مجلس الدان الحضرمي

**عيبون** · 05-26-2011, 10:27 PM

لادنّت الاغصان لازم باجني=انّه شوي وان كان جم
=باشل قسمي دام هيجي دوب يرزح بالبهار
لي جابكم للحصن هذا جابني=قد جيت نرزح بالقدم
=حد بايرحّب او نعرّج صوب مسقط مع ظفار

**الكوكب** · 05-26-2011, 10:38 PM

اقتباس : المشاركة الأصلية كتبت بواسطة عيبون [ مشاهدة المشاركة ]

لادنّت الاغصان لازم باجني=انّه شوي وان كان جم
=باشل قسمي دام هيجي دوب يرزح بالبهار
لي جابكم للحصن هذا جابني=قد جيت نرزح بالقدم
=حد بايرحّب او نعرّج صوب مسقط مع ظفار

لاقالك صاحبك بالله اسقني=لاتقول لا قله نعم
حتى ولو ماتعرفه قل كيف لو صاحب وجار=
اما اذا قد قلت هذا خانني=باقول لك جنّبه ثم
لاتسقي الخاين ولاتبيع الجمل عرض الحمار=

**الشبامي** · 05-26-2011, 11:19 PM

اقتباس : المشاركة الأصلية كتبت بواسطة سعود بن كردوس [ مشاهدة المشاركة ]

ذا فصل لجلك يالشبامي معتني=قد جيت من روس القمم
=بدخل بناموسي وبخرج بالشرف والاعتبار
سلام لك يابيت شامخ مبتني=من جاك ينسى كل هم
=مخصوص عاصاحبك بوصالح ذرانا والضمار
ناموسكم يابن ربيعه شّدني=مافاتني منه الدسم
=عجّل لبوعوبث بكسوه ذرعها خمسين وار

لو أعرف مكانك لجيتك مشي لإعطائك ليس 50 وار فقط بل لفّة القماش كلها !!
أشكرك من القلب على كل كلمه قلتها وأنت شاعر بكل مافي الكلمه من معنى !!
لقب شاعر السقيفه لبن كردوس !!

**ديناميت الجنوب** · 05-27-2011, 12:49 AM

السلام عليكم ورحمة الله وبركاته

**الفحص** · 05-27-2011, 03:14 AM

اقتباس : المشاركة الأصلية كتبت بواسطة الشبامي [ مشاهدة المشاركة ]

لو أعرف مكانك لجيتك مشي لإعطائك ليس 50 وار فقط بل لفّة القماش كلها !!
أشكرك من القلب على كل كلمه قلتها وأنت شاعر بكل مافي الكلمه من معنى !!
لقب شاعر السقيفه لبن كردوس !!

شكرا لمشرفنا العام والف مبروك للشاعر سعود بن كردوس ابو مساعد
ويستاهل ومبروك للسقيفه تواجد شاعر بحجمه

**محمد سعيد بن مخاشن** · 05-27-2011, 09:18 AM

اقتباس : المشاركة الأصلية كتبت بواسطة رنين الوتر [ مشاهدة المشاركة ]

حيابمن جاني=وعا نيه دخل من غير ماسلم
ونا جاهز معك ياحنطبه حاضر=وباسّري همومي لجل ينسم حالي المليان
والعمر ذا فاني=وعامافات ياصاحبي لا تندم
ومن ماضيك خذ عبرات للحاضر=تفيدك ف السنين المقبله يافارس الفرسان

هكذا يا رنين بارك الله فيك
ميزانك يحلج الشعره