يطيح جفن الليل وأهز كتفه

[صوت الجنوب]

مما قرأت للشاعر صاحب السمو الملكي الأمير بدر بن عبدالمحسن بن عبدالعزيز

يطيح جفن الليل وأهز كتفه = نجم يفز وباقي الليل مطفي
واحاكي الجدران عن مثل غرفه = ما تشبه الجدران ويطول وصفي
وتثاوب الجدران وأظهر بشرفه = تحت السماء.. وأسكر الباب خلفي
ريح تهب وتسكن العظم رجفه = وتغيب ريح وتسكن أغصان نزفي
فوق الفيافي تهطل دموع وطفه = وتصب لمع بروقها وسط طرفي
يا طاري الغدران والعمر رشفه = مع قلها .. يا ليتها يوم تصفي
ليت الشوارع تجمع أثنين صدفه = لا صار شباك المواعيد مجفي
الحب واجد .. ميرالاقدار صلفه = والأرض واجد .. لكن العزم منفي
واللي اعرفه راح ماني ب عرفه = ولا أظن يذكرني ليا قبلت مقفي
ماهو حبيبي مورد القلب حتفه = ولا هو حبيبي يفرح بوقت ضعفي
مرٍ ثمر هالليل وامر قطفه = يالحنظل اللي صرت أذوقه بكفي
هذا وتو الليل ماراح نصفه = ياليل بعض اللي مضى منك يكفي

وتجدون بالأسفل القصيدة بصوت الشاعر :

[الأرقط]

شـكــ وبارك الله فيك ـــرا لك ... لك مني أجمل تحية .

[صوت الجنوب]

اقتباس : المشاركة الأصلية كتبت بواسطة الأرقط [ مشاهدة المشاركة ]

شـكــ وبارك الله فيك ـــرا لك ... لك مني أجمل تحية .

ولك مني كل التقدير والإحترام ...