باغوزه .. شاعر

[بن احمد]

لبوك الجنه انتبه يسوون لها الاسبان لحن مكرينا ولا كماه هوذا والله انك داهيه
موتتني من الضحك ههههههههههههه بس تدري قصيده مايحتاج رزّه خلاص الشعار معاد حد بايقصد له

[عمر خريص]

اقتباس : المشاركة الأصلية كتبت بواسطة باغوزه [ مشاهدة المشاركة ]

احيان الظروف تخليك شاعر واحيان تخليك مزمر هههه بس فيه واحد صاحبي كان مدير شركه والهندي وراه بالشنطه من السياره الى المكتب والعكس .. قبل ايام شفته يبيع بليله في العزيزية . قلت له معقول يابو محمد ؟؟ قال : الظروف .. خلاص سكتت لا وبعد قال لي انا اشوا عادنا ابيع بليله بس المدير العام عارف وين ياباغوزه ؟ قلت له وين ؟؟ قال شفت الرجال هذاك اللي لابس البنطلون الاحمر والفلينه بو عسكري ؟؟؟؟ قلت له ايوه شفته قال هذاك بو علي المدير العام .. طيب ايش يعمل ؟؟ قال يؤجر خيول يدور بالاطفال من عند البوفيه الى البحر بخمسه ريال ومخلي المسجل صوته يسمعونه من ابقيق .. قلت له وليه كذا قال ظروف ... المهم خلونا فى الموضوع والحمد لله ان الظروف جات على ( شاعر ) ولا جات على شي ثاني هذه الكلمات المتواضعة كلمات اخوكم الزعيم المحشاشي ( باغوزه ) بعنوان : كلام الناس كلام الناس : من كلمات صلاح باغوزه ( جديد ) من قال لك انى متيم في هواك @ من قال لك انه يهون علي واتوسل رضـــــاك لا والنبي ماينحني راسي .. ويعلم الدانى مع القاصي . انى عزيز النفس ما جي لك لو انته آخر النــــــــاس . ماعذر مايجي يوم باتعرف خطاك @ وتعرف انك كنت تتوهم بان ماحد ســـــواك من انت حتى تهدم اسواسي .. وتحط راسك جنب من راسي . اصحا وشف من انت لاتغفل وقم عوذ من الوسواس . لي صورو لك انني حبك وبــــــاك @ ذلا كلام الناس لي هم طبلوا لك من وراك ماينتقص عزمي ولا باسي .. عزوتي في اهلي وفي ناسي نا مجد سالم بن عبود اللي حكمها لا حدود لــــدواس . رح حيت مابتروح توك في خلاك @ لاتحسب اني يوم بااتنــــــــدم وباتتبّـع خطاك مرفوع راسي بين جلاسي .. ما با دحق عزتي بمداسي لو ينطبقن السبع لو صابعك تولع شمع في الاعراس . ارجوا ان تنال رضاكم واعجابكم وان شي نقد او انتقاد راضي به .

حياك الله اخي صلاح
والله بالصراحة اعلانك عن شاعريتك في وقت متاخر خطوة جريئة
واصدقك القول باني افتكرت ان النص للشاعر جمعان بامطرف رحمه الله ..

ولكن قبل التعديلات ايقنت ان النص لك ..يعني ياصلاح ملامح غيليه .. وفي الغيل شعراء كبار يحق لك ان تتاثر بهم .. بداية موفقة باذن الله ..

[سالم علي الجرو]

أنا في نفسي بغيت اعرف ليه حليلة با غوزة ما تجي الا بعد كلّ نصف عقد من الزّمن؟ الرجال شاعر ما فيها كلام وملحّم ومطرب وأديب ، له كلام في الحب تقشعرّ منه الأبدان ، وكلّ هذا ولا تسمع له حس ولا صوت ويجي مثل نجم هالي بعد كل 76 سنة بدعوى انّه مشغول .
هذا بغى رصان فوق كرسي اعتراف حتّى نستخرج ما بداخله والحبل عندي ، والرّصان من تجاربه اللي حفظناها عن ظهر قلب:

اقتباس : المشاركة الأصلية كتبت بواسطة باغوزه [ مشاهدة المشاركة ]

