ياخسارة ياخسارة ياخسارة ياخسارة ياخسارة ياخسارة ياخسارة ياخسارة ياخسارة

[عبدالله الجعيدي]

اقتباس : المشاركة الأصلية كتبت بواسطة الخاتم* [ مشاهدة المشاركة ]

القصيده حلوه ومعبره عن الزمن واهله وصح لسانك

مشكور اخي الخاتم على هذا المرور وصح الله بدنك

[عبدالله الجعيدي]

اقتباس : المشاركة الأصلية كتبت بواسطة عناقيد الروح [ مشاهدة المشاركة ]

جعلت ريح كلماتك تعصف بنا يميناً و شمالاً وتناثرت حروفنا أمام بوحك المصاحب لحسك المرهف رائع العزف التي داعبت اوتار احساسنا احييك سيدي لبوحك المميز فقد نخرج للحياة بصرخة ألم وبخسارة تصرع سكون اللحظة وتمزق صمت الأركان نعلن فيها الانسلاخ من محيط الدفء والأمان ونوقع حضورنا للحياة بصوت من أعماقنا يحتوي كل هواجسنا يحتوي كل وجودنا نستقبل الحياة بنحيب مخنوق ودموع مكتومة خائفة تستعصي الظهور وعلى الرغم أننا وليدي اللحظة لم نمشي بعد دروبنا ما زلنا خدج ونحتاج لحضانة الشهور والسنين لكنها الفطرة تعلن عن تنبؤاتها سابق الريح إلى يوم الوعيد أيها النقاء وتقبل خربشتي المتواضعة من عناقيد الروح لك جل احترامي يابياض السقيفة

وانتي جعلتيني اتراقص فرحا سيدتي عناقيد الروح
لقد اعدتي لي روحي بهذه الكلمات المعبرة
فكم انا ممنون لك ويعجز لساني عن شكرك ماحييت
اتمنى ان اكون عند حسن ظنك وظن الجميع . اخيرا تقبلي تحياتي وعظيم امتناني

[الخاتم*]

ياخساره فعلا ياخساره
اذاكان هذا من الجار ولاحد يقول يالوماه
رحل وابعد من جنب هذا الجار : وقل عسى الله يهديه
لك اجمل تحياتي على اجمل الاقوال في هذه القصيده الشامله

[حسن محمد سالم باقديم]

اقتباس : المشاركة الأصلية كتبت بواسطة عبدالله الجعيدي [ مشاهدة المشاركة ]

