من انفصالي من ومنهو وحدوي

[عمر الذيب]

ابني خلقه الله بنادم فوضوي=يسال عن اليسره ويسال عاليمين
الانفصالي من ومين الوحدوي=ومن قاتل السواح والمستا منين
القاعده والا الفريق السلطوي=والا هم الحوتيه المتسيطرين
والا من الخارج اتو من هانوي=والا عرب ضد اليمن متامرين
ان جيت باجاوب لساني يلتوي=حق خوف من سالم وايضا سالمين
هل قع مع نجاد والا الموسوي=اوقع وسط واصمت مثيل الصامتين
هل قع وسط والا بنادم دموي=مثل النتنياهو وباراك اللعين
سويت لي مخرج على ابني يحتوي=اني انا العاقل وسيد العارفين
عود سالني سؤال اقوى من قوي=يابوي هل ماتو العرب والمسلمين
جوبت لا كلا وجم ما هم شوي=زايد على المليار لي هم جاهزين
لي عالمدافع والسلاح النووي =تحت الطلب بيجوك كل لحظه وحين
جوب علي يابوي منته تربوي=لما تعلمني الصراحه واليقين
القدس محتله وغزه تشتوي =وتقولي مليار ليهم حاضرين
هل يعقل ان القدس صفحة تنطوي=في يد حاخام اليهود الغاصين
ان تم هذا جيلكم ماهو سوي=بين التامر والخيانه عائشين
جيل التامر والخداع البوشوي=واليوم لوباما تعيشو خاضعين
والهرجكم ماشي صدى ولا دوي=للبيت لسود كلكم مستسلمين
ماتستوي الاجيال لا ما تستوي=اقل شي تمو عليها محافظين
لاتسلمون القدس ياجيل الاوي=ياجيل ما خذتو دواما بائعين
لابد ياتي جيل مسلم وحدوي=فيه الرجال الا تقياء والصالحين
وترابها وتراب غزه يرتوي=من دم عربي حر دم المخلصين
لابد لاسرائيلكم ماتنكوي=ابيدنا وبعون رب العالمين