اقتباس : عبدالله ؟ مسيت .. الساعه 5 وانا جالس على الكمبيوتر الى الساعه 7 نرعى مصالح الناس ونتتبع قضاياهم . آآآآآآآآه مو مثلك نائم وتحلم بجمانه .. تصدق عشان اصحى الساعه 5 كل يوم جبت ساعه منّبهة وتخربت جبت الثانيه وتخربت جبت ساعة وريس وتخربت جبت منحاز نحاس وتكسر .. آخرتها وبعد ما استنفذت كل السبل اشتريت ديك والساعه 5 الا دقيقه تسمع صوته من جعيمه .. ولا توقيت ولا باترى وراصنه عند راسي .. هكذا حال المحبين

يخاطب عبد الله الجعيدي في:

04-02-2005, 03:48 PM

مفتكرها لعبة ، نحن نحتفظ بكلّ زين وكلّ شي في وقته حلو ، وما له الاّ هكذا حتى يعرف نفسه هذا الآدمي.
مع جزيل التّحيّة وقبلات أيضا عبر الأثير

[طه الحسين]

مشكور وتقبل احترامي ودمت بخير

[باغوزه]

اقتباس : المشاركة الأصلية كتبت بواسطة ابو محمد الشحري [ مشاهدة المشاركة ]

حياك الله اخي صلاح والله بالصراحة اعلانك عن شاعريتك في وقت متاخر خطوة جريئة واصدقك القول باني افتكرت ان النص للشاعر جمعان بامطرف رحمه الله .. ولكن قبل التعديلات ايقنت ان النص لك ..يعني ياصلاح ملامح غيليه .. وفي الغيل شعراء كبار يحق لك ان تتاثر بهم .. بداية موفقة باذن الله ..

ابو محمد الشحري
ايها العزيز الغالي والصديق المفقود في الارض والموجود في قلوبنا
اشكرك جزيل الشكر على اطرائك واشادتك بالقصيدة الغنائية
تشبيهك للقصيدة بشاعرية الشاعر الراحل / جمعان بامطرف شرف عظيم لي ويكفيني فخرا ولكن باغوزه لايعد الا اقل من تلميذ لجمعان بامطرف وتقدر تقول انه يعتبر نفسه عند جمعان بامطرف مثل الاولاد الصغار اللي لايدرسون ويشرفون من الخلفه ( الشباك ) على التلاميذ في الفصل . يعنى حتى كلمة تلميذ لاتنطبق عليهم .
شكرا لك جزيلا ومرورك اسعدني جدا
فتقبل خالص تحياتي وجل احترامي عزيزي الكريم

[باغوزه]

اقتباس : المشاركة الأصلية كتبت بواسطة صمت المشاعر [ مشاهدة المشاركة ]

أنا في نفسي بغيت اعرف ليه حليلة با غوزة ما تجي الا بعد كلّ نصف عقد من الزّمن؟ الرجال شاعر ما فيها كلام وملحّم ومطرب وأديب ، له كلام في الحب تقشعرّ منه الأبدان ، وكلّ هذا ولا تسمع له حس ولا صوت ويجي مثل نجم هالي بعد كل 76 سنة بدعوى انّه مشغول . هذا بغى رصان فوق كرسي اعتراف حتّى نستخرج ما بداخله والحبل عندي ، والرّصان من تجاربه اللي حفظناها عن ظهر قلب: يخاطب عبد الله الجعيدي في: 04-02-2005, 03:48 PM اقتباس : اقتباس : المشاركة الأصلية كتبت بواسطة باغوزه [ مشاهدة المشاركة ] اقتباس : عبدالله ؟ مسيت .. الساعه 5 وانا جالس على الكمبيوتر الى الساعه 7 نرعى مصالح الناس ونتتبع قضاياهم . آآآآآآآآه مو مثلك نائم وتحلم بجمانه .. تصدق عشان اصحى الساعه 5 كل يوم جبت ساعه منّبهة وتخربت جبت الثانيه وتخربت جبت ساعة وريس وتخربت جبت منحاز نحاس وتكسر .. آخرتها وبعد ما استنفذت كل السبل اشتريت ديك والساعه 5 الا دقيقه تسمع صوته من جعيمه .. ولا توقيت ولا باترى وراصنه عند راسي .. هكذا حال المحبين مفتكرها لعبة ، نحن نحتفظ بكلّ زين وكلّ شي في وقته حلو ، وما له الاّ هكذا حتى يعرف نفسه هذا الآدمي. مع جزيل التّحيّة وقبلات أيضا عبر الأثير

