مساجلات الزامــــل الشعبي

[عمر الذيب]

عمر الذيب

هذه السنه غاثة وبرقة وارعدت=يابلكرم تسقي مطارح مسنتين
يالمخشني القناص عينه خيلت=روس الشعاب المبعدين المفرعين
من كل جهه يمطر علينا غيمت =يالله بلطفك يالطيف اللاطفين
والسقف والعيدان فوقي قضقضت=فزعان لاتصبح على راسي عكين
يوم القبائل كلبوها تقبضت=في كنداليزا بعد ماهب ليينين
والتاليه من حيث ماسرحت ضوت=يالله بعونك يامعين الصابرين

[القنّاص]

اقتباس : المشاركة الأصلية كتبت بواسطة المخشني

شف رحمة الله يا رفيقي قرّبت=واليأس ما هو من خصال المؤمنين بس بندقك نزّله من وسْـط الكبت=خله على كتفك برنتي كل حين برنتي = جاهز محمد بن سعيد بن مخـاشــن

ماليوم انا شيبه شعر راسي يحت = والزمن ياخوك طحن عظمي طحين
ماغير ذا البلجيك عاكتفي حنت = من جا عالمشواف صبح موته يقين

[القنّاص]

اقتباس : المشاركة الأصلية كتبت بواسطة عمر الذيب

عمر الذيب هذه السنه غاثة وبرقة وارعدت=يابلكرم تسقي مطارح مسنتين يالمخشني القناص عينه خيلت=روس الشعاب المبعدين المفرعين من كل جهه يمطر علينا غيمت =يالله بلطفك يالطيف اللاطفين والسقف والعيدان فوقي قضقضت=فزعان لاتصبح على راسي عكين يوم القبائل كلبوها تقبضت=في كنداليزا بعد ماهب ليينين والتاليه من حيث ماسرحت ضوت=يالله بعونك يامعين الصابرين

حيا رحب بالذيب غيوثه ابعدت = والغيث لي خيل بخيله والعنين
منشي وله بارق مطاره قربت = عالنجد مسا يمطر شل نخله وطين
بالشال ياذيبي ناس تعممت = والثوب لي مسبل طرافه قاصين

[محمد سعيد بن مخاشن]

اقتباس : المشاركة الأصلية كتبت بواسطة عمر الذيب

عمر الذيب هذه السنه غاثة وبرقة وارعدت=يابلكرم تسقي مطارح مسنتين يالمخشني القناص عينه خيلت=روس الشعاب المبعدين المفرعين من كل جهه يمطر علينا غيمت =يالله بلطفك يالطيف اللاطفين والسقف والعيدان فوقي قضقضت=فزعان لاتصبح على راسي عكين يوم القبائل كلبوها تقبضت=في كنداليزا بعد ماهب ليينين والتاليه من حيث ماسرحت ضوت=يالله بعونك يامعين الصابرين

قد ناد رأسي والحيود إتنودت=في الغار لسود مسكني ما إبني بطين
لو أمطرت يا الذيب مهما أمطرت=ما أهمر صبيب المزن لو شل العدين
خل القبايل كل أبوها أفلست=علي بنفسي ما علي بالباقيين
دام النسم يجري في الحلقوم هت=ما عندهم مغضوبهم والضالين
وسودة المدحس بظني إنهرت=قد ولـّــعت ما بينها هي والـ ( بتين )
وعيونها يا صاحبي ما أغمضت=يوم المجوسي يطحن الدنيا طحين
ومنهم لثنين شف نفسي غثت=لكن عسى العقرب يخزوقها الضبين
والكوري إللي له زنود إتفرتت=يا الله عسى يقطع لها عرق الوتين

بتـيــن = بوتين

محمد بن سعيد بن مخـاشــن

[القنّاص]

باهني الغازي قوالة ترجمت = بحروف من صافي زخرفها لجين
بايفصل الدعوى يوم تاخرت = والمتقي عاصي مع ابليس اللعين
الذيب ناصحني وازماني طغت = ماحد ردع عمي ولا حد بايعين
والمخشني عالم ولكنه سكت = والهاشمي وينك يالحصن الزبين
دعوه لبن هاشم خذ منه وهت = اقوال له تعجب بن هاشم فطين
والمعتصم وينه ولعت واجمرت = دركاه يامجمل قرونك حانيين

[النحوي]

صح الله السنتكم ياشباب
ويعطيكم الف الف عافيـــــــة

الغازي
القناص
المخشني
الذيب

[أحمد العمودي أبوفيصل]

يارب يارحمن مالليله ستر = أستر على عبادك ليهم في أمان
اليوم مالعصارشفته يعتصر = ليهو بداء يعصر في ساحل عمان
الله يساعدهم ليهم في خطر = والله يرفع عنهم هذا الكيان
الله يسلمنا ويسلم البشر = هذا شي مروع يزلزل بألمكان
هذا عذاب الله لي جانا يحر = سبحانه الرحمن خلاق الجنان

[طالب النعماني]

ياسلام عليكم ياشباب
ابدعتوا واحسنتوا الابداع

[النحوي]

اقتباس : المشاركة الأصلية كتبت بواسطة الغازي 2007

يارب يارحمن مالليله ستر = أستر على عبادك ليهم في أمان اليوم مالعصارشفته يعتصر = ليهو بداء يعصر في ساحل عمان الله يساعدهم ليهم في خطر = والله يرفع عنهم هذا الكيان الله يسلمنا ويسلم البشر = هذا شي مروع يزلزل بألمكان هذا عذاب الله لي جانا يحر = سبحانه الرحمن خلاق الجنان

صح الله لسانك اخي الغازي
والله يحفظ المسلمين وأوطانهم من كل شر

[طالب النعماني]

بارك الله فيك اخي النحوي وكثر من امثالك