(((((الدان)))))

[أبونمر]

ذي باتوله معه مابايولهنا =لايالوزيري كلامه شغل وتجاره
ونا التجاره ترى ماميل لالاها=من يوم مابادخل فيها ضوي خسران
انا نحب السلى شفني وتعرفنا=انته ومعبد وتكفي منكم إشاره
لاجاتني بافهم مابانخلاها= من فوق اذني تمرلوكانني فهمان

ماعليه يالوزيري وسعنا الربط قليل وحررناه في المقطع الأول والثالث حتى يطلع كلام على الكلام

[الوزيري]

لاشفت انا بونمر موجود يدعمنا = باقول جبنا لذاك البحر عبارة
ماباتخالف ولابتزل مراسيها =مادام لي فوقها ربان
ياالموج مابانهابك ليش تتعبنا=بيدي شبك ماجبت سنارة
وادخل غبب مانفكركيف تاليها=ونوكل الامر للرحمان

[الوزيري]

اخواني فصل جديد اتمنا ان يعجبكم واقول لكم ملاحظة ان العجز الاخير هو قصير حتى يستقيم الحن

ذا فصل ياهل المغاني عادها حنة=في النفس ليهي على الوديان محنونة
من بعدهم قد صبرنا جم ونعاني=( والعمر عدّى ونا محنون)

[سعيد محمد علي عبود باوزير]

قلبي معذب فالهوى ونه على ونه = ريت المحله تقع فالعين في نونه
والحسن شفته وشفت الحسن صنعاني =واصبحت هايم كما المجنون

[الوزيري]

نعم نعم يالباشق ياريت تتكرم بفصل &&

احسب حسابي وكن الاقدار قد حكمت= اشياء علي تنقض الموعد وترتيبه
لاقلت حان السفر باقوم باسافر= تظهر مشاغل وهذه كلها لسباب
ماهمني البعد لو قالو علي بعدت =ارض اليمن ياصحابي عندي اقريبه
ليله تكفي طريق البر لاصافر = والظهر بانسمع التعشير والترحاب
لجل المحب ماهمرت اسبال لاحطت=ولايوم احسب ظلام اليل واسريبه
عدي في الجول والكثبان في عاكر= والرعد والبرق يشعل فوقنا واسحاب
ياخارساعه فروق الصيد لاقبلت = وانته معك بندق البلجيك تغزيبه
رامي وفنان يالباشق وبتغامر= والوعل حامل ميه جبته بزين اسلاب

[بوجنيد]

يهل السقيفة دخلنا ماترددنا**يوم الوزيري دخل منظومة اشعارة
ببيات حلوة مليحة سهل معناها**يستاهل المدح منهوفي السلاحبان

[ابوهارون]

العفو يا بوجنيد انت خرجت عن الفصل مقبوله يالغالي
.

[الوزيري]

بعض العرب محظوظ جاءالساحل وعيد=واخر في الصيطان والوادي عواده
لكن لي عالبحريامجمل تجمل= العيد مع شم النسيم
من بعد اعوام التعب بالشوف يسعد= لاجات عينه على انسه واسعاده
بيقول تمت لنا الافراح وتكمل=حلمي وخليني اهيم

[معبد]

بايفرق النوب لاقد طاب له مجنا = وخظّر الوادى المصيوت واشجاره
يافرحت القلب لازانت مجانيها = والغيث دلهم على الجيلان

[أبونمر]

مابدخل البحر ذي موجه يخوفنا =لاقد عزمت السفر باشل طياره
النول ماهمني الفين بادفعها=لاتقرب البعد من جده الى الريان