مساجلات صوت الدان الكسري

[بن قطمان]

اقتباس : المشاركة الأصلية كتبت بواسطة سبع الليل [ مشاهدة المشاركة ]

قال السبيعي بغينا كل عاصي يتوب=الله يغفر لنا لاقد كثرن الذنوب ماحد مخّلد في الدنيا ولا حد ينوب=عن حد غيره ولا فدوى ولا شي طلوب ماغير رحمه من المولى تزيل الكروب=ويهدي اهل المعاصي والفتن والحروب

صح الله لسانك شاعر كبير يالسبع تصبحون على خير مقامنا بدري

[الخاتم*]

اقتباس : المشاركة الأصلية كتبت بواسطة بن قطمان [ مشاهدة المشاركة ]

يا الخاتم* برسل سلامي بريح المسك والياسمين=وبغاه يبلغ لكم يالاخوه الحاضرين والقلب لازال يذكركم ولا بايلين=يمشي مع اليوم والليلة بطول السنين

يابن قطمان وصلني سلامك @ وعساك من السالمين

وسلامك بريح المسك وصل مع الياسمين @ وتعطر البيت منه وكل الحاضرين

ويارب تقع لقيانا قريبه في الطويله @ ولاتقع في العاليه ولافي وادي العنين

[حصن باجيف]

من جوع الشعب لازم باتقوم الشعوب=
وباتزيد المشاكل والفتن والحروب=
لاقد عيالك جواعا ماتخاف الهوب=
حتي يحرقوك ولايرجمونك بطوب=
وقرب مثل ذي بتونس ولعة فصلوب=
وكل ظالم مصيره قتل ولا هروب=

[بن قطمان]

اقتباس : المشاركة الأصلية كتبت بواسطة حصن باجيف [ مشاهدة المشاركة ]

من جوع الشعب لازم باتقوم الشعوب= وباتزيد المشاكل والفتن والحروب= لاقد عيالك جواعا ماتخاف الهوب= حتي يحرقوك ولايرجمونك بطوب= وقرب مثل ذي بتونس ولعة فصلوب= وكل ظالم مصيره قتل ولا هروب=

لله درك كلام حمران العيون ياحصن باجيف انتظر مني جواب انشاءالله

[حبيب الناس]

للأسف الشديد جاريناكم واثنينا عليكم وسلمنا ولاحد عبرنا منكم يبدو انكم لم تروقون لنا العفو منكم

[صبي العول]

اقتباس : المشاركة الأصلية كتبت بواسطة حبيب الناس [ مشاهدة المشاركة ]

حبيبكم حبكم حب زاد عا مبتغاه=ومن يحبه حبيبه هو معد بيشناه يأهل القلوب الرقيقه واهل منصب وجاه=سلام مني لكم عدما رعد في سماه وكل منشي طلع يخصب تسوقه شذاه=وسلام ثاني على اهل العلم ذيهم رواه وعلى المعلم وعا من في المحاكم قضاه=وسلام ثالث على البدوان ليهم رعاه اهل الكرم والشهامه جودهم ماكماه=يتسابقوا عالكرم كلن يمد من قداه وعلى المشايخ وبن قطمان راس النواه=والسبع ماينتسي حاشى علي مانساه

كلام لايقوله الا شاعر كبير حبيب الناس اسمر يلاجودي واعلم اني لم اشاهد هذا الكلام الا بعد تعقيبك وابشر بجودك يالاجودي
لولا تغير القافية لجاريناك ولكن السموحه وهذا منبر مفتوح وكل مايجول بخاطرك اكتبه يالنشمي فالابداع لايحتاج كتمان وانت مبدع والدليل الي امامي

[صبي العول]

وين المحبين من صوت الغنا دوب دوب=ذا صوت قد هز قلبي ياعذاب القلوب
وامسى يحرك شراييني وهز الجنوب=والشمس تشرق وساعة ذاهبه للغروب

[العائد1]

	ســــلام مرسول مني يا نسيم الهبوب بلغه حلان سد عثكل وفي روس ضوب ما نسيتهم ذكرهم عالبال دائم يلـــــوب يالله عليهم بماطر من خصيب الطهوب ويسقي احجال تروى بعد ماهي جـدوب وتقع حميمه تهيض في طوال الشحوب ويصبح النوب يجنى عالسمر والعلـوب من بعد قيضه طويله حولتها صلــــوب

[محمد سعيد بن مخاشن]

اقتباس : المشاركة الأصلية كتبت بواسطة العائد1 [ مشاهدة المشاركة ]

ســــلام مرسول مني يا نسيم الهبوب بلغه حلان سد عثكل وفي روس ضوب ما نسيتهم ذكرهم عالبال دائم يلـــــوب يالله عليهم بماطر من خصيب الطهوب ويسقي احجال تروى بعد ماهي جـدوب وتقع حميمه تهيض في طوال الشحوب ويصبح النوب يجنى عالسمر والعلـوب من بعد قيضه طويله حولتها صلــــوب

ونا مثيلك معذّب دوب سافر وجوب=
إبلاد ما هي بلادي خلّت العظم شوب=
والعمر ولّى وشمس العمر قرب الغروب=
زاد الحنين ( إفــ ) قليبي شب ناره شبوب=
وإذكرت ذيك المقاطن والحِيَل والجروب=
والنخل فيها يهيّض لا رأيته تبوب=
والمري من جنب ساس الدار ذيك الحلوب=
إتحن لا شافت المولى ضوى بالشّذوب=

[محمد سعيد بن مخاشن]

تصبحـــــون علـــــى خيـــــر