احبتي الاكارم اتمنى ان تنال هذه الابيات استحسانكم وادري انها طويلة . والله ادري ولكن اتت هكذا . يوتيوب عمل وتصميم ( الزين يفرض نفسه ) (((( ياخسارة )))) ----------------- يا خسارة كيف خان الجار جاره يا خسارة كيف في لحظه يهدم ساس داره يا خسارة كيف يتجراء ويتخطّى جداره يا خسارة كيف من كأسه يجرّعه المرارة يا خسارة كيف يهدي له ظلام الليل ويصادر نهاره يا خسارة قصّتي قصة تعدت جار ضيّق صدر جاره يا خسارة قصّتي خوّي الشقيق اليوم شب فالجوف ناره يا خسارة بالعزيمة والاراده امتطى صهوت جواده لاجل له تتحقق الأحلام ويحقق مراده من معانتي .. لنفسه قام يبحث عن سعادة من فؤادي بعد ما مزقه حاك اكبر وساده وأي وسادة تعرفوا يا ناس وش نوع الوسادة؟؟؟ الوسادة من شراييني مطرزها ومن حزني وهمّي من عذاب القلب لوّنها ومن دمعي ودمّي نام فوق أنقاض قلبي يا خسارة عند ما اصدر قراره القرار اللي ابد ما يوم كنت أتوقعه للأسف في ثانيه وحده .. بيدّه وقّّعه نفذ الإعدام في القلب البري وبدم بارد الملاك اللي بعيني ... صار مارد صار مارد.. ياكبير كيف بس هذا يصير كيف تصبح شخص معدوم الضمير يا كبير لو ذبحني شخص ثاني غيرك أنتا ما يهم لو رماني حظّي العاثر في الهم ما يهم بس ترميني بيدك للهلاك ياملاك لا انا اسف توقعتك ملاك في حمايا ... تفتكر في يوم لما قلت لك داخل فلان من ورايا ... جاي يتجسس على حبي وعطفي والحنان ليش بس ما قلت لي من هو فلان ؟ يافلان ليش ماعلقت لو حتى بكلمة ؟ وأي كلمة ... يافلان او تبي في يوم بإيذائي تجاهر ما تخاف الله في من بات ساهر أنت .. يا من امتطيت أحساس شاعر كيف مات أحساس قلبك والمشاعر قلبك الخالي من الإحساس طالع في إجازه والإجازة للأسف يمكن تطول تقتل المقتول بيدينك وتمشي فالجنازه والجنازة دمّها مثل السيول لاتقول الطعن فالميّت حرام بعد ما حققت قصدك والمرام فالغرام كيف بإمكانك على فرشك تنام بانتظام دون ما تحلم بمن حطّمت قلبه ظلم .. وتحملت في رقبتك ذنبه ياسلام كيف تبغاني أسولف و ابتسم وانت من ثغري نزعت أحلا ابتسامة كيف تبغاني مع الناس انسجم وأنت أول من رمت قلبي على غفلة سهامه واي سهام؟؟ السهام اللي على الخافق بها ياشيخ ترمي والسيوف اللي بها لحمي مزجته هو ودمي والرماح اللي غرزت أذلاقها في كل جسمي مزّقته أرباب في لحظات وأشلاء أنت يا من فالسماء بدرك تجلا كان بإمكانك من أولها تروح قبل ما تبنى على أنقاضي صروح أو تسبب لي جروح يالذي لي كنت في الظلمات ضي بعذرك لو كنت ما تدري بشي بعذرك لو كان حي لاقاه حي بعذرك لو كانت الصدفه لكم جادت بفيّ لكن الأيام قالت عكس ذلك واثبتت لي عكس ما صاغه خيالك قول مالك تقدر انتا تنتخي وتقول مالك مستحيل للبراءه ما بيدك أي دليل بس آنا املك على غدرك دليل باختصار يمكن انسى يوم كل اللي حصل منّك وصار يمكن ان ليل الأسى والحزن يمحاه النهار بس ما بنسى معاناتي معك مادمت حي يالذي حسّبك لي شمساً وفي قول شي قول شي ... يمكن يخفف لوعتي قول شي ... يمكن يهدي روعتي ياسعيد الحظ عيش انتا سعيد واترك المعبود يهتم بالعبيد لاتزيد ما بقى فالحب لك عندي رصيد صاحبي ذاك الذي قلبه معك ياصاحبي ليتني باللي حصل بينك وبينه مادريت ليتني في حضن حد غيرك من الناس ارتميت واشتكيت حتى الي الصخر الاصم قمت اشتكيت كل يوم آبوح لك بأسرار حزني والمسرة كل يوم آموت بين أيديك مرة بعد مره كل هذا فيك ماحرّك ولاهز فيك شعرة معقول .. انك انت من صحيتني من حلم رايق معقول .. انك انت من شبّيت فالقلب الحرائق انبسط وارقص على نغمات معزوفة حزينة صاغها قلبي من آهاته ونوّتها أنينه روح ما ودي بطرف العين أشوفك لا . ولا حتى أبي الّمح طيوفك روح عن دنياي وارحل بعد ما ظلمك ستفحل يا سبب كل الجروح روح عن دنياي روح ايش تبغا من جسد مافيه روح قولها لك ألف مره.. روح ... روح خلني خفف معاناتي ولملمها بنفسي خل يومي يمكن انه قادراً ينسيني أمسي أمسي اللي مستحيل أنساه وأنسى ذكرياته هل من المقبول فيه إنسان يتناسى حياته ؟؟ الحياة اللي .. بها تدري وتعلم وأنت من قلبي معك فيها تكلّم واي كلام الكلام اللي لغيرك ما أقوّله ....قمت اقوله من صميم القلب لك وحدك فقط وانتظر طيفك متى يعلن وصوله .... من وصوله قوم فوق الحرف لك حط النقط وان تآخر ثانية موعد دخوله عن دخوله .... قلت هل نحوك بدر منّي غلط واطرق الأبواب باباّ بعد باب لجل اشكي لك همومي والعذاب يا عذاب القلب يا كل العذاب لا تقول انّك بري.. لا ... لا .. تقول لاتقول الحظ لك فكّ القفول حتى لو تحلف يمين .. العمر كله ما اصدق وأن لك بين الضلوع أي قلب ينبض ما اصدق خنتني يا من على الأسرار كنت المؤتمن بعتني بابخس ثمن يازمن اشتكي همّي وآهاتي لمن يازمن بعد ما قد خيّب الآمال من له كان عندي حسن ظن أنت يا من لك على طول التجي منك ما ودي معاناتي تجي كيف تبغاني أسوي عقب ما طفّيت ضوّي اشتكي منّك اليك ..مستحيل ارمي أهمومي عليك ..مستحيل بيع غيرك واشتريك ..مستحيل مستحيل اني انا في يوم أسامح أو أحط يدي بيدّ إنسان جارح يا الهي ... يا الهي ... يا لهي كيف هذا صار منّه ... يالهي كيف مثله بالوفاء يقدر يباهي يا الهي كيف يبغاني اصدق عذر واهي يا الهي كيف يسرق بسمة(ن) من ثغر باهي يا الهي كنت في دنياي لا هي واشتكي همي لخصمي ... يا الهي عاد شئ للغدر ناهي يا لهي يا لهي يا لهي مثل ما خابت ظنوني فيه .. لا يمكن أنا خيّب ظنونه مثل ما هو خان.. لا يمكن ابد في يوم أخونه مش على شانه .. على شاني أنا العبد الفقير كيف بسمح للذي لي صار. له مره يصير لو يطير صعب ارمي به انا في قاع بير وش يقول الناس عني لو بدر أي سؤ مني حتى لو ما كان بإخلاصي . جدير فالدروب اللي عليها سار .. لايمكن انا في يوم سير

لااظن بل اجزم وانا واثق كل الثقه ان لاخساره ولا خسران يلاف سقيفة عذب القوافي وهذا الشاعر العملاق من حلانها ومن اركانها بل من نالوا المراتب الاولى اكررها عن صدق وصراحه لاخساره علينا ولا على الشعر والموروث خساره مادام ( ابو سالم ) في اوساطنا .... تاملت وقراءة مرات عديده لقيت نفسي امام ذهول عظيم وامام عملاق اجاد السبك والحبك في قصيدته جزاله ومعاني في غاية الروعه يعرف قدر هذا الشاعر الشامخ كل من له ذائقه في الشعر والنقد انها ليست طويله بل جميله وفي غاية الجمال صبتها قريحة هذا الشاعر العملاق من قوه وموهبه لاغبار عليها القليل والقليل من يجيد مثلك لي عوده في الثناء حول متصفحك الثري باالدرر والجواهر والشعر جزيل الشكر لك والثناء لك مني