لغــ في قصـ3ـيدة ـز

[عبدالله الجعيدي]

كل عام وانتم بخير اخواني الاعزاء جميعاً واليكم اللغز الثالث ومتاكد ان الحل سياتي بعد صلاة الجمعة مباشره

حاجه قويه ياصلاب الروس =فيها الصغيره والكبيره
احيان تلحق جوفها متروس=واحيان تلحقها فقيره
ياعمها ياخالها القنبوس=يابنته اللي هي صغيره
فيها مطاحن واجده واضروس=والسان ماهي مستديره
عينتها في سلطنة قابوس=والشام واطراف الجزيره
المشكلة لو جاء عليها السوس=والا مطر جتها غزيره
يحرص على تصنيعها محروس=وينام وعيونه قريره
من منكم بايطلق المحبوس = يااهل المهمات الخطيره

[طالب النعماني]

احسنت يااخ عبدالله
كلام رائع وجميل
والحل توصلنا اليه ولكن ساترك الفرصه للمشاركين
سوف ارسل الحل بعد48 ساعه من الان
ورغم اني متاكد ان الشباب سوف يحلونه

[طالب النعماني]

ياهاجسي ورد حكم وادروس=لوكان شي عندك بصيره
لجل الجعيدي معدن الناموس=لي دايما صاحي ضميره
قله سالت الطبل والقمبوس=والحل ربابه صغيره

ارجوا اننا توفقنا في الحل

[عبدالله الجعيدي]

ذا صدق والا يالوفي كابوس=والا خدع هجّسك شويره
والا نسيت ان تفتح القاموس=لي فيه تاريخ الجزيره
لكن عدني ما قطعت اليوس= منّك ومن شيخ العشيره
طالب اذا ماشي مطر عالروس=يشرب كرع من عين بيره
ياصاحبي هت لي خبر ملموس =ريح لعبدالله ضميره

[شيخ القبايل.]

[B]

ما زل طالب دق في الناقوس = لكن ســـوالك فيه حـــــــيرة
هذي الاجابة لي بها الهاجــــــــــــوس =يفكر ، و ما جت في الحظيرة
علك تبا (( المزمــار )) يالمــحــــــــروس =صـنــعوه من قصـبة صغيرة
يصدح اذا ترسوه بالناخـــــــــــــــــــوس = و الشرح يضرب عالوتــــيرة !!

[/B ]

[عبدالله الجعيدي]

قال الجعيدي لغزي المدروس=بالعشق لاتربط مصيره
ولاء بلندن مرتبط والروس=مربوط باهلي في القويره
وآل العمودي وآل بامشموس=واهل المعاني والبصيره

[سبع الليل]

لغز الجعيدي ياعرب معكوس=ماشي أفتهم لي في معانيه الغزيره
السمسميه حظها منحوس=عاد المسافه بيننا ماهي قصيره

[عبدالله الجعيدي]

سهل جداً ياعيال الشيبه بندق لكم كنكم هوكذا
والقنبوس ماهو عود والا ايه ياهوين

يحرص على تصنيعها محروس=وينام وعيونه قريره

[حصن بن الشكل]

ياسلام عليك يابوسالم ودنا نشارك لكن هذا مجلس شعراء واحنا مالنا الا اننا نتمتع بهذه الأبيات الجميلة فقط ولك تحياتي يا شاعر الجعده

[طالب النعماني]

اقتباس :

الرسالة الأصلية كتبت بواسطة طالب باتيس النعماني الاخ عبدالله اعذرني لعدم المشاركه من مده طويله والسبب اني كنت مسافر في الامارات وكنت اتوقع ان الشباب قد حلوا اللغز ولكن هذا الحل نرجوا من الله التوفيق وين الجعيدي معدن الناموس=وفيين مندوب الجزيره بعطيه من عندي حكم وادروس=يفرح بها شيخ العشيره واطلقت لغز الشاعر المهجوس=لكن لازم نستشيره القيشمه من زام دق يانوس=تفتح وتقلد بالبصيره واللسانها المفتاح فيه اضروس =والله ماضنيت غيره