الحقيقه

[جحدر]

من بعد ما نسينا فصول المرزحه =والدان والحانه وايام السرور
ان كل وعاء مافيه لازم ينضحه=بنضح لكم من قول مجروح الشعور
من الف القصه وجهز مسرحه=من غالط الشيبه وغرر بالزقور
من يوم ماخرة حبوب المسبحه=وسؤال في كل ذهن حر يمسي يدور
من خلف ما يجري ومن له مصلحه=في ما تراه العين من بعض الامور
ساعه نرى فرحه وساعه مذبحه=اشياء تسر واشياء تضيق بالصدور
واجب نشوف الطرح من لي يطرحه=من قبل لا نقطع اشارات المرور
هل ياترى من جوع اهل الفرضحه=ثاروا على سوقات بن هام الطيور
او ذا شبع بطره وثورة قحقحه=من خلفها مخرج من ابلاد الحجور
احزن اذا شفت الجثث في المشرحه=وافرح بثورة شعب عالباطل يثور
ان جيت شل حزني وحلمي اطرحه=اخاف اني خون منهم في القبور
هذا وذا كله علينا نشرحه =وخلاصة الشرح المدقق ماتبور
حاكم بلا مبداء علينا نفضحه=لانه سبب كل المشاكل والقصور
ارحل علي ارحل كفايه زحزحه=يكفي دماء يكفيك في الدنياء غرور
من لا قتله ارصاص غدرك يجرحه=يا قاتل الاطفال في عمر الزهور
شف من لعب بالنار لابد تلفحه=هلل وتب واستغفر الرب الغفور
والا مع الشامي ومن لا ينصحه=في جمر نار الشعب ماواكم بخور

[الواقعي]

كلاااااااااام يالجحدر

قمه يشهد الله

بس علي (السقيفه) والا علي (السبعين) الي باتفضحه اولاً .

تحياتي وودي

منه هوذا كلام الشنطبه الله يعطيك العافيه .

[حنطبه]

شنطبه وكلام مرصص احسنت .دخلت القلب .

[جحدر]

اقتباس : المشاركة الأصلية كتبت بواسطة الواقعي [ مشاهدة المشاركة ]

كلاااااااااام يالجحدر قمه يشهد الله بس علي (السقيفه) والا علي (السبعين) الي باتفضحه اولاً . تحياتي وودي منه هوذا كلام الشنطبه الله يعطيك العافيه .

اولا شكرا على مرورك الجميل
وثانيا اثنينهم اهداف مشروعه كذابين ومغالطين وثالثهم القذافي

[الواقعي]

اقتباس : المشاركة الأصلية كتبت بواسطة جحدر [ مشاهدة المشاركة ]

اولا شكرا على مرورك الجميل وثانيا اثنينهم اهداف مشروعه كذابين ومغالطين وثالثهم القذافي

القذافي لوحده .



هت الصدق لكنك

[جحدر]

اقتباس : المشاركة الأصلية كتبت بواسطة الواقعي [ مشاهدة المشاركة ]

القذافي لوحده . هت الصدق لكنك

الاستدراج
لن يفيدك في شي بس على شان خاطرك
حط بو صالح معهم الشبامي ما غيره على شان لا تتعب وتستفسر

[طالب النعماني]

جحدر شاعر ماهو سهل
صح لسانه وادامه الله للسقيفه

[جحدر]

اقتباس : المشاركة الأصلية كتبت بواسطة حنطبه [ مشاهدة المشاركة ]

شنطبه وكلام مرصص احسنت .دخلت القلب .

شكرا لك على مرورك الجميل اخي العزيز حنطبه

[الصيقه]

اقتباس : المشاركة الأصلية كتبت بواسطة الواقعي [ مشاهدة المشاركة ]

كلاااااااااام يالجحدر قمه يشهد الله بس علي (السقيفه) والا علي (السبعين) الي باتفضحه اولاً . تحياتي وودي منه هوذا كلام الشنطبه الله يعطيك العافيه .

علي السبعين مسلطه مجلس التعاون
وعلي السقيفه محد مسلطه غيرك يا بو دم خفيف

[الصيقه]

اقتباس : المشاركة الأصلية كتبت بواسطة جحدر [ مشاهدة المشاركة ]

الاستدراج لن يفيدك في شي بس على شان خاطرك حط بو صالح معهم الشبامي ما غيره على شان لا تتعب وتستفسر

قصدك الحقيقي ان يحط باشراحيل بس فزعت من قول الحقيقه ولك امل ان باشراحيل ينظر في تفويز قصيدتك
بو صالح الشبامي ما تصله العصا آه لقا بك؟