ارجوووكم ( راح تكــون نهــايتـــــى فـــــي الســــــجــــن ) الرجاء المساعده

[نبيل الرمادي]

البنك السعودي الأمريكي(سامبا) ..
السلام عليكم , للعربيه أضغط رقم 1
للانجليزيه اضغط رقم 2
وضغطت رقم واحد وقالو .. سيقوم الموظف بالرد عليك الآن


الموظف : البنك السعودي الأمريكي ..لؤي

نبيل : لا والله اسمي نبيل .. لو سمي لؤي كان شفتني رائد فضاء

الموظف : ادري يا أخ بس انا اعرفك بنفسي

نبيل : اها الله يرجك خخخخخخخ

الموظف : آمر طال عمرك

نبيل : احم .. والله ودي تسلفوني دراهم


الموظف : ابشر بس كم راتبك

نبيل : ضف وجهك امي ماقلتلها

الموظف : لا بس عشان نحسب القسط الشهري
توت : عطوني 300 ألف وبرجعها لكم والله

الموظف : يا أخ مو على كيفك لازم نحسب القرض بناًء على الراتب
توت : خلاص .. راتبي 300 ريال <<نصاب طالب
الموظف :خلاص يا نبيل ..
عطني رقم حسابك واسمك الكامل وراح احولك المبلغ بعد 24 ساعه

والزبده اني سحبت المبلغ منهم ..
وقررت السفر الى لبنان لقضاء صيف ممتع يحبه قلبك

ورحت عند اميمتي وقلتلها هلا يايمه
انا رايح مكه اخذ عمره .. تبين اجيبلك شي معي
قالت ايه واللي يسلمك جبلنا جالونين زمزم الله يجزاك خير
قلت ابشري انشاء الله بجيبهم ..
واطلع من عندها واقول ياليييل من وين اجيبلها زمزم هاللحين ..

وادق على واحد من اخوياي ساكن في حفر العتش (طريق القصيم)
واقوله جب جالونين وانت جاي للرياض (مساكين اهل العتش ماعندهم شركه تحليه)
وقلتله بعد ثلاث أيام رح وعطهم امي وقلها انك توك جاي من مكه ونبيلوو عطاك هالجوالنين


واطلع اروح الفيصليه كي اتبضع واشتري ملابس عشان الطلعه القميله
واخلص اغراضي ثمن رحت حجزت للرحله وارجع للبيت عشان أنام واصحى بدري
وما امداني ارقد 3 ساعات الى وترن الساعه ..
وانقز اشيل شنطتي واخذ اغراضي كلها ..واشد الرحال
وحان موعد السفر
الحمدلله .مر وقت الرحله سريع سريع
كلها ساعات بسيطه ووصلت الى بيروت , ونزلت بالمطار وأخذت تاكسي
واروح الى فندق 5 نجوم وادخل واحجز غرفه وقالي أتفضل استريح الين اناديك ..
جلست بالكنب ..
وكان أمامي شله شباب جايين من الدوادمى جاين باهايلوكس بدو يطالعون لى
واطالع لهم
ما طولنا بهالحركات الين جا واحد فيهم وعرفني فيه
السلام عليكم .. مناحى من الدوادمى.. رديت عليه وقلت لا والله غلطان معك نبيلوو
قال لا يا أخ . انا اعرفك بنفسي قلت اها الله يرجك خخخخخخ

سألني الأخ مطول هنا ؟ جاي لحالك ولا معك احد
قلتله والله مدري ان جازلي الوضع جلست , وتراني جاي لحالي مامعي احد
قالي طيب وشرايك نروح نطلع مع بعض ونتمشى ونسوي قروب ممتاز
قلت مش مشكله خلاص اتفقنا ..
وعطاني رقم غرفته وقالي اول ماتجهز اتصل علينا
واروح للريسبشن واخذ مفاتيح الغرفه واخذ شاور يبرد القلب
واجهز نفسي واتصل عليه
قالي هلا والله نبيلووو .. ماشاء الله عليك بسرعه جهزت ..
خلاص اللحين ترى بننزل ونروح المسبح تحت ,, واروح
والبس ملابس سباحه وانزل من الغرفه
واسأل اللي بالريسبشن وين المسبح ؟ قالي من هون
واروح من هون وادخل عليهم


