x-**^**-x بدو حنا بدو x-**^**-x

[سـبــ الكون ــــاع]

البارحة كلمتني بنت مبليه = معاملتها صراحه معي تعبانه
قالت سلام وقلت اهلين يابنيه = قالت بغيت البنات وقلت غلطانه
قالت بلاش دلع ورح ناد بدريه = وان كان هي نايمه صوت لسلطانه
قلت بصراحه ترانا عزوبيه = والكل منا يابنت الناس في شانه
قالت بغيت اسولف اذا تسمح شويه= انا قبل اتصلبك كنت طفشانه
قلت اهرجي زين وصفي النيه = وانا بسولف علاك بنية زانه
قالت بنشدك وش بعد سوريه = والهند كانك ذكي وش كثر سكانه
قلت بصراحه ماعرف الى البجاديه = واعرف من حد مكه لين غيلانه
قالت تحب قلت احب اللي حوليه = واحب ربي واحب الكنق واخوانه
واحب ديني واحب ارضي السعوديه = محبتن ماعطاها الخل خلانه
قالت بضحكه ورا اخلاقك تجاريه = اصلا انا يوم اسولف معك خسرانه
وانت بدوي ما تعرف الرومنسيه = وكل بدويا حايته مالها خانه
قلت اسمعي يابنت ان كنتي طبيعيه = والظاهر انك يابنت الناس سكرانه
انا بدوي ماحنيت الراس موليه = الا لربي عزيز الجاه سبحانه
حنا بدو بدو وان ثارت الهيه = نثبت لياخالط البارود دخانه
حنا بدو بدو دايم نارنا حيه = نزعل ليا صكر راعي البيت بيبانه
حنا بدو بدو ليا كوينا ننضج الكيه = يفرحبنا اللي غدا ذوده وحيرانه
ياللي تقولين بدو اقول يا بنيه = الاصل حنا وعز الدين لابدى شانه

منقوووول

[المعطل]

أولاً أهلاً وسهلاً بك في منتدانا
ضيفاً عزيز ..


نرجو ان تكون عضواً فعال في هذا الصرح الشامخ
وان تفيد وتستفيد ..

وشكراً جزيلاً على نقل
هذه الكلمات الجميله

تقبل خالص
تحياتي

[طالب النعماني]

بارك الله فيك اخي سباع الكون
وبلرك الله في قائل القصيده الرائعه

[سـبــ الكون ــــاع]

مشكورين اخي المعطل وطالب على مروركم الكريم

[مرعي بن سميدع **]

ماقصرت ياسباع الكون كلااااااام جميل ونقل موفق رجاء التوظيح من القائل

[صالح يسلم بن غانم]

تسلم اخوي سباع الكون على نقل هذا القصيده الجميله