ياقهر القهور

[سبع الليل]

يالله بحسن الخاتمه والمغفره=يامن له القدره على نبت البذور
سالك تفرجها قلوب مكدره=تعلم بما فيها وما تخفي الصدور
والفى صلاتي عالرسول المفخره=المصطفى الهادي عدد ما في السطور
ذا فصل والثاني عظام مكسره=الله يقدرنا على جبر الكسور
أشياء من المولى علينا مقدره=بشحومها ولحومهاوسط القدور
وباشوف قدامي نزور منزره=وخيوط حمراء بين طيات النزور
ماشي بصر ماشي ردود مزرزره=الخادمه تسرح وتضوي بالزقور
وين الحكم لي بايدير الكركره=وين المساعد والحراسه لي تدور
سنو لها السكين بعد المبخره=وقيدوها بالسلاسل والعطور
تقييد ماكن من الركب الى الحنجره=وتبركعت ولعاد باتقدر تثور
ان هي مدانه باءلبوها شعفره=وان هي بريه باتساندها الصقور
بعد الميه طافت نواحي بربره=وتقبضت بالساس وكبار الصخور
هاتوا خبر فيها قضيه مشفره=هزت ربابين السفن وسط البحور
ومن شافها بيقول شفها مزوره=لكن حقيقتها على مد العصور
ماشي بها غير العظام مبتوره=ماتستهب في ليل وألا في ظهور
لو لا الحياء باقولها بالمشوره=باشاور اصحاب الثقافه والفكور
لي قايسوا بامتارهم والمسطره=وتعثر المقياس ياقهر القهور
صارت قضيه خافيه ومستره=من بعد ما كانت فريجه للطيور
قلنا لهم خلو الشبع والعنتره=وتريضوا في حيد وألا في نتور
لكنهم قبضوا حبال الخرخره=قبضو بها بالغصب ماهو بالخيور
هذا جزاء الباطل وفعل المسخره=ودعاوي المظلوم يسمعها الغفور
يالله عسى التثبيت حل المقبره=والعفو والغفران لصحاب القبور
والختم باصلي صلاه مكرره=عالمصطفى تعداد همسات الطيور

[مبروك بن ماضي]

اخوي المبدع :
الشاعر / سبع الليل
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري

أخوك / بن ماضي

[سبع الليل]

شكراً جزيلاً اخي مبروك الله يبارك فيك

[أحمد العمودي أبوفيصل]

الاخ سبع الليل
قصيده من اروع ماقريت
كلام جزل تشكر على هذه الدره الثمينه
تقبل تحياتي دمت بود

[سبع الليل]

اشكرك شكراً جزيلاً اخي الغازي واتمنى لك التوفيق طول العمر
ياعزيز ياغالي

[طالب النعماني]

قصيده رائعه
وياقهر القهور
كلام جميل جدا

[سبع الليل]

شكراً يابوراضي ماقصرت الله يعاقيك