اول مادخلت سمعت وحده تصرخ شو هالغوريلا
والثانيه تقول .. ليكوو هايدا شعراتو كتير
وهنا استحيت وشوي وبتجيني الصيحه
لكن اخذت الفوطه وتغطيت فيها وجلست بالكراسي الين يجي مناحى
وانا جالس عالكراسي جاني لبناني شكله عيار قالي الأخ بدو يسبح ؟
قلتله ايه الله يسلمك جاي اغير جو واسبح اذا ماعندكم مانع
قالي مابنصحك......
لانك اذا سبحت راح يطفح خشمك برا المويه
وبيخافون منك يحسبونك سمك قرش خخخخخخخخ

قلت لاحول ولاقوه الا بالله ..
يامناحى وينك يامناحى وجلست انتظر الين يجي مناحى
وجا مناحى لحاله وبدل ثيابه ونطينا انا وياه للمسبح وقعدنا نطافش
حول الساعة وحنا مبسوطين ، و لا أهنا حركة ما سويناها
مرة يشيلني على كتوفه و يطرحني و مرة أشيله و أنطله و مرة ننط متماسكين
و مرة وحنا متربعين .. ومرة جا مناحى بينط المسبح بحركة الشقلبة
مع أنه ما يعرف لها لكنه تشقلب ولا لقيناه إلا فوق السور!!

واطلع برا المسبح عشان اروح اجيبه الا والقى ذيك البنت اللي تمشي
بأطراف اصابعها جايه لمّي وميته ضحك ..
قالت ياحليلكم انا جالسه اتفرج عليكم من اول مادخلتو وميته ضحك
وااو مره مره تضحكون .. وهنا جلست اردد واقول:


بسم الله .. اعوذ بالله من الشيطان .. وجلست اردد المعوذات واعتقدت انها سراب او مقلب او شي من هالقبيل ...قالتلي أهليييين قلت هوووولا وووووالله وغوووولا وشخبارك وشعلومك .. اجلسي ريحي هنا .. قالت الأخ سعودي .. قلت لا يماني الله يسلمك ويسلم الحاضرين والرايحين والجالسين وكل واحد شفته بحياتي الله يسلمه
قال انا العنود وانت وين ساكن في السعوديه ..
قلت الله يسلمك انا ساكن بجده وكنت بالقصيم عند خوالي
لكن اميمتي ماجازلها الجو وقالت خلنا ننقل ورحنا وسكنا هناك
والحمدلله الجو ممتاز ومريح قلتلها انا ساكن بحي الشاطئ طال عمرك.. قالت معقوله!!
انا ساكنه هناك ولا قد مر علي شكلك او شفتك.قلت الاقدار الله يسلمك الأقدار ..
قالت شو رايك اعزمك على فنجال قهوه..قلت يالله ماوراي شي(يلعن ام السحبه على مناحى

قلتلها ثواني بس اروح الغرفه ابدل ملابسي وارجعلك .. انتظريني هنا ,,
واروح ابدل وارجعلها .. ونروح انا وياها كوفي شوب .. وصلنا للكوفي شوب ..
طلبت شاي وانا طلبت قهوه بدون سكر (قلت بحلي بوجهها)<---- الله من الشفاحه


وانهمرت علي من الأسئله .. اسمك / عمرك / وشعندك جاي هنا / وليش وكيف ومتى .. الخ .. ومن كثر القرقه والسوالف ماوعينا الا الساعه 1 الظهر ..
قالت ياويلي تأخرت على صديقاتي
قلت بدري حرام تروحين والله السوالف معتس ماتنمل ..
قالت أكيد بشوفك بالليل انت فاضي ؟ قلت ايه ماعندي شي خلاص هذا رقمي واتصلي علي بالليل .. قالت أوكي وراحت العنود لصديقاتها وانا أرجع للفندق وقلت باخذلي غفوه الين يجي الليل وأطلع معها


