نصيحة والكل يفهم

[مخاوي اليل]

* أهداف رسائلي *

التواصل - رسم الإبتسامة - الفائدة







نصيحة





نصحتج والنصيحـة في حيـاتج مالـها أثمـان ..

شريتـي كـــل غلطـاتج وللغلـطـــات بعتيــني



رخصتي كل ما قلته وعدّيتيه هــرج لســـان ..

أجل ما هــو بعيد الغــد لـو جيتـي طعنتيـــني



خسرتي كل تقديري بعد منتي رفيعــة شـان ..

وما به فرق عندي لو رحـلتي أو خســرتيني



لعبتي صح باوراقج ولكــن الـورق خسـران ..

لأن الحــب لــــه ناســـه ويا ليتــج تبعتيــني



تبعتي درب ما يتبع مسافاته ســـوى العميان ..

ومثــّلتي بطـولـة عاشقـة تعشــق عنــاويني



أصدّق كذبج الواضح واكذب صدقج الخوّان ..

واشوفـج دانيـه عن كـل خلـق الله في عيـني



أعلـّمج الإهـــانه كيف يتعــامل بها حمـــدان ..

واهينج واستهين اسمج إذا فكـّـرتي تطريني



واجازيج القساوة مع لهيب الصد والحـرمان ..

واعلـّمج الفـروق الألف لي ما بينـج وبيــني



ترى كل ٍ ولـه قدره وله ثقـله على الميــزان ..

وانتي مالـج اي ثقــل وقـدر يقـدر يمــاريني



صحيح إني قديم الوقت حبّيتـج وبج هيمــان ..

ولكـن وقتي الحـالي من الهفوات يصحـّـيني



نثرت الحب تحت أمـرج ويا ليته يفيــد الآن ..

ألا وش فايـدة حـبيّ بعــــد منــتي خذلتيــني



رسمتج صادق الإحساس دون أقلام أو ألوان ..

وصورتج بأحـلى من جمـال الكون والزّيـني



تعديتي الغلا كلـّه ولا ياصــل غـلاج إنسـان ..

وصلتي مستـوى عـالي يبعثــرني ويحويـني



أنا ما أنكر العشرة ولا أنكــرت ماضي كان ..

سواج إنتي حرمـتي دم قلـبي من شراييـــني



تحالفتي مع الضيقه وجيش الهـم لج أعـوان ..

تفنـّــنتي في تعذيـبي وف الحيـرة أسـرتيـني



طلبتج كاس من عطفج يبلـّل قلبي الضّميان ..

ضحكــتي بكل إستهـزاء كنـّج مـا سمعتيــني



أنا ادري كنت متهاون معاج ودايما ً غلطان ..

غلطت بحـق ذاتـي يـوم عزّيتـج بمـا فيـــني



وجيت هالحين أعلنها عليج الحرب والعدوان ..

واخلـّي دمعتـج تـذرف بحســرة تبـتراضيني



تظنـّيني على خبرج مسامـح طيـّب وشفقــان ..

أقول اليــوم لـج آسف وتـوّج مـا عرفتيـــني