07-25-2004, 11:32 AM | #1 | ||||||
بــــوجــــمــــعـــــان
|
عجائب الزمن
ذا فصل والثاني نظرنا للقرون الماضيه=لكن هذا القرن لي عشناه من خس القرون
المشاكل فيه كثرت وألفعال الدانيـــه=وأهل المصالح والرشاوي عاالعرب يتحيلون بسأل وبتخبر على اصحاب النفوس الصافيه=واهل الشرف والقدر والناموس والناس الزيون قالوا سكت مااليوم لاتهدف حبالك باليه=وين المعزه والشرف والقدر لي به يعتزون باعوا ضمايرهم وعابوا في قيمنا الساميه=جملت عصابه كلهم وسط المداره يزفنون عالعاصمه برقت ورعدت عالجبال العاليه=والسيل يدري بالسواقي والرواعي يشتكون سيلين باتقبل وموزعنا حصاته فاهيه=العبر باتسقط ولي هم في الوديعه يرقلون ماشي كمت التمكون والقوه شرعه وافيه=اربع ميه لافكروا في الغزو مابايقدرون وان وقعت البيعه تحذر من عيال الباديه=بايقنصون الوعل لي كبرت ضلوعه والقرون والشيخ ماله عذر بيقع له كما باعافيه=مثنات حفره بايخلونه يبرهص بالعيــون شله تشله لي تركنا في الضوف القاسيه=واهله وناسه كلهم من خيرنا يتنغنغون بالكهرباء والماء ونحن كهرتنا طافيه=يهوين يوم اهل المدن من بير عوراء ينزحون ياالله عسى ربك يعيد الاوله والثانيه=قرن القعيطي والكثيري قرن من خير القرون والختم صلوا عالنبي ياهل القلوب الساليه=صلوا عدد مافي المساجد من بشر يتركعون |
||||||
07-25-2004, 04:18 PM | #2 | ||||||
حال نشيط
|
مشكور اخي سبع الليل على هذه القصيده الممتازه
|
||||||
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
ـــــــــــــــــ الزمن مقياس ـــــــــــــــــــ | غازي عمر بن مهناء | سقيفة عذب القوافي | 16 | 06-30-2011 04:34 PM |
علي عبدالله صالح وصل إلى الحكم في غفلة من الزمن.. "الشاويش".. الذي أصبح رئيساً | الجعيدي الوادي | سقيفة الأخبار السياسيه | 0 | 05-03-2011 08:33 AM |
الحمد لك يارب ياواسع الرحمـــــة ..... يا فــرد سبحانك عظيم الشأن يا رحمـــن | أبو بدر من سعاد | سقيفة عذب القوافي | 2 | 04-17-2011 09:54 PM |
يوجد في الشعر العربي الفصيح عجائب وغرائب كثيرة وهذه بعض منها | احمد شهاب | سقيفة عذب القوافي | 0 | 01-24-2011 03:44 PM |
آخر الزمن , زمن الفتن | تناهيد شاب | سقيفة الحوار الإسلامي | 2 | 11-03-2010 02:22 PM |
|