حديث الساعه (في زامل بين بن عكعوك وبوراضي )

[طالب النعماني]

مثل ماوعدتكم وعلى وعدي
هذه الابيات في زامل في بوظبي الاثنين الماضي 8/8/1426
بين الشاعر يسلم صالح بن عكعوك بن غانم بن حيدره
والشاعر طالب بن حسن باتيس ابوراضي
وهذا بدع العم يسلم بن عكعوك

بن عكعوك

يابن حسن بنشدك في ذي صار=هت لي خبر واضح وسيره
حسني تضرر من عمل غوار=ماشاف له مخلوق غيره
كانوا احبه كلهم في دار=واخبارهم في كل ديره
واليوم بين الذايبي والنار=من بعد ليام النويره
لابد ثالث بينهم غدار=والسم حطه في غديره
والمتهم هو ولد بالشوار=غوار دايم يستشيره

ابوراضي

ياذي من النشره تباء لخبار=قد ذاع تلفاز الجزيره
قال المراكب بيتت سنجار=دخلوا وسط غبه غزيره
اثنين غابوافي غبب لبحار=واثنين في موجه خطيره
يوم الطمع قد زاد في التجار=كلن يباء لقمه كبيره
شف ذي حصل في الهند ومنيبار=كله سبب شيخ العشيره
سوى لهم لعبه ثبت دوار=وجابهم في عين بيره

بن عكعوك

من وقت سابق قد جمل بازار=يلعب بحشوان القطيره
ساروا على كمن جمل هدار=ذي دربوا شعب الخظيره
لاعادهن في الحوش ياستار=بايفعلن حجه نكيره
بايلقن الحافر مع الحفار=يمسون في وسط الحفيره
والا فلاغنت على لصبار=بنت القثم بيضاء مثيره

ابوراضي

يابوعوض طبع الزمن دوار=والارض كوره مستديره
حوّل بنجم القلب لاقد ثار=باتعبر اسيوله كبيره
والبخص بايصبح بحكمة يار=للسيل مامكن ضميره
ليلة مساء يعصر به العصار=شقعته سواها مطيره
ريته وقف في حلوها والقار=في وجه لقوام المغيره
كنه ترك بله ضحىء الجزار=في المجزره قيّد بعيره

بن عكعوك

لو ماعمل له شفرة العقار=يلقيه عامنصب عقيره
والزانعه تبرك مع الخوار=لي مايشف عقبة حويره
روح علي وسيفه البتار=في المعركه توحي صريره
هذاك ذي دمر به الكفار=بوجهل قد حصل مصيره

ابوراضي

بركت جمال السيد المحضار=بحمولها ظهر الهجيره
ريته ندر في سعهة البقار=والقى كما مولى الحظيره
ذي قدم اليمنى على ليسار=ماهز سيفه في جفيره
في كل سمر قصدوا له الشعار=حتى الملك حطه وزيره

بن عكعوك

يابن حسن يالشاعر البيطار=مريض شف عيني ضريره
تقول حد دق وسطها مسمار=والثانيه رمده سهيره
ماشي صبر وان كان جاء صبار=جبتوه في شنه صغيره
وانته نسيبي وانت احسن جار=داوي نسيبك واستجيره

ابوراضي

ماتشوف شر ياذي عليك البار=نحنا وياكم من عشيره
ولاتذكرني بذي قد سار=في خور مكسر والقويره
كم من جمل روح على العصار=واستصعب الجلجل عصره
من بعد ماقد راحوا الثوار=بعت المدافع والذخيره

[ابورائد النعماني]

بدع وجواب لااروع
سلمت ياشاعرنا ابوراضي
وسلم بن عكعوك
وشكرا جزيلا لك
لنقلها لنا الى السقيفة
ودمتا بالف خير
تحياتي

[طالب النعماني]

بارك الله فيك يابورايد
وان شالله نكون عند حسن ضنك دايما
واوعدك بالمزيد

[حكيم المعاني]

بدع وجواب منقوح حياك الله يابو راضي
والف شكر لبن عكعوك
ولتمنا منك المزيد

[ابو نوف]

صح اللـــــــــــــــــــه السنتكم يابو صالح انت وابوراضي ونتمنى منك يابوراضي ان لاتبخل علينا بمثل هذه المساجلات الروعه وكم كنا نتمنى ان نحضر هذه السمره مباشرة لكن شاءت الاقدار ان لايكون لدينا علم بها , اكرر الشكر لك على نقلها والسلام عليكم.

[أديب رخية]

شاكرين يابوراضي للنقل المميز

صح لســـــــــانك يابوراضــــــــي وصــــــــح لسان شاعرنا الكبير [blink]أبوصالح بن عكعوك[/blink]

نرجو ان تستمر اللقـــــــــائات بينكم وإذا فيه جــمع أكثر من شــعــارنا يكون آفضل

دمتم لنا بكل خير ...

تقبلوا خالص تحياتي :

[المعطل]

شــكراً يا [blink]بوصالح[/blink]

[size=5][font=Simplified Arabic]صح لسانك وصح لسان أخونا ابوراضي

صراحة مساجلة رائـــع الله يعطيكم العافية
ويرايتها تتكرر ..[/font][/size]

أخوكم [blink]المعطل[/blink]

[مرعي بن سميدع **]

ماقصرت يابوراضي انت وزميلك مشكورين

[العايد1]

صح لسان الشاعر الكبير يسلم بن عكعوك
وصح لسانك يابو راضي
والله كلام هادف وفي صلب الموضوع انهاء الحقيقه بحذافيرهاء
تسلم يابو راضي ويسلم شاعرنا بن عكعوك
ونشكرك على نقلك المتميز وبأنتضار الجديد ودمتم في رعاية الله

[شعيب2005]

دائما ً متألق يا بو راضي

رجاء ً أطربنا أكثر

منتظرين

تحياتي

شعيب