لاتشل هم غيرك

[غازي عمر بن مهناء]

لاتشل هم غيرك

لاتشيل الثقيله خلها للزمن =مع مرور الليالي بأيخف الثقيل
كل غلطه لها حجم ومقاس وثمن=لاتشل هم غيرك الزمن به كفيل
عش على قد حالك=ليش تتعب خيالك
مال غيرك ومالك=خل كلامي ببالك
حط رأسك ؤلاتسمح لدمعك يسيل =لاتشل هم غيرك الزمن به كفيل
أرفع الرأس مادامك خلي العيوب =وأمش مثل الملك دامك تثق بخطاك
واحترس لإتامل في جمال الغروب =خاف تنسئ الشروق ويستبيحك غطاك
دوم فتح عيونك= قول للحق عونك
لاتصدق ضنونك =صن لسانك يصونك
وانتبه يستغي سمعك لقال وقيل =لاتشل هم غيرك الزمن به كفيل
أعط نفسك مناها في طريق الصلاح =ؤاستجب لاامرك القلب نعم الدليل
حب لأن المحبه هي كتاب السماح =لاتبدل بمحبوبك نصيحه بديل
أكتب القلب باسمه= وأمل عينك برسمه
يأخذ الروح قسمه=والأحاسيس نسمه
لأبغى الجدي جيبه له وفوقه سهيل=لاتشل هم غيرك الزمن به كفيل

غازي عمر