بعد الصوانين روبه

**سبع الليل** · 02-25-2016, 11:13 AM

اقتباس : المشاركة الأصلية كتبت بواسطة تاج العليب فؤاد باطويح [ مشاهدة المشاركة ]

ماكنه ماكنه صح لسانك

بارك الله فيك

الله يبارك فيك اخي فؤاد وشكرا على المرور يالنشمي عزيز وغالي
الف شكر لك

**شهد الملكه** · 02-25-2016, 06:28 PM

اقتباس : المشاركة الأصلية كتبت بواسطة سبع الليل [ مشاهدة المشاركة ]

بعد الصوانين روبه

ذا فصل والثاني بروق الحزم خف ورعودها= والغيث قبّل والسماء صفيت وخفين الرعود
يأهل المعاول رسّموا روس الجِرب وحدودها=والجِربه الزينه تباء تمكون زايد في الحــدود
وأم الـلبــن حامــوا عليها تمـمـوا مقــصودها=ما باتـريــض العاقله لا ما تــتمــمــن القصود
يا رايدين الجـود قــومــوا عالــوفاء بعـهـودها=ما يخلفون العهد غير الناس ذي مالهم عهود
أما الرجـــاجيـــل الفهيمه عـــدّهم بأســـودها=ذي في الوغاء ما خلّفـوا غير النماره والأسود
يكــفـي كفانــا مهــزله ومتــاجـره بشهــودها=ذي يشهدوا عالزور والباطل ترى ماهم شهود
لو لا الخـــيانه والرذاله ما أنقــطـف عنقودها=ولا قــدر بوزيـــد يــتحـــكّم ويلعب بالعـقـود
قــم ياعلي ســـالم ورقّــع ساســها وربـــودها=خليـــتها تُربه همل مالقـيـت رزحه عالربـود
واليـــوم نحــنا لي نــكــالف حــرها وكبودها=القـــهـر فيــنا والنـكـد فيـــنا وحرقـات الكبـود
كل ما تمـــنيـــته لحقــتـه كنــزها ونـقــودها=وقــفــيــت في سود الليالي بعد قحماش النقود
ما حد بنا غيرك ولا حد لي قضى عاجنودها=في بير عوراء غيبت بجنود من خير الجنود
وكملّــتـها باأبليــس جبــته عالحسر وحيودها=وتحطرموا وسط المدن والقواعساكر عالحيود
وجـــاء حنــا بعدك ولد منصور شب وقودها=وكــمّــل البـــاقي وخــــلاها مـــيافي للوقــود
الحاصل ان نحنا ضحية غيث هد مجهودها=لا هي لنا تــمّــت ولا هي لـلنــصارى واليهود
أربع فـرق فيهـا وكل فرقه تـخـب بوفـودها=والخــامسه تــغـــدق وتبــذل بالهــدايا للـوفـود
والتاليه ماشي مفــر من بويمــن وعبــودها=وأليّ تــبــونه صعـب جـم مادام يتــنـفس عبود
وتمقــدشي وتحــلحــلي وتـوســلي بحمودها=وتقـعودي والدعـوشي مامِحسن الأ من حمود

صح لسانك يا سبع الليل على هذه الدُره الثمينه .
لاعدمناك اليوم ودوم أيؤها المُبدع المتابع للحدث .
تقبل مروري وجُل تقديري لإبداعك ولشخصك الكريم .