مساجلات الزامــــل الشعبي

[محمد سعيد بن مخاشن]

اقتباس : المشاركة الأصلية كتبت بواسطة جعور [ مشاهدة المشاركة ]

ذا فصل والثاني غبب وبحار = عشرين غبّه غوطها ستين غوصوا معي يامعشر الشّعار = بنجيب ماقد صار في السبعين بنحلّل الحادث وعاده حار = من قبل يبرد شاركوا ذلحين هل هي جرايم ثعلنا المّكار = ولاّ جرايم بأسم هذا الدين

ذي هو وقع ما له سهب ... جم ضار=ما هي عوايد أهل وادي العين
يلقوا كذا في ليل وألاّ نهار=والظن ذي صاد النّصع بكّين!!!
جم مصلحه للصّين!!! يا جعوار=تصبح عصيده ديرة الشّجنين
وبعدها بايعصدون إظفار=وقد ذرّوا الحِدوان في البحرين
والحل شوفه سنّة المختار=وما فتى بن باز والجبرين

[محمد سعيد بن مخاشن]

قد خرّبوا ديرة عمر مختار=وبغداد ذي تشرب على نهرين
وِدْمشق فيها الدم بالأنهار=والنيل بايصبح لنا نيلين
وعمر بشير إلحِقِه بالبشّار=ومن بقي قل له صبر سنتين
تخطيط ( ما يخُرِّشْ ....... ) ولبعد صار=مثله ... ألا علبوش يا ارض الصّين

[جعور]

قلوبنا صارت كما الأحجار = ورؤوسنا وسط الثراء والطين
هل عادشي نخوه وعدشي عار = يالمخشني والديس والبقرين
فيها التواير راشنه بالنار = والقتل سابر عا حسن وحسين
يكفي كفانا شجب وإستنكار= مانفعت النخلة وسط سيفين

[طالب النعماني]

السلام عليكم ورحمة الله وبركاته

[سالم الزير]

ذي كان قابض سيفه البتار = روح وضاع السيف بوحدين
يا حسفتي عالوقت ذي قد سار = يا حسفتي عالوعل باقرنين
ذي من فراقه نوم عيني طار = وامسيت جالس قلب الكفين
وش با يعبر باقي المشوار = فصلين راحت باقيه فصلين

[طالب النعماني]

السلام عليكم ورحمة الله وبركاته

[نجم سهيل]

اين انت ياحنطبه بدع لابوك

[جعور]

اقتباس : المشاركة الأصلية كتبت بواسطة نجم سهيل [ مشاهدة المشاركة ]

اين انت ياحنطبه بدع لابوك

وانته متعرف تفصل يا سهيل

[سعود بن كردوس]

ذا فصل جاك اسعود بن كردوس=ياللي تجول ف العضيده
دور لكم يامعادن الناموس=يصحاب لفكور السديده

[سعود بن كردوس]

بانطلع الزينه من القاموس=والصايبه هي والمفيده
مابامشي ف الدرب ذي معكوس=ختى ولونا عالحديده