وبعد غفوه ,,, صحيت من النوم , واتمغط شوي وارجع ركبتي الى مكانها الطبيعى
<--- فاقد للحنان
وقالت يالله البس بمرك بعد نصف ساعه .. واسكر السماعه والبس ملابسي وانتظرها عند الريسبشن .. وبعد برهه ,, جتني بالسياره وركبت معها
اول ما ركبت سلمت علي وقالت يالله خلينا نروح السينما ,, قلت يالله ونمشي بالسياره الين وصلنا لسينما الماسه الزرقاء <<<اسم محل الفيويو اللى مشترك فيها
ونشوف وشعندهم من أفلامن كويسه .. لقيت فيلم اسمه مدري وشو , لكن شكله رومانسي ومضبوط
<<اختفلت عليه اسماء الافلام مثل مايتغير عليك الجو وانت مسافر



قلنا يالله خلنا ندخله .. ونلحق على كراسي قدام ويبدأ الفيلم ,,
انواع البياخه وثقاله الطينه .. والعنود كانت مبسوطه
وحنا نتفرج جا مقطع مخل للآداب الا وتقرب مني العنود وتحط يدها على شعري
وأصرخ انا بقوه واقولها ليش ياوصخه تمسحين يدك بشعري ..
يعني تحسبيني ما اشوف الدهن اللي بيدك من البطاطس قالت اووص فضحتنا ..
وهي استحت والناس كانو كلهم يطالعون فينا ,,
وبعدين حمرت خدودي ورجعنا لوضعنا الطبيعي


وجلسنا بالسياره
(وبعدين انا فكرت وقلتلها بكل خبث: تجين عندي الشقه
قالت امممم فكره حلوه , يالله .. ونديور مع الاشاره ونرجع للفندق ..
ووصلنا هناك ونزلنا واستلم المفاتيح مع عند الموظف ونطلع فوق ..
وافتح الغرفه واقولها تفضلي اجلسي عند التلفزيون
وانا بآخذ شاور وبرجعلك على طول .. نيهاهاااي


وادخل اتروش واتنظف وانشف نفسي والبس واطلع وانصدمت لما طلعت


لقيت العنود جايبه علبة خمر قلت وشو هاضااا قالت وشفيك حبيبي؟
عادي ياحبيبي هذا شراب خفيف
لايكون تبين نسهر على عصيرات وتتفتح البطل وتصبلي بكاس وتقولي أشرب
وامسك الكاس وانا متردد واتراجف..
واقربه من فمي واذوق طعمه واتفله...تفوووه وشو ذا طعمه يحوم التسبد
قالت يابن الحلال اشربه على طول لا تذوقه كذا
واتذكر امي لما تشربنا المرّه على طول
واسوي بالشراب زيه واشربه كلمه بجغمه وحده

وتقوم هي تاخذ يدي وتقول قوم نرقص يالله والخبيثه تعرف انى احب نوال وتشغل
انا على بالى ارقص جنبك ويوم خلصت اغنيه نوال حطت كاظم وهو يقول
قاتلتى ترقص حافية القدمين
قلت لحظه بشرب كاس ثاني واصبلي والذعه كله عالسريع
واقوم وارقص معها .. مافيها الا رقص وهبال وازعاج ورجه وانواع الفله والوناسه
واقولها لحظه بكمل الشراب ,, واخذ العلبه كلها واشرب منها
ارقص واشرب ارقص واشرب
انهبلت وانا ارقص وافتلال غير طبيعي بعدها جلست على الكرسي
وصرت خارج التغطيه

طررررن ... اطالع يميني اشوف الساعه ترن امسكها واشوف الساعه كم ..
طلعت 1 الظهر ..اثريني نمت ولا دريت وشصار اصارخ وانادي العنود العنود وينك ؟؟
ولا لقيت احد .. قلت شكلها راحت نامت ببيتهم
واروح الغرفه عشان البس واطلع اتغدى .. مالقيت ولا شي لا ملابس
ولا اغراض , ولا شي موجود
شنطتي / فلوسي / شراباتي / محفظتي
حتى معجون الاسنان سرقته البقره جتني الصيحه
ولا ادري و وش اسوي


