جواب بن قطمان وخالد بن قاسم على الشاعر ابوراضي

[بن قطمان]

الاخوان والاخوات الكرام
السلام عليكم ورحمة الله وبركاته
قبل عدة ايام قام الشاعر الكبير طالب النعماني ابوراضي
بتوجية قصيدة عبر هذا المنبر موجهة الى بن قاسم وبن قطمان
وبعد المشاورات بيني وبين الشاعر الكبير خالد بن قاسم
تم الاتفاق ان يكون جوابنا مشترك على بوراضي
جلسنا مع بعض وبيت من عندي وبيتين من عند بن قاسم
وبيتين من عندي وبيت من بن قاسم المهم ان نتاج تكاتفنا هذة القصيدة المشتركة
عسى ان تنال على اعجابكم وتفي بالغرض بالنسبة كاجواب على بوراضي

يامرحبا عد مانسنس نسيم البرود=واعداد برق المخيلة والمطر والرعود
لمسى يدمدم وضلا في جهامه يقود=في غيث مجهم ويتنذخ بقنفان سود
بالخط ذي قد وصلنا من بلد بن سعود=والله يعين المهاجر من عيون الحسود
بايحسدونك ولو حتى عيونك قهود=وانته على الجمر صابر والخلايق شهود
واهلك يقولون بوراضي متى بايعود=صابر على الحر في الغربة تركت البرود
ياصقر بوصيك لاميحت لارض النجود=ياحر عابر ولاشي في طريقك حدود
ولاجمارك ولاحد في دروبك جنود=شل الرسالة وبلغها لفهد الفهود
بوراضي الشهم هرجة في المقاعد نقود=له صيت من ساحل ابين لاصحاري ثمود
شاعر محنك كسبها ورث حق الجدود=واخلاق له عالية تشهد عليه الوفود
يذبح ويقدح ويكرم بالمعاني يجود=فاهم وواعي وعاده بالتعامل ودود
مرفوع راسه ومن جور الزمن ماينود=والوقت ساعة معك يصمد وساعة صدود
ساعات هيّن وساعة يلتزم بالجمود=واليوم بوصيك يالصقر القطامي وعود
سلام يبلغ لبوراضي بكادي وعود=ذي قد وصلنا كلامه فيه باقة ورود
كلام موزون للميزان قيم العمود=واليوم واجب جواب اثنين ياهل النشود
البدع يامصعبه دحرج حصا في سنود=والزرع متعب ويامسهل نهار النصود
ماشي مشوك ولا حجنا رهيفت حدود=زام البلاجيك عداء ذي تسوق الردود
ذلحين ليزر وله توجية عبر الحدود=عبر المناضير شفهم طرقوا للكبود
يالله بالعافية واطلبك يابالوجود=ترحم عبيدك ولاشي عود يصقبه عود

[من السادة]

كلمات اجبرتني على المشاركة ـ لاحساسي بصدقها
سلامي لكل الشعراء الافـــــــــــــــاضل الكرام
ولكم مني أخي العزيز / بن قطمان خالص التقدير والاحترام

[ابوشحوف]

جواب وافي وشافي شـكــ وبارك الله فيكم ـــرا لكم ... لكم مني أجمل تحية .

[بن احمد]

كلام لله دركم خالد بن قاسم وحيدره بن قطمان جواب
اروع على بدع اروع
مشكورين على هذا الابداع سلمتو ولا شي يصعب على شعار كبار
مثلكم وشرواكم

[طالب النعماني]

ياسلااااااااااااااااااااااام عليكم مبدعين واستاذه للشعرا
جواب شافي وكافي وحسب ماتوقعت الجواب جاني بارك الله فيكم وابقاكم مبدعين واساتذه لنا

[المسافر @]

مشالله جواب في غاية الروعه يستاهل بوراضي وشكرا لكم ايه المبدعين ولوتنقلون البدع في نفس الصفحه يكون اروع واسهل للجميع

[بن بريك]

ابيات في غاية الروعه يستاهل بوراضي هذا الاطراء
شكرا لكم الاخ حيدره والاخ خالد على هذا الابداع الجميل

يعطيكم العافية

[ابوشيخ الشبامي]

صح لسانك بن قطمان وبن قاسم شعار بمعنى الكلمه والله وموجه لشاعر كبير ابو راضي ربي يعطيه العافيه امين تقبلو مروري .............تحياتي لكم ابوشيخ

[بن قطمان]

اقتباس : المشاركة الأصلية كتبت بواسطة من السادة [ مشاهدة المشاركة ]

كلمات اجبرتني على المشاركة ـ لاحساسي بصدقها سلامي لكل الشعراء الافـــــــــــــــاضل الكرام ولكم مني أخي العزيز / بن قطمان خالص التقدير والاحترام

هلا والله وسهلا بالحبيب
مرورك هنا شرف عظيم يالاجودي
تقبل خالص تحياااتي

[الاشتراكي]

جواب في قمة الابداع
شاعرين كبيرين اثبتوا وجودهم في الساحه الشعريه
شكرا لكم والشكر موصول للشاعر ابوراضي