آآآآآه منك انته . كنت نائم وصحيت الساعه 11 في الليل واطالع تليفوني الا وفيه 108 مكالمات ( لم يرد عليها ) 48 مكالمه من شخص واحد والباقيه متفرقه. انشغل بالي من صاحب الـ 48 مكالمه قلت ادق عليه اشوف ايش عنده ؟؟؟
عارف ايش قال لي ؟؟؟ واقسم بالله قال لي : لا كنت بسألك ان كان شي وظيفه عندكم ؟؟ قلت له فجعتنا لبوك فجعه . ليش شايفنا اشتغل في ديوان الخدمه المدنيه ؟ تتصل بي 48 مكالمه قلت خاف امك ماتت ؟؟ والا سقطت على كور بوك طوبه مقاس 58×46 سم ؟ والا الطوفان رجع لساه؟؟ والا حبابتك صرطت لسانها ؟؟ ماشي شغل وخاصة انته بالذات ماشي شغل لك ولا حد بايشغلك يامسبوب يامعلول .. امس عادك الا توصف على حبابتك تقول لها صلاح بايعرس في قريو .. منين نعرف قريو يالهلاس . لبوك قاري يسحبله من سدة العيدروس لمان تبالى . رح نم لا ابوك لابو اللى بايشغلك ياسربوت ... وصكرت فى وجهه . 48 مكالمة ؟؟؟ لوها 46 بانقول ماعليش لكنها ثمانية واربعون مكالمة .
المهم نرجع لمحور حديثنا :
اسمع يااخي لاتتوقع شي قصيده جديده مني الا في الخريف سنة 2024 بمناسبة مهرجان صلاله تو من ذلحين باقول لك وكل قصيده ولها ظروفها وبناكسها .
وشكرا لانك تبحث عن القديم وتحتفظ به وان دل على شي فانما يدل على تواجدنا في قلبك الكبير دائما كما انت دائما على البال وفي القلب .
صبر صبر صبر .. صاحبنا يتصل بايكمل 50 مكالمه . وشفنا مابارد عليه ابدا لانى لو رديت عليه بسري له لمان الجبيل وبزرت له قدام حبابته وبدخل لابوه في غرفته وباشل البطانيه من فوقه وباقول له ياولدك تؤدبه وترصنه عندك والا والله باسير سيره فى بطنه ياحرامية الغنم . كل يوم تسرقون غنم ياريتكم قلتوا بانرسل ثمين لباغوزه ياسرابيت .
المهم وقت ثانى باكمل كلامي ذلحين معصب وطلع الضغط علي ومع السلامه ومشكور
هاتى الحبوب حق الضغط والسكر والشقيقه يابنيه

[باغوزه]

اقتباس : المشاركة الأصلية كتبت بواسطة طه الحسين [ مشاهدة المشاركة ]

مشكور وتقبل احترامي ودمت بخير

طه الحسين
اشكرك يااخي الكريم لمرورك وتحياتك الخالصة
تقبل كل احترامي وتقديري
حفظك ربي

[الماسه*]

ههههههه متعه لاتضاهيها متعه وجدتها في قراءة ردودك..المعذره على التطفل..بس لازم تحصن نفسك من اليوم وطالع اصلا صرنا غيرانين منك يعني صرت شاعر وتنافسنا وكمان فنان بايغني لك قصيدتك!!! كل هذا في يوم واحد؟؟!!. لالالالا لا هذي شي صعب علينا كثيييييييير.

[باغوزه]

شكرا من الاعماق اختى الماسه*
انا قعدت ساعه ادور على النجمه * عارفك تترصدين اسم باغوزه واقسم انى عارف انك راح تشاركين من جديد
الرد مستحيل يفوتك . بس اهم شي انك ابتسمتى وضحكتي
شوفي كيف تنتزع الابتسامه
باقول لك شي ليش الواحد يعرف نكته ولما يقولها فى خاطره مايضحك بس لما يقولها للناس هو بنفسه يموت من الضحك
هكذا حالي انا لما ارى انكم مستانسين نستأنس معكم مع الاعتذار لـ سيف ( مسلسل شر النفوس )
من بكره باسوي لي نجمه كما حقتك باغوزه* تذكرنا بعلامة الجودة ( ماركه مسجله )
حفظك ربي اختى والله يوفقك على الدوام

[أبوعمر العمودي]

ماشاالله ياباغوزه كلام ؟؟؟؟؟؟؟؟؟ باشلها قبل ميشلها اراضي هههههههههه موفق ايوه منه هذا الثقيل