تركت امري لله واطلع برا ولقيت تاكسي وقلتله سالفتي ..
جته الصيحه وحس بحالي وقالي خلاص طيب بوصلك عند الخط السريع
وانت دبر عمرك .. ركبت معاه ,, وصاحب التاكسي حس فيني
حتى لما جا طرار عند الاشاره يطلب فلوس قاله التاكسي ,,
شوف اللي راكب ورى هو بحاجه للفلوس اكثر منك , ونوصل للخط السريع
ويقولي الوجه للوجه ابيض والله يستر عليك


وجلست هناك تقريبا 3 ساعات انتظر سياره
الين لقيت رجال بيروح عرعر ووصلني معاه ,, واهم شي جوازي ما انسرق
ومن عرعر لقيت رجال بتريله وصلني الى باب بيتنا ..
الطريق كان طويل وكنت انا انام وهو يسوق واذا صحيت انا اسوق وهو ينام ,,
ماقصر ووداني الى بيتنا ,, وقلت لامي كل شي وطردتني من البيت

ومن ذاك اليوم الى اليوم والبنك والديون والدنيا كلها تلاحقني واذا ماساعدتوني

راح تكون نهايتى في السجن

للمساعده هذا رقم الحساب


*************
<<خايف يحط رقم من راسه ويفزعون حقين المنتدى وتروح الفولس على وعليهم




تم بحمد الله واستروا ماوجهتم

[باغوزه]

يلعن افكارك يانبيل
يامجنون احد يسوى سواتك وراك انت ماتشوف واحده تنهبل بها .
يعنى اى واحد يقول لك قم تقوم والا اشرب تشرب
بصراحه مسلسل حلو وتستاهل اللى جرى لك هذه دعوة العجوز اللى ضحكت عليها
لكن مايخالف المره هذى راح نساعدك بس لاتتكرر
ومره ثانيه لاتروح لبنان .. رح هناك .
ياواد ياشقي ..
تحياتى لك وعمل سينمائى رائع
مع تقديري

[همسات قلب]

:heart:السلام عليكم ورحمة الله وبركاته
يخرب عقلك يا نبيل بجد انت مشكلة
افكارك دائما فظيعه كده دائما بتطلع وتبتكر ما لا يخطر علي البال
بس بجد موضوعك فيه موعظه ونصيحه للشباب بشكل غير مباشر
ادعو الله ان يحفظنا جميعا ويجنبنا سوءاتة امين يارب
بشكرك جدا علي موضوعك ومنتظره منك الاجمل والاغرب كعادتك
;waveyهمسات

[العجيب2]

خخخخخخخخخخخخخخخ.
تستاااااااااااااااهل وانا رح ازيدك بلاوي ورح ارفع عليك دعوى بالفلوس اللي عندك لي ........
ويله ورينا وين رح تهرب.

[ابورائد النعماني]

ههههههههههههههههههه
الله يرجك يانبيل خخخخ
موضوع حلو حلو
تسلم على هذه الافكار الحلوه....
تحياتي

[فهمي سليمان]

لا أدري ما اقول لكنك قاص من نوع ممتاز وسناسرت مميز يالله الى الامام

[نبيل الرمادي]

خخخخخخخخخخخخ

الله ينعل ابليسك ياباغوزة وش تبي عاد


الف شكر لكم على ها المرور الجميل

[ابوهارون]

يا ولدي انتبه من غـيــــــــــــــــرها !! ذه عبرت ,,, لاحد قلد عليك في غرفه وقالك شرب لا تشرب طير ببوه من الخلفه ،، وخاصه الشراب لي ما تعرفه شف ذا وقت عيف .... كله غش لا وصـــــــّيك .

[المقــــــ(الطامح)ــــهور]

ايش هذا يا نبيل

[المقــــــ(الطامح)ــــهور]

انتبه تاني مرة وتعرض نفسك للخطر وخليك على قدك ( تفخسس تسلم تعقرب تقتل )