(((((الدان)))))

[سبع الليل]

ذي هو انظلم يشكي لمن=ماغير بايشكي لربه
قل له صبر عاد البشاره =من ذراء بيده با جني ثماره
عقب الصير يشرب لبن=من كاسها صبه بصبه
لان الهواء مابغاء قواره=من ذراء بيده باجني ثماره
العشق له معنى وفن=وله اساليبه ودربه
في الجوف باترشن حراره=من ذراء بيده باجني ثماره
قل للمحب هيا تمن=ياسلوة الخاطر وطبه
ماشفت شي منك اماره=من ذراء بيده باجني ثماره

[فراس]

وانا اشهد ياسبع الليل

[البكري]

جاتنا البشاره من دوعــن ### زال الهـم منّــي والكربـــــه
واسمي انكتب عا كل قاره ### من ذراء بيده بايجني ثماره
والاماره شفتهن يرتعـــــن ### ملـقيـات تقـفـيـز وخبــــــــه
ورعيانهن اذيــاب ونمـاره ### من ذراء بيده بايجني ثماره



البكري

[سلمان الفارسي]

واللة ماحد يهين الشعر غيرك يابيع القضب /البكرى

[عامر باتيس]

اخي سلمان ارجوك لاتجرح
مشاعر احد يعز على الجميع
لانك في هذه الحاله ترتكب خطا عظيم
وتجعل السقيفه لغرض الاستهتارات
والكلام البذي فاود منك
الا تكرر ها مره ثانيه
وشكرا

[سبع الليل]

خرج ذا فصل يالشعار=نباء نجني الثمر في هذه السمره
وانا باشهد الحظًار=علي بالعهد باقرب لكم سفره
بعد مني بعيد = وخل الوقت يوخذنا على مايشتهي ويريد
معيه جزو من لخبار=سمع مني وخذ قلبي نفذ صبره
و اهل المضلعه والدار=لقينا ساس ماقدروا على كسره
وصبينا الحديد= عيال أبليس ماخلوا لنا صادر ولا توريد

[البكري]

هلا بالسبــع والاخبـــــار ### ربطـــت الخيل في حيته مع الخبـــره
قسمــت المــال بالاعشار ### ومــول المال بايطلبــك في عشــــره
شـــف رايــــك ســــديــــد ### تجيب الهرج في حيته من مثلك فريد
#####
صبــر عاجــور بامسطــار ### يجيلــه يوم تحل في حلقــه العبـــره
هــذا جــزاءكــل ظـــــــــار ### على قبره بارصها مدره على مـدره
عـطينـــاك الوكاله والقليـد ### تصرّف عامزاجك وعمـر من جـديد
#####
فــي حــجر بــــن دغّـــــــار ### تخـرّف كل سنه بعد العصر والبكره
لا قد غـــزرة الامطـــــــــار ### بايسيــل كل وادي بسيله الى النقره
عســى الموســـم يصيـــــــد ### عالاميل بارسلــها خباري والبريـد


البكري

[سبع الليل]

عزف يالبكري المغوار =وخل الصوت يتسجل في المكره
وسمعنا صدى الاوتار=يريض هاجسي ياصاحب الفكره
تبط قل الوريد=تراء في ذا الزمن الاصلي يردونه غصب تقليد
طعمنا من دواء العطار=وبانشرب عسل من داخل الجره
عسل من شغل بوجبار=يبيعونه عيال الشيخ باصره
وصبه عالعصيد=يرد الحس في راس ويبرد خاطري تبريد
نشوف البحر بالمنظار=ونعرف صولت المركب مع البحره
وبنت العبقري في الدار=بنيه لها ثقلها طاهر حره
تخبرعالمزيد=تحصل ناس قدهم للخطوبه قاعدين قعيد

[البكري]

بافـقـعـلــك علـــى الطـــار ### وبــانـحضـر ســوا فـــي الحضـــره
وبانصلــي علـى المختـــار### الصـلاه الـواحــده لــك بها عشــره
تـنـفـعــك يــوم الوعيــــــد ### يالله عسى من صالح الاعمال نزيد
الحـلــو نــطــعــمــه قـــار ### يــارب سـالـك تصبّــرنا علـى القرّه
والبــارد عـنــــدي حـــــار ### ونجوم الربيع جـات في شـدّة الحرّه
مـن التـجــارب نستفيــــــد ### والعسـل هـو الطـب كله هـو المفيد


البكري

[كاتم-69]

اخوانى الاعزاء /سبع الليل والبكرى ارجوكم ارجوكم اشعاركم هذه لاعلاقه لها بالد ان لامن قريب ولامن بعيد
وبالطريقه هذه طرد توا كل الشعراء المميزين امثال ابونمر والوزيرى ومجمل ومعبد ومابقى غيركم لتنتهكوا حرمة الدان وتهينوه ولكن صدق المثل اذا ذهبت الاسبال يلعبن الضباء
واذا لم تستحى فاصنع ماشئت....