مساجلات الزامــــل الشعبي

[التايه]

الفين صلو علنبى عدالنجوم معنا خبر صارت منه قضيه

جاكم التايه وحملته الهموم ياسامعين الصوت ردو عليه

[صالح باعمران ابو زايد]

جات القوافي من زعيم القوم=مثل العسل صافي بغية
الساس ماكن والبناء محكوم=وركان في المبنى سوية
وذكرت حلان الدكف والكوم=واهل الحصون المعتلية
جبر الخواطر بيننا بيدوم=مادام عــمّــيت البقية

[محمد سعيد بن مخاشن]

اقتباس : المشاركة الأصلية كتبت بواسطة الطامع

يا بالكرم يا حي يا قيوم = سالك تخففها عليه هذا المقدر لي وذا المقسوم = صابر ونا نفسي رضيه يومين قدلي يا عرب محموم = والراس ملقي لي أذيه رغم الوجع ما با عذر با قوم = بنشد على أصحاب العنيه عالمخشني بنشد وعالصمصوم = طالب حسن برسل تحيه وابن العمودي ما يجيه اللوم = حبه نا عن طيب نيه لا ذا ولا هذا صبح مهزوم = ما بيننا ماشي قضيه ومن الزلل ما ظن حد معصوم = مسوى حمد خير البريه عد العرب واجب علي ملزوم = لي هم معانا في السريه قناصنا بلّغ حليه السوم = ابيات له غضه نديه والصقر لي هو عالسقيفه يحوم = له قدر جم ما هو شويه تقدير له وسط القلب مرزوم = منذ السنين الأوليه ان غاب والا قد حضر محشوم = شاعر وله همه قويه يا كم وكم عنا يصد أهجوم = قائد ببدله عسكريه وان حد نسيته من عيال القوم = برسل لك واحد هديه سلام من الطامع لكم معموم = يهل الشروع النومسيه أعداد من صلى وعد منصوم = وأعداد حروف أبجديه

يا مرحبا بالقول ذي منظوم=تعجب معانيه الجليه
يا خامعي يا هو من الإقثوم=ذي صاغ لبيات النديه
سلام لك قل له من الإحموم=بيت العليي ميت ميّه
سيبان وحمومي كما لنجوم=فوق الكواكب معتليّه
أبناء عمومه من زمان الروم=ما يفرطوا فيها الحميه

[إبن ليث الكندي]

الحقبقه ان زواملكم تبيض الوجه

[الناغوص]

ترفع للاطلاع

[أحمد العمودي أبوفيصل]

مشكور يالطامع خطاك اللوم = أسقيتني شربه هنيه
الشهر باصومه نويت الصوم = بسري معك وقت السريه
شف هرجكم لاعندنا مفهوم = من شانكم بضرب تحيه
وأن حد يبى شربه من المسموم = يقرب لاعندي شويه

[الناغوص]

سلام للغازي وشيخ القوم=مولى الشروع النومسيه
سلام مني بالقلم مرسوم=ماحن راعدفالنشيه

[الطامع]

شوني ذكركم يا خوه كل يوم = وقت المساء وقت الضحيه
والعلب لي فيه الزبد والدوم = سره مخبى في حتيه
لخبار للبكري ولا شي علوم = هاتو خبار الهاشميه
وناغوصنا مثل الجبل مصموم = حافظ حقوق المجوريه

[الطامع]

دنيا ولا لا هي لحد بتدوم = يا كم وكم فيها بليه
زادت علينا يا عرب لهموم = حتى فقدنا المرجعيه
متفنذ الظالم من المظلوم = بين البيع والمشتريه
بس المواطن لي صبح محروم = حتى حرم قوت الرعيه

[صالح باعمران ابو زايد]

مولى الصداره ما بغى لحروم=عينه على عقبة سهية
والجن قالوا يكرهون الثوم=ياللي مشيتوا عالبتية
وصْلي وفصلي من زمن معلوم=سيبان رأس العنجهية
ونشد علي في صوط باكرشوم=لو كان ما عندك درية