النص وهذا هو الشعر ولا فلا

وتستحق التثبيت القصيده

[بانصيب]

اقتباس : المشاركة الأصلية كتبت بواسطة بن احمد [ مشاهدة المشاركة ]

لله درك يابانصيب جزله من راس جزل ولكن بيت تنبشها الهواجس في المسامر والحليله كأن فيه ثقل وزني ارجز منك مراجعته يالغالي وتقبل احترامي لشخصك وماخط قلمك ومشكور عالكلام الزين

سلمت ياوزران وبقيت ولو سمحت اقري تنبشها بأكثر من صيغه ولفظ وبايسبر عندك لاعدمناك يالعباسي

[بانصيب]

اقتباس : المشاركة الأصلية كتبت بواسطة عيبون [ مشاهدة المشاركة ]

غصون العلب بيدي من الخلفه لفيهـا=ولابي شي قهد مـن عيـال البانبيلـه وانا اشهد انك لفيت العلب وجبت لنا بغيه يابانصيب غايه غايه فالروعه القصيده والذي اعجبني اكثر الرمزيه الطاغيه على النص وهذا هو الشعر ولا فلا وتستحق التثبيت القصيده

حيا حيا بالغالي وبالمحترم وبالشاعر الكبير اللي يعرف الكلام زين زين زين ,ياغالي التثبيت مايهم نحن ناس على قد حالنا ,اشكرك على كلامك الجميل الروعه وانت من يروينا وعلمنا الشعر والنثر .

[عمر الذيب]

اقتباس : المشاركة الأصلية كتبت بواسطة بانصيب [ مشاهدة المشاركة ]

فيين القبوله وأنت لك ثلثين فيها = ثلث للأسم وثلث لأصلك والفصيله وحل الصدق سدي ظهرها لاتخفيها = وعاوعدك حضر عالتقاليد الدويله ولاماحضرت منك صفاتك بنخفيها = ولابحسبك من ذي يشلون الثقيله وكل من شلها عاطرقنا ماجفيها = يوصلها ويخطي سقمهم والغليله وخل من شب ناره بنفسه باطفيها = إذا هبت مهب عالشناطيب الطويله غصون العلب بيدي من الخلفه لفيها = ولابي شي قهد من عيال البانبيله وقصه حرفوها بحجه بانفيها = جليله مانسيها ومن ينسى جليله وعهد الله أني بكلمه ماحفيها = رجاء من قلب صادق تحنوا عالأصيله دخلنا باب ثاني .حصوني بابنيها = على عزه وحشمه دعائمها الفضيله ولاشي قصد ثاني ولابوحده عنيها = ولاغايات عندي تبررها الوسيله إذا جلبوب شمتر من ابياري سنيها = طياني غاليه في الصحاري والمسيله كنان الرأس عزي بعزة قاطنيها = لها روحي ونفسي وكل حاجه جميله ثماري من شجاري بيدي باجنيها = ومن وادي لوادي في اوقات المخيله وفي الاحقاف حجه بخفيه دافنيها = تنبشها الهواجس في المسامر والحليله عرفتوها وإلا لكم مابا حنيها = رقاب الاوفياء عندنا ماهي قليله

كلام كلام يابانصيب
كنت اقول دائم عندما ارى مشاركاتك في المجلس
اين با نصيب من القصائد الطويله المسرحه فما كنت اراه كان يدل على شاعر لديه القدره الفائقه
في ان يصوغ لنا احلى المسرحات كل التحيه والاحترام لهذا الطرح الراقي والرائع
عمر الذيب

[صوت سيبان]

أخوي بانصيب لاتزعل مني هنا كسور واضحهه وضوح الشمس لاتشكر مضحكينك أشكر من بكاك

وحل الصدق سدي ظهرهـا لاتخفيهـا

وزن القصيده على زامل المرزحه كما نسميه المستغرب عدم ملاحظة الذيب و الوقوع في ذلك الخطاء لي عوده لكثير من الملاحظات مرور بعجالة

ياريتك قلت

: وحل الصدق سدي ظهرها لتخفيها

لكان الوزن صح

[صوت سيبان]

أرجو أن لايعدل في القصيده هناك كسور كثيرة

[باسعيده]

بانصيب يابانصيب ياالنصيبي انته شاعر وشاعر مزلزل وقصيدتك روعه الروعه بل موزونه وزن القفال وكلامها حالي ذوق من اول مره ينطعم كما العسل الخرفي الجرداني الزين هذا الشعر والا مليون لا وشكرا جزيلا ولاتحرمنا من جديدك يالمزلزل ولامن مشاركاتك في الزامل

[باسعيده]

والله والله والله انها تستحق التثبيت ولاكن بصركم يااخوان