قصــيدة فتااة غلطاانه برقم التلفوون...؟

[abusalema]

--------------------------------------------------------------------------------



قصيدة فتاة غلطانه برقم التلفون ؟؟؟ --------------------------------------------------------------------------------





البشـر فـي الاتصـالات يخـطـون
يخطون واخطي.. عذرنا هاتف فلان؟؟
ومن عادتي ماهتـمّ باللـي يقولـون
من غلط في رقمي .لقى الردّ غلطـان
الين جااء فـي يـوم ..دق ّ التلفـون
شفت الرقم.. لقيتـه اشكـال والـوان
فتحت جوّالـي ابعـرف مـن يكـون
سمعـت صـوتٍ فيـه بحّـه وفتّـان

قالت لي: انت سعود؟ قلت: ايه بالعون.
لعيونك.. اسمي سعود لو كان ضيـدان
قالت :اتظنّي مخطئه. قلت :وشلـون؟؟
قلبي توقّـف مانبـض فيـه شريـان
بالهـون يابنـت الاجاويـد بالهـون
من عادة الانسـان يرتـاح لانسـان
تسمّعـي يابنـت وابليـس ملـعـون
اخذي كلام ٍ مصـدره صـدق وجـدان

ماني بقايل لك: انـا انسـان مزيـون
اطرق ولاله شبه في الانـس والجـان
انا محمّـد.. وافـي الهـرج مـوزون
اوزن كلامي.. قبـل اقولـه بميـزان
وانا الّـذي لاحـبّ ..لايمكـن يخـون
مخلص مدامه حيّ .ويمـوت ماخـان
وانـا اذا حبّيـت.. حبّيـت بجـنـون
حبّـي يفجـر داخلـي الـف بركـان
وانا الّذي ماطـرد ورى مـن يقفّـون
من صدّ عنّي عمد.. بجزيـه حقـران
هذي وصوفي .واكثرالنّـاس يشـرون
وانتي عليـك اليـوم تقديـر الاثمـان

قالت :اشوفك قمـت يامحمـد تمـون
تضحـك وضحكتهـا تقاسيـم فنّـان
قلت :الميانه.. ماهي بضحكة سنـون
احيـان ماتلقينهـاا بيـن الاخــوان
ترى الميانه شيّ واضـح ومضمـون
اذا اجتمع شخصين.. في قلب ولسـان

قالت :كلامك وافـي ٍ يابـن خلـدون
احيان احسّ ان جلستك بيـن شيبـان
يامحمد .اسمع كلمة البنـت ميسـون
اسلوبك ووقتك.. مضت دونها ازمـان
هـذا زمـن قدواتـه افـلام كرتـون
وهذا زمان ارجالـه اجسـاد وابـدان
قالت.. وغنّت لي على وقتـي لحـون
قلت: اسكتي من بعد ماخاطري شـان
انا ادري ان الوقت.. من دون في دون
لكن فمان الله وانـس ِ اللـذي كـان

قلته وانا صامل.. وهي عندهـا آذون
لكنّـهـا ماصـدّقـت سـمـع الاذاان
ضاقت ...وخلـق الله دايـم يضيقـون
وانا قفلـت الخطّ..ضايـق وزعـلان
ونسيت.. والاجواد في الوقت ينسـون
ماسـمّـي الانـسـان الاّ بنسـيـان

المشكله..بنـات حــوّا مايسـلـون
دقّت علي وانـا لهـا شبـه شفقـان
قبل آآتكلّم.. قالت: اسمـع ولاتهـون
اسمي مهو ميسون.. حان الصدق حان
الاسم عمشاء وآخر الجـدّ مصيـون
مهـره ولا طوّعـت بلجـام وعنـان
قلت: ارحبي مليون تضـرب بمليـون
اقولها مليـون مـن قلـب ولسـان
قلت: ارحبي في العين ..ولحافك جفون
وظلالك من الشمس باهداب الاعيـان
ياعيـن حـر ٍ بالمطاليـع مفـتـون
حر ٍ شـراه مولّـع الصيـد طربـان

[الفارس الهاشمي]

مشكووووووووور يامحمد ...
تسلم وصحت لسانك ....

[غازي عمر بن مهناء]

رحب رحب يابوسالم
تستاهل هذا
كل هذا وهي غلطة تليفون بس؟
وش لون لو تمشي انت بالشارع واشتبهت بك
وضربت ظهرك برؤس الاصابع
وقالت انت سعود؟
بعد ان تلتفت لها ماذا انت قايل؟
اه لوتصور هذا الموقف لو ببيتين على شاكلة ماسبق
عظيم شكري للافكار الراقيه والتصوير الحي
كلمات عذبه 0وكما قالو ماتحرق النار الارجل واطيها
تحياتي اخوك غازي