لو قلت لك ما اشتقت لك ( كل المشاعر ذي لمن؟)

[احمد شهاب]

من بريدى // جزاء الله من ارسلها لى كل خير.

مما راق لي اتمنى ان تنال اعجابكم

أمس العصر شفتك على بوابـة الماضـي المجيـد
ترسـم ملامـح فوضويـة شاعـر وروح وبـدن!
وحدك وفيك مـن الثـلاث اللـي تمناهـا السعيـد
الماء والخضره وثالثها انت يـا الوجـه الحسـن
لو قلت لك مشتاق لك ما جبت لـي شـيءٍ جديـد
ولو قلت لك ما اشتقت لك ( كل المشاعر ذي لمن؟)
بغداد لو تنكـر ملامـح وجـه هـارون الرشيـد
في وجهها باقي من اثـاره ميـة قصـر وحصـن
يا اللي غديت ابعد قريب وكنت لـي اقـرب بعيـد
صدقني اني رغم كل اللي حصل مـا كنـت أظـن!
انك تكون اكبر من الحرمـان فـي وجـه الشريـد
وابخل علي من الفرح واقسى علي مـن الزمـن!
شفتك وموج الذكريات اغـرى مجاديـف القصيـد
وابحرت ادور فيك عن منفـى وضيعـت الوطـن
المشكل انـي كـل مـا غامـرت والغبـه تزيـد
وان الوطن ماهو وطـن لا زال والمنفـى سجـن
ابحرت بك من شاطىء الشريان لاعمـاق الوريـد
وابحرت بي في غبة النسيـان واحرقـت السفـن
والهجر في عينك رسالـه والنظـر ساعـي بريـد
والرمز والعنوان في ظرفين مـن رمـش وجفـن
ما فيه داعـي للكـلام العيـن قالـت مـا تريـد
والصمت خير من الكلام اللـي بـلا سعـر وثمـن
وحيد جيـت مـن العـدم واغـادر الدنيـا وحيـد
حتى لـو احبابـي كثيـر نهايتـي قبـر وكفـن
يا رب انا عبدك وابن عبـدك مثـل باقـي العبيـد
خلقت لي عقـل ولسـان وقلـب يشتـاق ويحـن
والقلب من مضغه خلقته مـا خلقتـه مـن حديـد
يشعـر ويتكـلـم ويتـألـم ويلـتـاع ويـئـن