ديك يوم ولادجاجه سنه ..ذا مثل معروف !!!!

[حنطبه]

من عاش يومه ديك افضل من سنه = مثل الدجاجة في القفص محصوره
وجمال عقلك بالفكار المعلنه = ماهو بتحريف الجُمل والصوره
وللسان الصمت لو باتتقنه = يامحسن الصامت وسط جمهوره
ومن تعبد صدق وجهه زينه = شف بالعباده الوجه يطلع نوره
وجمال قلبك في الحسد لو تدفنه = والنفس دائم في فرح مسروره
بالاستقامه الحال لاتخرب بنه = والدار بالوجه الرضي معموره
وللكلام .الصدق جوهر معدنه = والكذب اصحابه تظل معثوره
هرجك إذا قلته لغيرك ثمنه = لاتقول جمله قاصره مبتوره
أوفي عهودك والوفي يامحسنه = تعرفه لو مره خرج عن طوره
والكبر لاتقربه سيبه لاتعنه = ياشين حاله من رفع دنقوره

[الخليفي الهلالي]

نعم ياشين حاله من رفع دنقوره

صح لسانك ايها الشاعر الكريم ؛؛؛؛؛

[حنطبه]

اقتباس : المشاركة الأصلية كتبت بواسطة الخليفي الهلالي [ مشاهدة المشاركة ]

نعم ياشين حاله من رفع دنقوره صح لسانك ايها الشاعر الكريم ؛؛؛؛؛

حياك حياك ..شف العيد بكره بعده كما يقال ! بغينا السقيفة تحن !!..صحيح ياشين حاله من رفع دنقوره .تحيتي لك وبارك الله فيك .

[الخليفي الهلالي]

اقتباس : المشاركة الأصلية كتبت بواسطة حنطبه [ مشاهدة المشاركة ]

حياك حياك ..شف العيد بكره بعده كما يقال ! بغينا السقيفة تحن !!..صحيح ياشين حاله من رفع دنقوره .تحيتي لك وبارك الله فيك .

الداعي من قداكم بالعيد نحن إلا تابعين ومترقبين البيان

وإن شاء الله باتقع حنه وطنه في السقيفه يفرح لها الكل.


كل عام وأنت بألف خير؛؛؛؛؛

[تاج العليب فؤاد باطويح]

كلام كسّر كفة الميزان ومناقير الدجاج

صح لسانك

ومن العائدين مقدما

[سقراط زمانه]

اقتباس : المشاركة الأصلية كتبت بواسطة حنطبه [ مشاهدة المشاركة ]

من عاش يومه ديك افضل من سنه = مثل الدجاجة في القفص محصوره وجمال عقلك بالفكار المعلنه = ماهو بتحريف الجُمل والصوره وللسان الصمت لو باتتقنه = يامحسن الصامت وسط جمهوره ومن تعبد صدق وجهه زينه = شف بالعباده الوجه يطلع نوره وجمال قلبك في الحسد لو تدفنه = والنفس دائم في فرح مسروره بالاستقامه الحال لاتخرب بنه = والدار بالوجه الرضي معموره وللكلام .الصدق جوهر معدنه = والكذب اصحابه تظل معثوره هرجك إذا قلته لغيرك ثمنه = لاتقول جمله قاصره مبتوره أوفي عهودك والوفي يامحسنه = تعرفه لو مره خرج عن طوره والكبر لاتقربه سيبه لاتعنه = ياشين حاله من رفع دنقوره

يابو عمر لاقد الوجع في المطحنه=من باتعبر لقمته في حنجوره
العود مابايختفي في المدخنه=لارشنت الجمره ظهر عاكوره
وان قلت اذوني صحاب الشيطنه=باتت معالم واضحه مطموره
لاقد افسحوا اهل السلى في الدندنه=عذر البليد المسح للسبوره

[سقراط زمانه]

يابو عمر لاقد الوجع في المطحنه=من باتعبر لقمته في حنجوره
العود مابايختفي في المدخنه=لارشنت الجمره ظهر عاكوره
وان قلت اذوني صحاب الشيطنه=باتت معالم واضحه مطموره
لاقد افسحوا اهل السلى في الدندنه=عذر البليد المسح للسبوره

[محمد سعيد بن مخاشن]

صح لسانك أخي حنطبة.

[القحص]

اقتباس : المشاركة الأصلية كتبت بواسطة حنطبه [ مشاهدة المشاركة ]

من عاش يومه ديك افضل من سنه = مثل الدجاجة في القفص محصوره وجمال عقلك بالفكار المعلنه = ماهو بتحريف الجُمل والصوره وللسان الصمت لو باتتقنه = يامحسن الصامت وسط جمهوره ومن تعبد صدق وجهه زينه = شف بالعباده الوجه يطلع نوره وجمال قلبك في الحسد لو تدفنه = والنفس دائم في فرح مسروره بالاستقامه الحال لاتخرب بنه = والدار بالوجه الرضي معموره وللكلام .الصدق جوهر معدنه = والكذب اصحابه تظل معثوره هرجك إذا قلته لغيرك ثمنه = لاتقول جمله قاصره مبتوره أوفي عهودك والوفي يامحسنه = تعرفه لو مره خرج عن طوره والكبر لاتقربه سيبه لاتعنه = ياشين حاله من رفع دنقوره

الآدمي العاقـــــــــــــل كلامه يوزنه =من قبل مايخرجه من حنجـــوره
ذا هرج فيه الخـــــبث هو والملعنه = باينكشف للمخشني مستوره
لاتقول ماحد في العــــرب بايفطنه = من مافطن مغزاه هو خو ثوره
عاد الحمومي مانوى للمســـــكنه = بندقه عاكتفه مع ناظـــــــــوره
وخاف كير الحـــــــرب بكره يرشنه = وحليلته ياحنطبه معــــــــذوره
البادي اظلم شف سهامك ماكنه =لكنها ياللاسف في الخــــــــوره

عيدكم مبارك وكل عام وانتم بخير

[محمد حسان]

صح لسانك
.
.
.
موفق بإذن الله ... لك مني أجمل تحية .